WANGSHEMBU MWOT 13:39 - OTSAO BAIBEL (BSI)

³⁹ Mosa wanlom tokhange ma ochax tokya khangkho zangngai ang chitsuak ikoxle Jisu Khrista to ongkya makhange ochax pangnu tokya khangkho zangngai ang tsuaküi, ijachu hünzome awanle kop angkya changle.

WANGSHEMBU MWOT 13:39 ပူးပေါင်းရင်းမြစ်များ

GALATIA 2:16

Ikoxlechu khünak tuita Zang zongto sukya ang achang angkya a Jisu Khrista tokya mongong makhange tix changle. Wanlome alomlom mokkya tokhange tix le otuechu münchang, ija keme awan ngopu. Wanlom ma tüikya lwot tokya makhange le chichang homtoxle kem mongong makhange Zang zongto sukya ang achang angkya kuxma kemechu wüi Jisu Khrista to ongpu. Chemthüikoxle wanlome alomlom pangwüi lwot tokya makhange ochaxbu Zang zongto sukya ang münachang tox.

ROM NOK HATO ZAKYA POL LAIZA 10:4

Chix to ongkyabu pangnu wüi Zang füi muamüi angkya hanpakma Khrista-e wanlom oli thudaoa.

ROM NOK HATO ZAKYA POL LAIZA 8:3

Khünak müi-hi-aji shonaikya khoma, wanlome chitsuakkya Zange mok ang tsuakle. Chix Hosa owa khünak müi-hi-aji tsün ningle achang ilaxle ochax hanpakma zom ang kox ang ajo puix, chixe khünak müi-hi-aji ma tüikya ochax münsule ajao.

IBRI 7:19

Chemthüikoxle Mosa wanlom makhange chemchu angui awangle zing ang chitho, üntoxle athax a Zang hato kem soxle hüitsuak angkya sümüikya monghom fale tüile.

ROM NOK HATO ZAKYA POL LAIZA 10:10

Chemthüikoxle kwome mong ma ong ilaxle tix Zang füi muamüipu; kwome tun ma ngai ilaxle tix khosün atakpu.

ROM NOK HATO ZAKYA POL LAIZA 8:1

Idaile athax a Khrista ma ngokyabu hanpakma thaile le thüi angkya müntüi.

ROM NOK HATO ZAKYA POL LAIZA 4:15

Wanlome Zang ang mongma apüile; ikoxle ojong khato wanlom chitüi puix, ikhato wanlom kax ma laxkyachu müntüi.

ROM NOK HATO ZAKYA POL LAIZA 3:19

Owaechu ma khosele zangwün angkya chitüi angkya ilaxle chaxwannu bakle Zang kaxfün hato apüi angkya hanpakma, wanlom ma atüitüi komle wanlom fangma ngokyabu pangnu hanpakma akaxkya changle le athax keme awan ang kople.

ROM NOK HATO ZAKYA POL LAIZA 5:20

Thaikya mwot atsat ang wanlom zingpu; ikoxlechu ojongto ochax lwonle hüi, ifüi sütsexle Zang chingcha tsa le hüi.

ROM NOK HATO ZAKYA POL LAIZA 5:9

Chix zikya makhange, athax, kem Zang füi mua amüile fakya jangchang thüiba ija süthak Zang mongtsik chak tokya chixe kem azünüi.

JUHAN 1:17

Zange Wanlom a Mosa makhange fa; ikoxlechu chingcha hia otsingtsing a Jisu Khrista makhange hüipu.

IBRI 10:11

Jehudi nok nguapa noke wüi thothakya ma mwot nyixfo to mok üntoxle tö oli tuitata wüi obi thomthom ma hexle kox; ikoxlechu otuechu ibu tö koxkyabue ochaxbu pao ang chitho.

IBRI 10:4

Chemthüikoxle maihupong hia zwon ajibu füi ochaxbu pao ang müntho.

ROM NOK HATO ZAKYA POL LAIZA 5:1

Athax a mongong makhange kem Zang füi muamüikyae, Jowanpa Jisu Khrista makhange kem ang Zang füi mongsom tüile.

ROM NOK HATO ZAKYA POL LAIZA 4:24

Jowanpa Jisu Khrista zidaokya chatle azünkya Zang to ongkyabu opang atsaole laxüihex, kem pangnu hanpak ang ibu zakya changle.

WANGSHEMBU MWOT 10:43

Chix mün ma tüikya zong makhange chix to ongkyabu ang ochax thailak faüi, le chix bama ajebu pangnue wüi akax.”

MÜNCHUAK-TSAI 143:2

Nang dapa ku to thwontsingle taxchang; nang miksho ma sukya mix owachu müntüi.

JOB LAIPEX 25:4

Zang miksho ma owawa otsao hia tsaothale tüitsuak angcha?

JOB LAIPEX 9:20

Ku oma chemchu chitüikya mix, ikoxlechu kax ma thaikya atatle. Ku zangwün pangnu ku thajao-wünhai ang achangle tüile.

GALATIA 5:3

Kue chatlechu akaxpu, ma alüile khwonzüt ang koxkyabue, wanlom ma tüikya olom pangwüi toüi le thashe kopdaoa, chitsuakba maxsax!

GALATIA 3:8

Mongong makhange Zange mixnokbu sukya ang lax angkya bama Otsao Lai-e achale wüi akaxle thomkya changle. Ilaxle Otsao Lai-e ikhoma Abraham hato Kaxho Müikya tsingang kox: “Nang makhange Zange khünaknüsa to mohimanüi.”

GALATIA 2:19

Wanlom to hule ano koxle lom tuita ma Zang kuxma ku ozün ma ngo angkya bama, ku a wanlome alüile lang daokya tuita omang changle. Ku a Khrista füi tomle pünsak ma takle lang daokya changle.

1 KORIN 6:11

Hünzom züizüi ile tüikya. Ikoxle ochax tokya hünzom sodaoa; hünzom a Zang hanpakma atsaodaoa; Jisu Khrista hia kem Zang Chasa makhange hünzom a Zang füi mua amüidaoa.

ROM NOK HATO ZAKYA POL LAIZA 9:31

Ikoxle wanlom tokya makhange Zang füi muamüi ang wanlom lomkya Israel khünakbue a ija atak ang chitho.

JUHAN 5:24

“Otsingtsingma kue hünzom ang thüipu, Owae ku kax atat laxpuix, ilaxle ku tomle ajokya mix to onglaxpuix, chix ma oshuk chitüikya khüzün tüile. Chix bama kaxfün angkya müntüi, zik kaile toxlaxle azang angkya ha alopüna.

KAXHO MÜIKYA LUK 18:14

Jisu-e thüi: ‘kue hünzom ang thüipu, Farisi mixsün füi süisai mix wüi Zang miksho ma sule hom to chat. Chemthüikoxle owa malualua to bong-chongüi hex, chix ahixkya ang achangüi; ikoxle owa malualua to hixkya ang achangüihex, chix chongkya ang achangüi.’”

KAXHO MÜIKYA LUK 10:28

Jisu-e chix ang thüi: “Nang kaxlan changtomtale, ile moklax ikoxle nang ozün ma ngoüi.”

KAXHO MÜIKYA LUK 10:25

Wanlom tsingpa tuita tüikya, chix hüi ilaxle Jisu tsünle atüi: “Nwotmix, oshuk chitüikya tsün atak ang kue chem moküi?”

HABAKUK 2:4

Ilaxle kaxho a ija changle: ‘Opang ochax changlaxpuix ozün ma münngoüi, ikoxlechu opang otsao changlaxpuix hwom ngoüi büthüikoxle hwome Zang to hwom mongong thom.’”

JEREMIA 31:32

Ija tsaotsüt a, kue hwom pupa hwom chak makhange linle Ijip tokya alai pongma thomkya ozang tsaotsüt ningle münchangüi. Hwom zongto ku tuita kakopa ningle changbachu, hwome ija tsaotsüt chithom.

ISAIA 53:11

Khüzün sikngünle chang füima, chix ma chatle mongsom tüiüi; chixe chix a thabi-juaba to sikngünkya münchangle awanüi. Ku to mongkoxkya da, owa füi ku mongzom müipuix, chixe noknu sikngün hünlit hünüi ilaxle chix khokho ma kue hwom ang thailak tüiüi.

ROM NOK HATO ZAKYA POL LAIZA 3:20

Chemthüikoxle wanlome alomlom mokkya tokhange khünak owachu Zang füi muamüi angkya le münchang; wanlom mwot a khünak hama chixe achax daokya ochax apuale kox angkya changle.