WANGSHEMBU MWOT 13:26 - OTSAO BAIBEL (BSI)

²⁶ “Kutüi kunaohom, Abraham susabu tamchu ikhama Zang shwomle ngokya mixnokbu; khosün angkya kaxho Ija a kem hato apüikya changle!

WANGSHEMBU MWOT 13:26 ပူးပေါင်းရင်းမြစ်များ

KOLOSI 1:5

Otue hünzome Kaxho Müikya bama otsingtsing kaxho pongwang ma atat laxpuix, hünzome ijae fakya monghombu bama atatpu. Idaile hünzom hanpakmale oja monghom zangkangting to sünle thomlaxpuix, ija hünzom monghom a hünzom mongong ilaxle mongkün chifün changle.

EFISIA 1:13

Üntoxle hünzom chuwüi, hünzom hato khosün apüikya Kaxho Müikya bama otsingtsing kaxho otue atatpuix, hünzom chuwüi Zang khünaknu ang achangpu. Hünzome Khrista to ong, üntoxle chixe faüi hexo le tsaokya Otsao Chasa koxlaxle Zange hopupa münwan chix shin tople.

ROM NOK HATO ZAKYA POL LAIZA 1:16

Kaxho Müikya bama ku münazak; chemthüikoxle ija a opange ongpuix hwom khosün hanpakma Zang tsakzong changle, pongwang ma Jehudi khünakbu hanpakma ilaxle mixnokbu hanpakma.

KAXHO MÜIKYA LUK 1:77

hwom ochax thailak koxkya makhange, hwom khosünüi le, chix khünaknu hato apua ang, Zange hwom ochaxbu thailak faüi, üntoxle ile hwom khosünüi le, khünaknu hama apua ang a.

KAXHO MÜIKYA LUK 1:69

Chixe kem hanpakma, tsakzong füikya khosünpa kox; Chix da Dawid sixli angkya a.

ISAIA 46:13

Lüt angkya din kue chwonle ahüiüi — ija a tsailo towüi lejao münchang. Kue anao angkya shenle ngoüi münchang. Kue Jerusalem sünle kopüi ilaxle ikhama Israel nok hato achuak-achenkya apüiüi.”

WANGSHEMBU MWOT 13:46

Ikoxlechu Pol hia Barnaba nyie sisile mongchong laxle thüi: “Zang kax a pongwang ma hünzom hama akax kop angkya olom changpu. Ikoxlechu hünzome ija chilax, üntoxle oshuk chitüikya tsün hanpakma asukyabu to münchangle hünzome ma alüile ahaikoxle, kwome hünzom dantoxüi ilaxle mixnokbu hato paoüi.

WANGSHEMBU MWOT 13:43

Ile sinagok ma asoxkya khünaknu fan füima, Jehudi khünakbu hia Jehudi nok ang achangkya mixnokbu züizüi Pol hia Barnaba nyi füito hüi. Okhie hwom füi akax üntoxle Zang chingcha ma otya ma ngo angkya hwom ang zong adün.

WANGSHEMBU MWOT 10:35

Chix tüta jat-li wüi changkoxlax, chix chathua zale tüikya mix tamchu sukya mwot mokkya mix chix zongma sukya mixmix wüi changpu.

WANGSHEMBU MWOT 5:20

“Paokox üntoxle Zangshwom-Hom to nguikox, üntoxle khünaknu hama ija tsünzün lomtang pangnu bama apuakox.”

WANGSHEMBU MWOT 4:12

Khosün a chix lan makhange tix ataküi; chemthüikoxle chix mün makhange kem khosün angkya hexo le zangfang ma Zange chatle owa münchu koxle thomkya müntüi.”

KAXHO MÜIKYA LUK 24:47

üntoxle Jerusalem makhange owang wang le chix mün ma ochax thailak atak angkya hia mongchat angkya kaxho pangnu jat-li hato apuk angkya changle, le zakya tüile.

MATHI 10:6

Ikoxle Israel kako samle ngokya chunbu hato paokox.

MATHI 3:9

Tamchu Abraham kwom hopa changpule hünzome akaxkya khoma hüiüi tüikya Zang mongtsik chak tokya hünzom azang ang tho angkya oli münchang. Zange ibu longdwon makhangechu Abraham susabu alai ang tho angkya changle.

WANGSHEMBU MWOT 16:17

“Ibu a Taitax Zang dabu changpu! Hwome hünzom hama hünzom khosün angkya olom apuale!”, le kaxzex nga le she-e Pol kwom man to.

WANGSHEMBU MWOT 3:26

Idaile hünzom pangnu wüi chisu chitangkya lom ma ngokya chat ang kox ilaxle mohiman angkya hanpakma, Zange Jisu zünle kop ilaxle pongwang ma hünzom hato ahüi.”

WANGSHEMBU MWOT 28:28

Ilaxle Pol-e chix kax ashukle thüi: “athax a khosün angkya Zang Kaxho Müikya mixnokbu hato paodaoale hünzome awanlax. Hwome ija to apa angkya changle!”

ISAIA 48:1

Ija to apalax, Israel khünaknu, hünzom Judah su-sa hwom: Hünzome Jowanpa mün ma tsaosax ilaxle Israel nok Zang to shwompule akax — ikoxle hünzome akaxkya kax hünzom ojao chimok.

ISAIA 41:8

“Ikoxlechu hünzom, Israel nok ku dabu, hünzom a kue zünle kopkya khünakbu changle, ku zuikhui Abraham su-sa hwom a.

2 PUKAX-PANGAO 20:7

Nang a kwom Zang changle. Chemtue nang khünaknu Israel nok ija haxtok to ngui ang achexle changpuix, ipongma nange ikhato ating-anokle tüikya khünakbu jwonle apao ilaxle ija haxtok a, nang zuipa Abraham sixli hwom ang, jento hwom tingtok ang lax ang koxpu.

JUHAN 6:68

Simon Pitar-e lan: “Jowanpa, kwom owa hato paoüi? Tsün khüzün koxkya kax nang ma tüipu;

WANGSHEMBU MWOT 10:2

Chix a zanglom tokya mixnok sün tuita changkya. Chix üntoxle chix homkha pangnue Zang shwom. Chixe Jehudi nok chitüi chinangkyabu to huanuma fong ilaxle tuthütthüt ma zangjople nui.

WANGSHEMBU MWOT 22:5

Nguakhobu hia nguawangbue ija ku kax changtomta kox-a le kaxkhi fa ang tsuaküi. Damaska ma ngokya Jehudi khünakbu hato zakya hwom angkya laiza füi, ibu khünakbu koplaxle janbüi füi khak üntoxle sikangün ang Jerusalem to laxlaxle chat angkya hanpakmale ku Damaska to paokya changpu.