WANGSHEMBU MWOT 13:19 - OTSAO BAIBEL (BSI)

¹⁹ Chixe Kanan haxtok angkya jat-li anüt max ang tom üntoxle ija chaxwan ma chixe ma khünaknu ho-ali punyi zangpua tukux hopunu ang achangle thom.

WANGSHEMBU MWOT 13:19 ပူးပေါင်းရင်းမြစ်များ

TSAITONG-KAXTONG 7:1

“Jowanpae hünzom a, hünzome kop angkya haxtok to apüiüi, ilaxle chixe ikha tokya jat-libu jwonle apaoüi. Chemtue hünzom soxle nguiüihex, chixe hünzom füi süchongkya tamchu tsak-zongle tüikya jat-libu anüt jwonle apaoüi; ibu a: Hit nok, Girga nok, Amor nok, Hip nok ilaxle Jebu nok le changüi.

MÜNCHUAK-TSAI 78:55

Chix khünakbu nguikya füi tomle ikhato ngokya khünakbu chixe jwonle apao; chixe ija haxtok Israel nok saxthom-homjen bama ahanle lax ang tom ilaxle chix khünaknu ang hwom ngo angkya hom-haxbu kox.

WANGSHEMBU MWOT 7:45

Ofüima kem putong hwome ija Nyihom hwom pupa hwom angkya kop. Hwome ija hom Jihusua füi paopongmachu laxlax toxkya. Zange hwom tho to jwonle apaokya zan nok angkya chaxwan kop pongmachu hwom füi tomle nwonle apüi. Üntoxle Dawid ozün ma tüipongmachu ija ikhama wüi tüikya.

JIHUSUA 19:51

Nguapa Eliazar, Nun sasün Jihusua hia Israel nok lompabu thome Shiloh ma Jowanpa ngwotnui Nyihom fülom ma Jowanpa füi kaxtik-ngaoshole chang ang chizing tswon laxle haxsüt tom-hanle koxkya mwot tsuakle hüi.

JIHUSUA 14:1

Ibibi a Jordan zongma hannopchi Kanan haxtok, Israel khünaknue hwom bama chemle tom-hanle laxpuix, ija mowün changle. Nguapa Eliazar, Nun sasün Jihusua, ilaxle Israel nok saxthom homjen lompabue hwom khünak huak to hulaxle haxtok tomhanle kox.

MÜNCHUAK-TSAI 135:11

Amor nok wanghompa Sihon, Bashan nok wanghompa Og, ilaxle Kanan haxtok angkya wangtingbu komkaile amüt.

NEHEMIA 9:24

Hwome Kanan chaxwan tingtakle tsuak; ikhato ngole tüikya khünakbu to nange anao. Nange nang khünaknu a hwom mongtex ma mok angkya janzüi kox Kanan haxtok angkya khünaknu hia wanghombu to a.

JIHUSUA 24:11

Hünzome Jordan shuanu tale lelaxle Jeriko tingnu to ngui. Jeriko nok chuwüi Amor nok, Kanan nok, Hip nok, Hit nok, Peri nok, Girga nok, Jebu nok, ibu lailaile hünzom füi azan ang lai. Ikoxle ibu pangnusa to kue hünzom ang lüt ang tom.

JIHUSUA 23:4

Athax kople makoptsuakle tüikya haxtokbu ngaxchu kue hünzom homjen-homjen ang ma haxtok hex-ole tom-hanle koxdaopu. Ifüima kue opang jat-libu to lütle koptsuakdao laxpuix, ija a Jordan shuanu handünchi ma, imakhange hannopchi ma Mediterenian Tinu alople, ma süntswon-tswon le ahanle koxdaopu.

JIHUSUA 18:10

Jihusua-e hwom hanpak ang Jowanpa füi tik-to laxle chizing tswon; ilaxle haxsüt ma kopkya Israel homjenbu ang ma haxsütsütle ahanle kox.

PONGWANG LAIPEX 17:8

Athax nang püntüi tuita ang achangle tüikya ija haxtok kue nang ang tamchu nangsu-nangsa hwom ang koxüi. Kanan haxtok komkaile othuithui hanpak ang nangsu-nangsa hwom haxtok ang achangüi ilaxle ku a hwom Zang ang ngoüi.”

PONGWANG LAIPEX 12:5

Abram-e chix füi tomle chix kakonu Sarai, hotüi sasün Lot ilaxle Haran ma tüipongma chixe kopkya tuina hia dabu komkaile laxlaxle Kanan haxtok to achexle ka. Chemtue hwome Kanan aloppuix,

KAXFÜNPA-HWOM 11:26

Zanglao 300 hanpakma Israel noke Heshbon hia Aroar, iboma chuwüi ibu akhople tüikya tinglongbu kople thom, iboma Arnon Shuanu kax achole tüikya tingnubu pangwüi kople thom. Hünzome ibu pangwüi ipongkhae büthüikoxle achatle chilax laxpu?

1 WANGHOMBU 6:1

Israel noke Ijip haxtok dantox füima zanglao 480 lükya to, Israel nok thakma Solomon-e apünkya zanglao ali sütpongma, lyetnu kua anyi, Zip lyetnu ma, Solomon-e Zangshwom-Hom ma mwot owang wang.

ISAIA 34:17

Hwom bama haxtok ahanle kox angkya a Jowanpa ilaxle hwom pangwüi ang süntom kox angkya changle. Tsün-tok to-tsünle ibu ikhama ngoüi, ilaxle ija haxtok a jento hwom kux ang ngoüi.