WANGSHEMBU MWOT 14:23 - OTSAO BAIBEL (BSI)

²³ Müimüithom to tiale hwom azui angkya lompabu zünle tox; hokhie ilaxle chisax chilingle zangjop hanpak lax üntoxle hwom Jowanpa chak to fünle kox.

WANGSHEMBU MWOT 14:23 ပူးပေါင်းရင်းမြစ်များ

TITA 1:5

Mokse mwot athut athuile zing angkya ilaxle ting-hax pangkha towüi müimüithom lompabu zün angkya naxmok lax angle kue nang Krata to danle toxpu. Adangle fakya ku zünkax-saikaxbu mong ma koplax:

WANGSHEMBU MWOT 11:30

Hwome ile mok ilaxle ija ngun Barnaba hia Sol hokhi makhange Jerusalem müimüithom angkya mixpa tüichongbu hato akat.

JAKOP 5:14

Hünzom khama owawa kak-lak pia? Müimüithom mixmüi tüichongbu sekox, ilaxle Jowanpa mün ma chix to münga füi jwom laxle hwom ang zangjop ang tomkox.

2 TIMOTHI 2:2

Khünak obiobi thüntho ma nange atatle kue apuk-apuakya hwon-nwot koplax, ilaxle mae mongongkyabu opange mamabu hatochu anwot-ano ang thoüihex, ibu ang ija mokle pao ang laxkox.

WANGSHEMBU MWOT 20:32

“Üntoxle athax a kue hünzom Zang tamchu chix chingcha Kaxho chak to koxpu. Chixe hünzom ang chasa ma tsakzong koxüi ilaxle chixe ma khünaknu nok hanpakma thomkya mohiman hünzom ang koxüi.

1 TIMOTHI 5:22

Owawa Jowanpa mwottho tha ang kam angkya jangchang thüikoxle chix khangkho ma chak dan ang angangle taxmom. Mix ochaxbu khato hak ang taxthüi; ikoxle nange ma alüile atsao thomlax.

WANGSHEMBU MWOT 20:17

Müimüithom tüichong mixmüibu chix füi apong angkya bama Pol-e Milita tokhange Efisia to kaxho apao.

3 JUHAN 1:1

Tüichong mixmüi tuita tokhange: Kue otsing tomta ma mongkünkya ku mongkün Gaia hato.

2 JUHAN 1:1

Mixmüi Tüichong tokhange: Kue otsing tomtata ma mongkünkya tuita mixcha hia hosa hwom hato. Ku tatae le münchang ikoxle otsingtsing awanle tüikya pangnusae hünzom to mongkünkya tüile,

1 PITAR 5:1

Hünzom füi tomle ku chuwüi tüichong mixmüi tuita ningle; Khrista sikngün bama kaxkhi tamchu ngaiüi tüikya fuazang ma süntswon angkya mix tuita ningle, kue hünzom kha angkya tüichong mixmüibu zongsaipu:

1 TIMOTHI 5:1

Azupa to taxsa, ikoxle hopa tuita ningle chix to zingmüi ma achuak achenle wünkox. Ma füi naolibu to manao büta,

WANGSHEMBU MWOT 15:6

Ija zangwün azutle wün ang wangshembu hia tüichong mixmüibu asox.

WANGSHEMBU MWOT 15:4

Hwom Jerusalem to nguikya ma müimüithome tamchu wangshembue üntoxlechu tüichong mixmüibue hwom wünpwon le pongle kop, ilaxle hwom hanpakma Zange mokkyabu pangnu hwom hama wün.

1 PITAR 5:10

Ikoxle noxta hanpakma hünzome sikngün apong füima, pangnu to chingchakya Zang, owae Khrista füikya notom ma oshuk chitüikya chix fuazang mantswon ang hünzom nyakpuix, chixe hünzom okho anguile faüi üntoxle hünzom ang shingmongkya, zong tamchu mongao chitüikya chifün faüi.

2 TIMOTHI 1:12

Ikoxle sikngün ibu athax kue apongle ngokya a ija khoma changle. Ikoxlechu athax kople ku mong chiaole wüi tüile, chemthüikoxle kue ongkya mix kue awanpu, üntoxle chixe ku ang panle thomkya nyix kople ku sünle thom angkya chixe thoüile ku monge texle.

WANGSHEMBU MWOT 15:23

Hwome ibu makhange ija laiza akat: “Hünzom tüinaobu kwom, wangshembu üntoxle tüichong mixmüibue Antiok tingnu ma tüikya üntoxle Siria hia Silisia haxtok ma tüikya tüinaohom, nuput ma mixnok, hünzom pangwüi hato salam fapu.

WANGSHEMBU MWOT 14:26

üntoxle hokhie imakhange tholünle hüikya mwottho hanpakma hokhi Zang chak to danle koxkya nui Antiok to chat.

KAXHO MÜIKYA LUK 23:46

Ifüima Jisu-e azaxle thüi: “Apa, nang chak to kue ku chasa koxpu.” Ile akaxlaxle chix zi.

MARK 3:14

Ilaxle chixe bün anyi zünle kop. Hwom ang chixe “wangshembu”, le nyak. Chixe hwom ang thüi: “Kue hünzom ku füi tomle ngo angkya hanpakma tamchu hwon-ano ang tsanle apao angkya kuxmale zünle koppu.

KAXHO MÜIKYA LUK 2:37

she zang puli ali nguile zomnu ang achangle hüi). She e chisax chilingle atsaole zangjop hanpak laxle anyixningchu üntoxle awünningchu ojao chidan le Zangshwom hom ma nui.

WANGSHEMBU MWOT 1:24

Ifüima hwome zangjop: “Jowanpa, nange pangnusa mongtex awan ngopu, idaile, Juda owae ma ngwotnui to paoüima oja mwottho danle toxlaxpuix,

2 KORIN 8:19

Chix a noke awankya mix tata le chichangle kwom füi tomle aham angkya hanpakma müimüithom chito khange zünle kopkya mix tuita changle. Kwome saile hüikya mongkün ngunsai to chixe humeüi, ilaxle ijaetix Jowanpa Jisu Khrista fuazangkya tüiüi ilaxle chitüi chinangkya khristan üitho to fongsele tsukya kwom mong ahoüi.

MATHI 17:21

Ikhoma chisax chilingle atsaole zangjopkya etix iningkya jwon ang thoüi; mama chem makhangechu münchang!”