WANGSHEMBU MWOT 13:48 - OTSAO BAIBEL (BSI)

⁴⁸ Mixnokbue ija kax atatlaxle mongmüi ilaxle Jowanpa kaxho achuak; üntoxle oshuk chitüikya tsün atak angkya hanpakma Zange zünle kopdaokya mongong mixbu ang achangle hüi.

WANGSHEMBU MWOT 13:48 ပူးပေါင်းရင်းမြစ်များ

EFISIA 1:4

Chix pomtho ma kem otsao ang achang angkya ilaxle thaikya chemchu chitüile chang angkya bama, Khrista füikya notom ma kem, Zange kem amiba wüi chix hanpak ang zünle thom daokyabu changle.

ROM NOK HATO ZAKYA POL LAIZA 11:7

Jangchangba chem? Israel noke hwom lomle ngokya chiatak. Zange zünle kopkya khünak huak hidaole tüikyabue tix ija atak; mamabu ang a Zange nyakkya atat ang naba.

JUHAN 10:16

Ikoxle ija othom kha angkya chichangle, ku ang chun mamabuchu wüi tüihule; kue hwomchu wüi apüi angkya changle; hwome ku kax ma laxle tüiüi, ile nyetmix tuita fangma othom tuita ang achang angkya changle.

JUHAN 11:52

Tamchu hwom tata bama le chichangle, chiakle tüikya Zangsu Zangsabu afox-azoxle tuita ang achang angkya kuxmale, Zange chix ile fyetle angao.

EFISIA 1:19

Ija hünzome awanle lax angkya hanpakma, chix zangngai ngün angkya hünzom mongka daple khangka naja adün fakox le kue joppu.

WANGSHEMBU MWOT 2:41

Pitar-e akaxkya kaxho to ongkyabu huanuma lai ilaxle bapti lax; ija nyix ongkya khünakbu hajat azom tukux hwom othom khato athüt.

WANGSHEMBU MWOT 22:10

‘Jowanpa, kue chem moküi?’, le kue atüi. Chixe lan, ‘Zolax, üntoxle Damaska to donglax, üntoxle Zange nang hanpakma mok ang achwonle tüikya komle ikhato nang hama wünüihex.’

KAXHO MÜIKYA LUK 7:8

chemthüikoxle ku chuwüi apün adakya mix fangma ngokya khünak tuita changle, ilaxle kuechu ku fang ma süpahibu thompu; kue mixhuak tuita ang ‘Paokox’ jangthüiba chix pao angkya wüi; ilaxle mama mix ang ‘Oman’ le jangseba chixchu hüi angkya wüi; üntoxle ku da ang ‘Ija mok kox’ le jangtsanba chixe ija mok angkya wüi.”

ROM NOK HATO ZAKYA POL LAIZA 13:1

Chaxwan apün-awangkyabu kax ma pangnusae wüi lax angkya changpu, chemthüikoxle Zange chifakya apün-awang angkya olom chemchu müntüi, ilaxle apün-awangle ngokyabu angchu zong Zange fapu.

WANGSHEMBU MWOT 28:23

Ifüima hwome hanpak nyixta tyale tox ilaxle ija nyix khünakbu Pol füi apong ang chix ngwotnui to ngui. Swom makhange hanhom ma thule chixe Mosa wanlombu hia ajebue zakya kaxbu apüilaxle akhix akhanle apuakya tokhange hwom mong anom-anai ang azong.

WANGSHEMBU MWOT 2:47

Üntoxle zang mün achuakle khünak pangnu wüi tata füi mongmüi le ngo. Üntoxle nyixfole Jowanpa-e khosünle kopkyabu hwom khato athüt ang kox.

WANGSHEMBU MWOT 20:13

Kwom achale achex ilaxle khua ma ngale Asos to ka; Pol a ikhato tix khua ma nga angkya. Chix ikhato haxza-haxzale ahamle ka angkya daile, kwom füi ile changhüio le akax.

MATHI 28:16

Jisu-e donglax ole thüikya Galili haxhua to wangshem hwom bün büta dong.

MÜNCHUAK-TSAI 138:2

Kue nang Zangshwom-Hom chitho thün ahopu, akhuxpu, üntoxle nang mün achuak-achenpu; ija a chizakkya nang mongkün hia chialekya nang mongong khoma, chemthüikoxle nang mün hia nang kaxtombu a akhokya changle le nange ahodaoa.

2 THESALONIKA 3:1

Oshuk ma tüinaohom, hünzom khato chemle changdaopuix, ilailaile Jowanpa kaxho thuithui le apukle le angkya üntoxle ija achuak achenle pongle kop angkya bama, kwom hanpakma zangjop hüi.

1 KORIN 16:15

Hünzome Stefen hia chix kako bama awanle ngopu; Akaia ma hwom khristan ang achangle hüikya kako owang lükya changle ilaxle hwome Jowanpa mwottho ma ngokya thothapabu to hume angkya hwom hünlix changpu le tsingle hüile. Tüinaohom, kue hünzom ang thüipu,

WANGSHEMBU MWOT 15:31

Khünaknue ija laiza e ilaxle hwom ang zong adünkya kaxho to tüle mongmüi.

WANGSHEMBU MWOT 15:2

Pol hia Barnaba nyie hwom füi khünzule kax ma alat üntoxle Ija bama ala; idaile Pol hia Barnaba nyi füi tomle Antiok angkyachu khünak züita zünle koplaxle wangshembu hia tüichong mixmüibu füi apongle zangwün azut ang Jerusalem to pao angkya oli changle le zangwün.

WANGSHEMBU MWOT 13:42

Pol hia Barnaba nyi sinagok angkya laile paoüi to, ija kaxmik wüi chatlechu anaokya nazak nyixchu akax angkya bama khünaknue hokhi ang thüi.

WANGSHEMBU MWOT 8:8

Idaile Samaria angkya tingnu ma tüikya khünaknu huanuma mongmüi.

MATHI 25:46

Ifüima hwom a oshuk chitüikya zothup nui to apaoüi; ikoxle otsaobu a oshuk chitüikya khüzün khato paoüi.”

WANGSHEMBU MWOT 13:12

Ile changkyabu ngünlaxle Gowarnor-e Zang kax to mongong; Jowanpa bama apua-anokya to chix huanuma abüt.

ROM NOK HATO ZAKYA POL LAIZA 8:28

Chix to mongkünkyabu, kem opang Zange chix mwot mok ang ahyenpuix, hwom füi Zange omüi hanpak paktikle mwot mokkya keme awanle.

EFISIA 1:5

Chix mongkün khoma Khrista ma kem chixsu chixsa ang achang angkya Zange mongzangwünle tsuak daokya changle. Ija a chix mongmüi tamchu chix chaktung changle.

EFISIA 1:11

Pangnuli Zang mwottho hia mongzang wünkya ma tix mokle hüipu; üntoxle pongwang tokhange wüi thomkya chix mongzangwün ma athong laxle, chix chaktung khomale Zange kem Khrista füikya notom ma chix khünaknu ang zünle kople.