WANGSHEMBU MWOT 13:32 - OTSAO BAIBEL (BSI)

³² Ilaxle kwom ikhato hünzom hato Kaxho Müikya apuk ang nguipu.

WANGSHEMBU MWOT 13:32 ပူးပေါင်းရင်းမြစ်များ

ROM NOK HATO ZAKYA POL LAIZA 4:13

Zange Abraham hia chixsu chixsabu ang, zangfang hwom kux ang achangüile tsaosax. Ija tsaosüt fakya a, Abrahame wanlom kax ma laxkya khomale münchang, ikoxle chixe Zang to mongong ilaxle Zange chix a otsao khünak tuita le laxkya khoma changle.

WANGSHEMBU MWOT 26:6

Kwom putong hwom ang Zange tsaokya to onglaxle sungle ngokya khoma athax ku ikhama tsetwon ang ajongle thompu.

EZEKEL 34:23

Kue hwom ang ku dapa Dawid lailaikya wanghom tuita hwom chunnyetpa ang koxüi, ilaxle chixe hwom to humele changüi.

ROM NOK HATO ZAKYA POL LAIZA 9:4

Hwom a Zange zünle kopkya khünaknu changle; chixe hwom chixsu chixsabu ang achang ilaxle chix fuazangkya hwom füi tom-han, chixe hwom füi tsaosax ilaxle wanlom kox; changle, chix shwom angkya olom Zange hwom hama aho; hwome Zang kaxtsaobu kop;

WANGSHEMBU MWOT 13:38

Idaile kutüi-kunaohom, hünzom pangnue wüi awanle koplax, Jisu Khrista makhangetix ochax thailak ataküile kaxho hünzom hato apuk-apua angkya atsingshokya kax changle;

ZEKARIA 6:12

Jowanpa Khüthak Zang-e ‘Khünak owa ang Pünkang le nyakpuix, ija chixe Jowanpa Zangshwom-Hom zingle ngokya khama zaxzangle laiüi.

MIKA 5:2

Jowanpae thüi: “Efrathah angkya Bethlehem, nang a Judah tinglongbu khama ahixkya tuita, ikoxlechu nang makhange kue Israel nok lompa tuita angaiüi. Chix putong hwom pukax a kaitokya hato chatle chatüi.”

JEREMIA 23:5

Jowanpae thüi: “Dawid sixli hwomkha angkya kue otsao wanghom tuita zün angkya hanpak nguile hüile. Ija wanghompa-e je füi apünüi ilaxle haxtok ma pangnu khato wüi changkya hia sukya mwot moküi.

ROM NOK HATO ZAKYA POL LAIZA 10:15

Üntoxle kaxho mix tomle chiapao thüikoxle, kaxho a chemle apuküi? “Kaxho Müikya koplaxle nguikyabu otukuxkya ohünotün!”, le Zang kax ma akaxkya ningle.

WANGSHEMBU MWOT 5:42

Ilaxle nyixfole Zangshwom-Hom hia khünak homkhabu to hwome Messaiah, tuita Jisu Khrista bama Kaxho Müikya anwot-anole apuk-apua.

WANGSHEMBU MWOT 3:19

Idaile ochax tokya mong chatlax, ilaxle Zang hato hüilax, ikoxletix chixe hünzom ochaxbu fwotle awüt faüi.

KAXHO MÜIKYA LUK 2:10

ikoxlechu kaxtaimixe hwom ang thüi: “Taxza! Ku ikha to khünaknu nok hato wüi mongmüi hüi angkya Kaxho Müikya füi nguipu.

KAXHO MÜIKYA LUK 1:19

Kaxtaimixe lan: “Ku a Gabriel changpu; ija kaxho apuale nang füi akax ang tsankya Zang pomtho ma ku ajongpu.

MALAKI 4:2

Ikoxlechu ku kax ma laxle tüikyabu hanpakma, zanghan dongkya ningle hünzom hato ku khosün dongüi ilaxle zanghan chasa lailaile kakmüi-lakcha ang tomüi. Hünzom a maihu kun kha angkya alaile dankya maihusa lailaile changüi.

MALAKI 3:1

Khüthak Jowanpae lan: “Ku hanpakma lomtang achwon ang kue ku mwot-tsan mix tomle ajoüi. Ifüima hünzome lomle ngokya Jowanpa allele chix Zangshwom-Hom ma nguiüi. Hünzome sungle ngokya mwot-tsan mix nguilaxle ku Tsaotsüt apuküi.”

ZEKARIA 13:7

Jowanpa Khüthak Zang-e thüile: “Changlo, zolax ilaxle chunnyetpa to singkox Chix a ku mwot mokkya mix changle! Chix lang kox, ikoxtix chunbu afale paoüi. Kue ku khünaknu to singüi

ZEKARIA 13:1

“Jowanpa Khüthak Zang-e thüi: ‘Chemtue hanpak nguile hüiüihex, Dawid sixli hia Jerusalem angkya khünaknu, hwom ochaxbu hia chapa shwomkyabu tokya atsao angkya hanpakma shuasa tuita fuakle lai angkya changle.

ZEKARIA 9:9

Mongmüikox, mongmüikox, Zaion angkya khünaknu! Mongmüi to akhong kox, hünzom Jerusalem angkya khünakbu! Hulax, hünzom wanghompa hünzom hato nguile ngole! Chix a zanbu to lütlaxle chuak-chongle nguingole, ikoxlechu mantsak kun kha angkya mantsaksa kho ma ngalaxle somdangle.

HAGAI 2:7

Jat-libu pangwüi kue asongle thoküi, ilaxle hwom tuina ikhato apüiüi, ilaxle Zangshwom-Hom a tuiza-nakome awangle changüi.

ISAIA 61:1

Jowanpa Khüthak Zang-e ku chix Chasa füi awang. Chixe ku zünle kop ilaxle tsanle apao Chitüi-chinang khünakbu hato kaxho müikya apüi ang, Künmax-mongshanle ngokyabu mong azün ang, Kople thomkyabu hato dan angkya kax apuk ang Ilaxle kun ma thomkyabu hato alai angkya kaxho ang.

ISAIA 52:7

Ija ngün angkya chemtukuxle ohünotün changüi hex kaxhomix tuita haxnu akaile nguile ngokya mix, chixe kaxho müikya, mongsom kaxho apüi ngole! Chixe lütkya kax ngailaxle Zaion ang thüile, “Hünzom Zang a Wanghom changpu!”

ISAIA 41:27

ku, Jowanpa, tix changpu ija kaxho Zaion hama wünle fakya mix a; Ija kax akax ang kue Jerusalem to kaxhomix tuita akat, Hünzom khünakbu nguile ngole! Hwom a hom to nguile ngole!

ISAIA 40:9

Jerusalem, haxnu tsuakya kho to donglax ilaxle kaxho müikya apuklax! Akhongle nyakkox, Zaion; kaxho müikya apuk-kox! Ojao taxza ikoxle apuk-kox. Judah angkya tinglongbu hama apuakox Zang nguile ngole le a!

ISAIA 11:1

Dawid füikya wangli a dakle anguak daokya pün tuita ningle; ikoxlechu pün otongtho tuita makhange tamchatle pünsong chuile laikya ningle, Dawid su-sa hwom makhange wanghom hozün tuita laiüi.

ISAIA 7:14

Jangchangba müihudaoa, Jowanpa chix jaoe hünzom ang mowan naxfafa: naocha tuita owa ma nao nguidongle chang üntoxle lüka naosa tuita puxlaxle ‘Immanuel’ le amünüi.

TSAITONG-KAXTONG 18:15

Itülüi chixe, ku lailaikya aje tuita, hünzom khakha ma wüi khünak tuita ajongüi; hünzome chix kax ma laxle tüi angkya oli changpu.

PONGWANG LAIPEX 49:10

Judah chak ma chongwang kiathox twonüi, ilaxle chix sixli hwome jento apün-adale ngoüi. Jat-libue chix hato süidünüi, ilaxle chix kax ma laxle akhuxüi.

PONGWANG LAIPEX 26:4

Kue nang sixlibu ding angkya lyettsi büta lai ang tomüi, ilaxle nang sixlibu ang ibibi haxtok komkaile koxüi. Chaxwannu angkya jat-libue ma hanpak ang mohiman, nangsix-nanglibu makhange tix koplaxüi;

PONGWANG LAIPEX 22:18

Jat-li pangnusae, kue nangsu-nangsabu to mohimankya ningle hwom tochu mohimanhüi le ku ang thüiüi: ibu a nange ku kaxtom kax ma laxle tüikya khoma changpu.”

PONGWANG LAIPEX 12:3

“Nang to mohimankyabu to kue mohimanüi; nang to thuakzomkyabu to kue thuakzomüi. Nang makhange pangnu jat-li to mohimanüi.”

PONGWANG LAIPEX 3:15

Kue nang hia shekocha hünkhi bama tamchu nangsix-nangli hia she sixli hwom bama zan zingpu. She susa hwome nang khang thuple akhixüi ilaxle nange she susa hwom chidua ma tuüi.” Hwom chidua ma tuüi.

WANGSHEMBU MWOT 10:36

Khünak noknusa hopunu Jowanpa, Jisu Khrista makhange tumüi bama Kaxho Müikya apukle chixe Israel khünaknu hato fakya kaxho hünzome awanle ngopu.

WANGSHEMBU MWOT 13:23

Chix kaxtsao ningle Zange Israel khosün mix ang achang angkya, Dawid homjen makhange hüi angkya mix a ija Jisu changkya.

WANGSHEMBU MWOT 14:15

“Ibibi khünaknu, hünzome ija chem mok ang ajongpu? Kukhichu wüi hünzom ningle khünak changpu. Kukhi a iningkya lap chitüikya mwot mokle ngokya tokhange ding hia hax ilaxle tinubu zingle alaikya, anaolechu ibu ma tüikya khünak mixsa; müi-nyax; tamchu pün-zua pangwüi zingle alaikya ozün Zang hato chat angkya bama hünzom hato Kaxho Müikya apuk ang nguipu.

ROM NOK HATO ZAKYA POL LAIZA 1:2

Kaxho Müikya a kaipongma wüi ajebu makhange Zange tsaole thomdaokya ilaxle Otsao Lai ma zale thomkya changle.