WANGSHEMBU MWOT 15:20 - OTSAO BAIBEL (BSI)

²⁰ Itülüi, chapabu ang tö koxkya chitsaokya süt taxsax; chinunchakkaikya füi atsaile ngolax; aji chiajen homle langkya müi hia aji chemchu taxsaxle apuale hwom hato lai wüi zahax.

WANGSHEMBU MWOT 15:20 ပူးပေါင်းရင်းမြစ်များ

WANGSHEMBU MWOT 15:29

Chapabu ang tö koxdaokya süt taxsax; aji taxsax; aji chiajen homle langkya müi taxsax; üntoxle chinunchakkai mwot füi atsaile ngolax; ile ibu chimok homle nang jangngo thüiba nang wan müiüi. Salam.”

MIKNGÜN-OHÜN 2:20

Ikoxlechu kue nang füi ija akaxpu: Owae ma alüile Zang kaxho mix changpu le thüipuix, ija mixcha Jezebel füi nange adu. Ku dabue chinunchakkai mwot mokkya tamchu chapabu ang koxdaokya süt saxkya a she hwon-nwot changle.

MIKNGÜN-OHÜN 2:14

Ikoxlechu nang füi wün angkya zangwün hidaole tüile: Balam hwon-nwot füito azuikyabu hünzom khama züizüi tüile. Israel khünaknu ang chapa ang koxdaokya süt sax ang tom angkya hia chinunchakkaile tüi angkya mwot mok ang tom angkya bama Balak hama anwot-ano le fakya mixsün a Balam changkya.

LIWI 3:17

Israel khünak owaechu ozao hia aji chisaxüi; Israel khünakbue hwom angongo khato ija wanlom a tsün tok to tsün le tole ngo angkya oli.

PONGWANG LAIPEX 9:4

Ikoxle oli tuita hünzome chisax angkya a: ija angkya aji mapao tanto müi chisaxüi; aji ma khüzün tüikya khoma kue ija taxsaxle abaxpu.

WANGSHEMBU MWOT 21:25

Ikoxle mongong mixbu ang achangle hüikya mixnokbu hanpakma ‘chapabu ang koxkya süt taxsax; aji taxsax; üntoxle aji chiajen homle langkya müi chemchu taxsax; üntoxle hünzom chinunchakkai mwotbu füi malualua to atsaile ngolax’ le kwome wündaokya kax laiza le apuadaoa.”

1 KORIN 6:18

Chinunchakkai füi atsaiün. Khünake achaxkya ochax mama tütaliechu tsangtsa to münpo; ikoxle khünak owae chinunchakkai ma thailaxüihex, chixe ma tsangtsa zongto achaxkya changpu.

1 KORIN 6:9

Otsao chichangkyabue Zang Wangting mantswon münkopüi le hünzome münawan hia? Nang taxthaikop ünlax; chinunchakkai, chapa shwomkya, chakzong-kwonte, jonglyen,

MIKNGÜN-OHÜN 9:20

Ibu thama ma mik chiamütle toxkya khünak owachu ma chak-mwot tokya mong chichat. Hun, khop, janjong, long hia pünbu makhange zingkya chapabu owae ngün ang, atat ang, tamchu aham ang chitho, ibu baobu shwomkya hwome chitox.

1 PITAR 4:3

Zang chitsingkya khünakbue mokse tsukya saxmok le hünzome hanpak okhonguile awüt hüidaoa, chemthüikoxle hünzome hünzom tsün chitsao chimaokya, maimong nyakya, mik zalokya, jutok-saxngakya, haox-achaikya, sützik üntoxle nushix dongkya, chapabu shwomkya, ibu lom to koxle hüidaoa.

IBRI 13:4

Noke wüi aju-asomkya achuak achen angkya oli, ilaxle kakonu hia kakopabu tata chiale le ngo angkya changle. Chakzongkwonte le hia chinunchakkaile tüikyabu to Zange kaxfün angkya changle.

1 THESALONIKA 4:3

Hünzom otsao ma tamchu chinunchakkaikya füi atsaile ngo angkya Zang mongtex changle.

KOLOSI 3:5

Nang ma mokle tüikya chaxwannu küntsu monglua, thütba: chinunchakkai, chitsao chimaokya, chimüikya to mong zalokya, ochax mokse tsukya, o-singkya; oja chapa shwomkya changpuix, ibu pangnu hünzome langdaoa.

EFISIA 5:3

Hünzom a Zang khünaknu changkya daile, tüta ningkya chinunchakkai chichangba chitsao chithakya chichangba osing nüfux chemchu hünzom khama bwomle wün ngo angkya jaojao münchang.

GALATIA 5:19

Khünak jaopoe chem moklaxpuix, ija a ngaithokya changpu. Ija a ibu changle: Chinunchakkai; nusak-nusüi ilaxle zongzukkya mwot;

1 KORIN 8:1

Athax, chapa ang koxkya süt bama hünzome zakya a ile: Changle, kwome wünkya ningle kem pangnu ma wüi je-hwom tüile. Ikoxlechu iningkya je-hwone khünak tuita ongam füi tsaichong-kaxbong ang koxle; ikoxle mongküne zong adünle.

1 KORIN 7:2

Ikoxlechu chinunchakkaikya huanuma tüikya khoma lüka nok ang wüi ma kakonu tupong tüi angkya olom changle, ilaxle sheko angchu wüi ma kakopa tüi angkya changle.

1 KORIN 5:11

Ikoxle kue akaxkya kax a ija changle: Owawae tüi-hi-nao changpu le thüilaxle chinunchakkai, osing nüfux, chapa shwomkya, chakmok janlang, jutok saxngat, ohux-otse, iningkyabu füi awonle ngokyabu ang thüiwüi. Hwom füi tomle thung laxle saxlingle jao taxchang.

EZEKEL 4:14

Ikoxle kue lan: “Jowanpa Khüthak Zang, ile münchang! Kue ku otuechu tsaolyenle chang ang matom. Naosom tanto khange wüi kue otuechu owüi zikya müimang hia faomüie langle changkya müimang masax. Zanglom ma otsao münchangle atsaokya sütli chemchu masax.”

TSAITONG-KAXTONG 15:23

Ikoxle ibu aji a süt ang taxlax, itülüi hünzome ti thokpupule haxkha to thokle ajenle awütdao.

TSAITONG-KAXTONG 12:16

Ikoxlechu ibu aji hünzome süt ang chilaxüi; hünzome ija ti thokle awütkya ningle haxkha to thokle awüt angkya changle.

MIKNGÜN-OHÜN 10:8

Ifüima kue atatkya zangkangting tokya kaxzinge ku füi chatle akax: “Hüilax, ilaxle tinu hia chaxwan dingma ajongle tüikya kaxtaimix chak angkya daple tüikya laitün laxlax!”

MIKNGÜN-OHÜN 10:2

Chix chak ma laitünsa tuita daplaxle tüikya. Chix tsaxchi cha tinu dingma ilaxle nongchi cha a chaxwan dingma dan.

IBRI 12:16

Ma tüichongpa sünkho saxkhua tuita ang hangle awütkya Esau ningle owachu chasa ma chitsaole taxtüi.

2 KORIN 12:21

Ku hünzom hato nguikya zuma, ami pongma changdaokya ningle nakchang; Zange ku ang hünzom khoma zak nak-akople zamaxündai. Amipongma mokle ngokya ochaxbu otya ma mokle ngokyabu opange chinunchakkai; chakzong-kwonte tamchu ma ma thünzak chitüi le mokkyabu danle chitox homtoxle tüilaxpuix, hwom hanpakma ku mikfi ajen angkya to ku zamaxündai.

1 KORIN 6:13

Owawae ile thüiüi: “Süt a wok hanpakma, ilaxle wok a süt hanpakmale changpu.” Changle, ikoxle Zange pangnyi wüi oli thudaoüi. Tsangtsa a chinunchakkai angkya lom to twon ang chikox angkya changle, ikoxlechu Jowanpa thothakya mwot to twonüi; ilaxle Jowanpa-e tsangtsa ang pangnu li koxüi.

DANEL 1:8

Wanghom khwa angkya chitsaokya sütlingbu saxling üntoxle Danel-e chix chitsaokya khünak tuita ang münachangüile mongzangwünle tsuak, ikhoma chixe Ashpenaz ang chix to süfonghüile akax.

EZEKEL 33:25

“Ku, Jowanpa Khüthak Zang-e akaxkya ija kax hwom hama wünkox: Hünzome müi a ija ma aji tüikya füi afomle saxtüi. Hünzome chapabu to shwomtüi. Hünzom mix mik amütüi. Jangchangba ija haxtok a hünzom kux changpule hünzom mongto chem makhange ajangle laxlaxpu?

1 SAMUEL 14:32

ilaxle hwome zan chak tokya tuina chemtukux kople tüipuix, ibu hato zikle ngui. Hwome chun, maihu, ibu apüi üntoxle onui ma lang, ilaxle omüi angkya aji bakle chiawüt homtoxle müibu sax.

TSAITONG-KAXTONG 14:21

“Hwom zikzik to zikya müi chemchu taxsax. Hünzom füi tomle ngokya püntüibu ang ibu sax ang koxtsuak, chichangba ija owawa mama mixnok ang hangle koxtsuak. Ikoxle hünzom a Jowanpa hünzom Zang kux changle; hünzom a otsao khünakbu changle. “Honu tsomsiple ngokya chun hosa chichangba zwonsa taxhuak.

HUAKE LAIPEX 25:2

Ibu shekobue, Moab nok baozang ang tö koxle pangpwon sax pongma ibu khünakbu ahyen. Israel khünak ibue ikhato fongsax ilaxle Peor angkya baozangbu to shwom.

LAIPAO 20:23

Hünzome shwom angkya hanpakma ku boma, hun hia khopbu makhange baozangbu zingle taxchang.

PONGWANG LAIPEX 35:2

Ikhoma Jakop-e hwom homkha tamchu hwom füi tüikya khünak pangwüi ang thüi: “Hünzom ma tüikya mixnok baozangbu awütdao üntoxle ma alüile atsaole changlax üntoxle hünzom nyizabu lüilax.

LIWI 18:6

Jowanpa-e wanlom ibibi fa: Ma haxnu-homsa khama owa füi chu chinunchakkaile taxchang.

LIWI 19:26

“Aji tüingale müi taxsax. Hing füi khun-khekya mwot otuechu taxmok.

1 SAMUEL 14:33

Khünaknue omüi angkya aji chiawüt homtoxle afomle müi saxle ochax lyenkya Sol hama wünle kox. Sol akhong: “Hünzom a khohang mixbu! Ikhama ku khang ma longnu atüihüi.”