WANGSHEMBU MWOT 14:1 - OTSAO BAIBEL (BSI)

¹ Ikoniam machu ile wüi chang. Pol hia Barnaba nyi Jehudi nok sinagok to ngui ilaxle akax ikoxle Jehudi nok hia Grik khünakbu huanuma, chix to ongkyabu ang achangle Jisu hato hüi.

WANGSHEMBU MWOT 14:1 ပူးပေါင်းရင်းမြစ်များ

WANGSHEMBU MWOT 18:4

Jehudi khünak hia Grik khünak pangnu wüi anom-anai ang azongle, nazakle nuikya nyix chithaile chixe sinagok ma hwom hama kaxkhi fa.

WANGSHEMBU MWOT 13:51

Pol hia Barnaba nyie hwom ochax hwom ma wüi bang angkya münwan ahole hokhi cha angkya haxbu hongle tox ilaxle Ikoniam to pao.

WANGSHEMBU MWOT 13:46

Ikoxlechu Pol hia Barnaba nyie sisile mongchong laxle thüi: “Zang kax a pongwang ma hünzom hama akax kop angkya olom changpu. Ikoxlechu hünzome ija chilax, üntoxle oshuk chitüikya tsün hanpakma asukyabu to münchangle hünzome ma alüile ahaikoxle, kwome hünzom dantoxüi ilaxle mixnokbu hato paoüi.

WANGSHEMBU MWOT 14:21

Pol hia Barnaba nyie Darbe ma Kaxho Müikya apuk, üntoxle khünakbu Jisu wangshembu ang huanuma achang. Ifüima hokhi Lastra to pao, ifüima Ikoniam to aham ilaxle oshukma Pisidia angkya Antiok to chat.

GALATIA 3:28

Idaile Jehudi hia mixnokbu bama da hia panle thomkyabu bama, lüka hia sheko bama le süichapkya chemchu müntüi, Khrista füikya notom ma hünzom pangnu tuita.

ROM NOK HATO ZAKYA POL LAIZA 10:12

Ija ma pangnu wüi womle, chemthüikoxle Jehudi nok hia mixnok le süikya kha chemchu müntüi; Zang a nok Jowanpa, ilaxle chix mün lünkyabu pangnu hanpakma mohiman okho changle.

ROM NOK HATO ZAKYA POL LAIZA 1:16

Kaxho Müikya bama ku münazak; chemthüikoxle ija a opange ongpuix hwom khosün hanpakma Zang tsakzong changle, pongwang ma Jehudi khünakbu hanpakma ilaxle mixnokbu hanpakma.

WANGSHEMBU MWOT 19:17

Efisia ma ngokya Jehudi khünakbu hia mixnok pangnue wüi ija zing atat ang kop; hwom pangnu wüi za ilaxle Jowanpa Jisu mün onüi towüi achuak achenle chang.

WANGSHEMBU MWOT 19:8

Pol sinagok to dong, ilaxle lyetkua azom ojao chizale khünaknu hama zangwün ilaxle Zang Wangting bama chix akaxle ngokya bama otsingtsing changpu le chixe kaxkhi fa.

WANGSHEMBU MWOT 18:8

Sinagok ma alixachong sün Krispa üntoxle hwom homkha pangnue wüi Jowanpa to ong; ilaxle Korin angkya khünaknue Pol kaxho apa, ija to mongong ilaxle hwom bapti.

WANGSHEMBU MWOT 17:12

Hwom khama mongongkyabu huanuma lai; ilaxle lükabuchu wüi üntoxle e-sele tüikya shekobuchu wüi Grik khünak mongongkyabu huanuma lai.

WANGSHEMBU MWOT 17:4

Züizüie Pol kaxho changle le apa üntoxle Pol hia Sila nyi füito hak; iningle Zang to shwomkya Grik othom huanuma üntoxle e-sele tüikya shekobuchu wüi hokhi chito hak.

WANGSHEMBU MWOT 13:43

Ile sinagok ma asoxkya khünaknu fan füima, Jehudi khünakbu hia Jehudi nok ang achangkya mixnokbu züizüi Pol hia Barnaba nyi füito hüi. Okhie hwom füi akax üntoxle Zang chingcha ma otya ma ngo angkya hwom ang zong adün.

WANGSHEMBU MWOT 11:21

Jowanpa tsakzong hwom füi tüikya, ilaxle khünakbue mongong laxle Jowanpa füito azui.

WANGSHEMBU MWOT 9:20

Chix tangthole sinagok to ngui ilaxle Jisu bama hwon-ano ang süt. Chixe thüi: “Jisu ang Zang Hosa changle.”

WANGSHEMBU MWOT 21:28

Hwome akhongle thüi: “Israel khünaknu! Kwom to asunhüi! Kem Israel khünaknu hia Mosa Wanlom tamchu ija Zangshwom-Hom füi opüipüi pangnu hama apua-ano le pangnu khato aham ngokya mixsün a ija changle. Ilaxle athax tomning chixe mixnok Ija Zang shwomnui to apüikya makhange ija Otsao Nui chitsaokya ang achangdaoa!”

WANGSHEMBU MWOT 20:21

Hwom pangnu wüi ma ochax tokya Zang hato chatle, Jowanpa Jisu shwom angkya changle le Jehudi khünak hia mixnok pangnu ang wüi kue otsing tomtata ma kaxkhün tomwüi fadaoa.

WANGSHEMBU MWOT 17:17

Ikhoma Jehudi nok hia mixnok Zang shwomkya khünakbu füi sinagok ma ala, ilaxle le-zyenüi khünaknu füi tingjang lomnu to ala.

WANGSHEMBU MWOT 16:1

Ilaxle Pol Darbe hia Lastra to aham. Ikhato Timothi le amünkya Jisu Khrista to mongongkya naosün tuita tüikya; chix honuchu wüi Jehudi cha mongongkya khünak tuita changkya, ikoxle hopa a Grik sün changkya.

WANGSHEMBU MWOT 14:2

Jisu to münong lükya thom Jehudi khünakbue Grik nok buto chüile mama üntoxle tomwüi mongong mixbu to chichang-chizangle hwon.

WANGSHEMBU MWOT 13:5

Otue hokhi Saipras to nguipuix, Jehudi nok sinagokbu to hokhie Zang kax apuk-apua. Okhi füito mwot to fong ang Juhan Mark chuwüi kop.

JUHAN 12:20

Pangpwon tukma Zangshwom angkya hanpakma Jerusalem to dongkya khama züizüi Grik nokchu wüi tüikya;

JUHAN 7:35

Jehudi nok pünpa-chongwangbue tata füi zangwünle akax: “Keme atak ang chitsuak angkya khato ija mixsün ojong to pao ang thüitüi puixsi? Kem khünakbu ngokya Grik tingnubu to paolaxle Grik nokbu hatochu anwot-ano ang thüipia?

KOLOSI 3:11

Ikhoma mixnok hia Jehudi nok, khwonzüt zom twonkya hia chitwonkya, chemchu chitsuak chimankya nok, dinghüt khosom ngokya nok, dabu tamchu dan-pan thomkyabu le süipaikya chemchu müntüi, ikoxle Khrista pangnu, pangnu ma Khrista.

GALATIA 2:3

Ku üitho Tita, chix Grik khünak changkoxlechu, chix ang khwon züt angkya chiatsang; züizüibue mokkox wüi müisele texkya.

WANGSHEMBU MWOT 19:10

Ile nuikya zanglao anyi hom, idaile ijongkha Asia haxtok ma ngokya Jehudi khünaknu hia mixnok pangnue wüi Jowanpa kax atat ang kop.

MARK 7:26

Ija mixcha a Grik cha, Siria haxtok tokya Foinesia nok tokya changkya. She-e sacha angkya haxshix chasa apaofa le chix ma chingcha ju.

WANGSHEMBU MWOT 2:47

Üntoxle zang mün achuakle khünak pangnu wüi tata füi mongmüi le ngo. Üntoxle nyixfole Jowanpa-e khosünle kopkyabu hwom khato athüt ang kox.

WANGSHEMBU MWOT 14:19

Pisidia angkya Antiok hia Ikoniam tokya Jehudi khünakbu züizüi ikhato ngui; ibue khünaknu hwomchi to jikle kop. Hwome Pol to long füi thup üntoxle ziüna le thütlaxle pan akaile chix linle alai.

WANGSHEMBU MWOT 16:2

Lastra hia Ikoniam angkya tüinaobu noke wüi Timothi mo müile le wün.

2 TIMOTHI 3:11

Ku zothupkya ilaxle ku sikngünkyabu ngünle laxdaoa. Antiok, Ikoniam hia Lastrabu to kue adule hüikya zothup pangwüi nange awanpu! Ikoxlechu ibu chak tokya Jowanpa-e ku khosünle koppu.