WANGSHEMBU MWOT 13:45 - OTSAO BAIBEL (BSI)

⁴⁵ Khünaknu huanuma asoxkya ngünlaxle Jehudi khünakbu ang mongto anakya hüi; hwome Pol zangwün füi apüile akax ilaxle chix ada.

WANGSHEMBU MWOT 13:45 ပူးပေါင်းရင်းမြစ်များ

JUD LAIZA 1:10

Ikoxle ibu khünake hwome ngaxchu chitsingkyabu ang kaxma thüi üntoxle hwontüi jezai le chichangkya müibu ningle, pangnu li hwome jaopo makhange awanle laxle ilaxle ibue hwom amütle.

WANGSHEMBU MWOT 18:6

Otue hwome chix mwot abax üntoxle chix ang kaxma thüipuix, chixe ma nyi angkya khui hong üntoxle kaxza zongle akax: “Hünzom max-sam koxle, hünzome ma to alüile jualax. Ija bama ku hünlix münchang. Athax makhange ku mixnokbu hato paoüi.”

1 THESALONIKA 2:16

Hwom hato khosün apüi angkya kaxho mixnokbu hato apuk-apuale ngokya kwom abax ang ngaxchu hwom tüle azong daoa. Ile hwome othuithuima mokle hüikya ochax okhongui le mokdaoa. Üntoxle athax oshuk ma hwom hato Zang mongtsik nguile tüile!

WANGSHEMBU MWOT 19:9

Ikoxlechu hwom khama züizüi mongkhüikyabu tüikya ilaxle ibue mong chiongtsuak. Ilaxle khünaknu thüntho ma hwome Jowanpa lomtang bama kaxma thüi. Ikhoma Pol-e ibu dantoxlaxle Jisu wangshembu chix füito laxlax tox; üntoxle Tairanas khünaknu pünzün wangsaikya homnu ma chixe nyixfo to khünaknu füi zangwün ma aswot.

WANGSHEMBU MWOT 5:17

Ofüima Nguakho hia ikhama tüikya sadukibu khama mün tüikyabu, opang chix füikyabu changkya hex, hwom mongto wünchua dong le wangshem nyi to miktsak; idaile hokhi ang sikngün fa angkya wüi changpu le hwome zangwün tsuak.

1 PITAR 4:4

Üntoxle athax a hwom füi tomle hapkaile shixkya tamchu twopla-twoplüile ngokya khato hünzom chiwomkya ngünlaxle songsaribu abütle, ilaxle hwome hünzom ajao ahaile.

1 KORIN 3:3

chemthüikoxle athax kople hünzom chaxwannu khünak ngwot ma ngotan changle. Ongai hünzome tata to atsak akhu puix ilaxle atsi-alaxpuix, ijae hünzom chaxwannu chifün ma ngolaxle zangjang khünak ningle müi-hi-aji ma tüile le ahokya münchang hexnyi?

WANGSHEMBU MWOT 17:5

Pol hia Sila nyi füito khünaknu huanuma asüikya ngünlaxle Jehudi khünakbu ang mongtsik ilaxle tingjang lomnu tokya züntebu sele asoxlaxle wuk adün angkya othom ang zingle dan. Hwome tingkhua pangnu chito wüi mwop lai ang kox üntoxle Pol hia Sila nyi koplaxle khünaknu hato alai ang hokhi lomle Jason hom sing.

MATHI 27:18

Jehudi nok pünpa-chongwangbue Jisu Khrista a chix ang owüiole koxdaoa le tsing; chemthüikoxle hwome chix to miktsak.

JAKOP 4:5

“Zange kem ma ngo ang tomkya chasa to Zange tüle akhüixle”, le thüikya Otsao Lai kax kaxbi ngaoba le taxlax.

GALATIA 5:21

ahak-ahankya; osing-nüfux; mong apamkya; jutok-saxngat; thomsha-khuazong; iningkyabu. Ami pongkya ningle athaxchu kue hünzom ang kaxkhün fapu: Opange iningkyabu saxmok laxüihex, ibue Zang Wangting kop ang müntho.

ROM NOK HATO ZAKYA POL LAIZA 1:29

Hwom a. Oma, nüfux, ilaxle tata zongto tüikya, iningkya chichang-chizangkyabue awang; miktsak khangsyen, alang ahuak, achax-azan, dyen-ngan, üntoxle mix fün amakyabue amün laxle hwom ngo.

MATHI 23:13

“Wanlom nwotmix hia farisibu a künkux-mongkwombu changle! Hünzom maxsax! Hünzome khünaknu thüntho ma zangkangting ka hakle ilaxle hünzom chuwüi ikhato chidong tamchu ikhato dongse le azongkyabuchu wüi hünzome dong ang chitom.

HWON-NWOT-JAONO 4:4

Büthüikoxle khünaknue tata man ma lüi ang azongle mokpuix, ija kue tsing: ija a hwome ma tomzi ma tüikya tuina to osingkya khoma changle. Ikoxlechu ija ma laxli chemchu chitüi. Ija a tuita zangwin achuakle zikngokya thatha ang changpu.

HUAKE LAIPEX 11:29

Mosa-e lan: “Kue luakya to nang mix aban pia? Jowanpae chix chasa khünaknu mok ang koxle chang koxle pangnusa wüi ajebu lailaile akhong ang tomle müihuse thüikoxchu!”

PONGWANG LAIPEX 37:11

Jusep to hotüi-honao hwome miktsak ikoxlechu hopae ibu zangwün komle chix mongkha to thom ilaxle mongzangwünle ngo.

ISAIA 26:11

Nang zanpabue nange hwom to sikangün angkya le müntik. Jowanpa, hwom ang zak akopkox ilaxle sikngün ang tomkox; nange hwom hanpak ang achwonle thomkya zothup ma hwom sikngün ang tomkox. Hwom hama nange nang khünaknu to chemtukux mongünpuix ahokox.

WANGSHEMBU MWOT 13:50

Ikoxlechu Jehudi khünakbue tingnu ma achong abongbu ilaxle mixnok cha saxpu luawangbu kako tokya opange Zang to shwompuix, ibu to chüile ama. Hwome Pol hia Barnaba nyi to zothup ang süt, ilaxle hwom wankam angkya zuale apao.

WANGSHEMBU MWOT 14:2

Jisu to münong lükya thom Jehudi khünakbue Grik nok buto chüile mama üntoxle tomwüi mongong mixbu to chichang-chizangle hwon.

WANGSHEMBU MWOT 14:4

Tingnu angkya khünakbu othom anyi ang ahan: Züizüi Jehudi khünakbu chima se ilaxle mamabu a Pol hia Barnaba nyi chima süt.

WANGSHEMBU MWOT 14:5

Ifüima mixnok hia Jehudi khünak lompabu füi tomlaxle hokhi to chisumüile zak akople hwon ang hia longfüi thup angkya katzua tsuak.

WANGSHEMBU MWOT 14:19

Pisidia angkya Antiok hia Ikoniam tokya Jehudi khünakbu züizüi ikhato ngui; ibue khünaknu hwomchi to jikle kop. Hwome Pol to long füi thup üntoxle ziüna le thütlaxle pan akaile chix linle alai.

2 KORIN 11:26

Wünhamkya tuk ma ku obi thomthom ma hexle tinu mualyemkya hia ahux mixbu tokhange, Jehudi nok hia mixnokbu tokhange thama apong angkya lai; tingnubu to thamakya, Molo-Tinu mongto thamakya, ilaxlechu othai zuikhuibu tokhange apüikya thama, ibu füi ku asao angkya lai.

2 TIMOTHI 3:11

Ku zothupkya ilaxle ku sikngünkyabu ngünle laxdaoa. Antiok, Ikoniam hia Lastrabu to kue adule hüikya zothup pangwüi nange awanpu! Ikoxlechu ibu chak tokya Jowanpa-e ku khosünle koppu.