WANGSHEMBU MWOT 13:25 - OTSAO BAIBEL (BSI)

²⁵ Üntoxle Juhan-e chix mwottho ashuk hax khakha ma, chixe khünaknu ma atüi, ‘Hünzome ku ang owa le texpu? Ku a hünzome hule tan ngokya mix münchang. Ikoxle hulax! Chix a ku füi füima hüile tüile, ilaxle ku a chix cha angkya chisox sukle fa ang ngaxchu münasu.’

WANGSHEMBU MWOT 13:25 ပူးပေါင်းရင်းမြစ်များ

MATHI 3:11

Mongchatkya ahole kue hünzom ti ma bapti le fapu. Ikoxle ku füima nguile ngokya mix a ku füi ngaxchu süthak; ku a chix chisox kop mix ang achang ang ngaxchu chiasukya mix; chixe hünzom ang Otsao Chasa ma hia wün ma baptile faüi.

MARK 1:7

Chixe khünak hato khuapule akax: “Ku füi süchongkya mix tuita ku füima hüile tüile. Aku laxle zu dale chix chisox sukle fa angkya ngaxchu kuma ojao münasu.

WANGSHEMBU MWOT 20:24

Jowanpa chingcha bama Kaxho Müikya apuk angkya, Jowanpa Jisu-e ku ang koxkya mwot, ija ku mwottho mokle jangtho laxba, ku zongma ku tsün chemchu münchangle texpu.

MIKNGÜN-OHÜN 11:7

Otue hwome hwom kaxho apukkya ashuküi hex, izuma tswomkha tokya laikya müi hwom füi azanüi. Chixe hwom to anaoüi ilaxle chixe hwom langüi,

2 TIMOTHI 4:7

Zik ma otsuaktsuak ma azongle hüidaoa, oshuk to nguile ku zikdaoa, ilaxle kue mongong thomle hüidaoa.

2 KORIN 4:5

Kwome apuk-apuakya kwom bama münchang; Jisu Khrista a Jowanpa changle, tamchu kwom a Khrista ma hünzom dabu changpu, le apukwüi.

WANGSHEMBU MWOT 19:4

Pol-e thüi: “Juhan-e baptikya olom pi ma ochax tokya chatkyabu hanpakma changwüi; ikoxle chixe Israel khünakbu ang chix füima hüile ngokya mix to mongong angkya kaxtom kox; ija a Jisu changle.”

WANGSHEMBU MWOT 13:36

Chemthüikoxle Dawid-e chix tsüntsün ma Jowanpa mongtex mwottho tha; ifüima chix zi, üntoxle chix hopu hwom zuima akhün, ilaxle chix tsangtsa a shanle pao.

JUHAN 7:18

Owae ma mongtex ma zangwün puix, chixe ma münchong lomle; ikoxle ma tsanle ajokya mix bama münchang owae lompuix, chix otsingtsing ilaxle chix ma thaikya müntüi.

JUHAN 4:34

Jisu-e lanle hwom ang thüi: “Owae ku tsanle apaopuix, chix mongtex mwot mok angkya tamchu chix mwot ashuk angkya a ku süt changpu.

JUHAN 1:36

Chixe Jisu ahamle hüiüi ngünlaxle thüi: “Hulax! Chuja Zang Chun Hosa a!”

JUHAN 1:34

Ikoxle kue ngünle laxdaoa, ilaxle kaxkhi fapu; Chix a Zang Hosa changle.”

JUHAN 1:29

Ofüi nyix Juhan-e Jisu chix hato hüile ngokya ngün ilaxle thüi: “‘Chaxwannu ochax pao ang nguikya Zang Chun Hosa to hulax!