WANGSHEMBU MWOT 13:16 - OTSAO BAIBEL (BSI)

¹⁶ Pol ajong, chixe chak aja le akax ang owang wang: “Ibibi kem Israel khünaknu üntoxle mixnokbuchu wüi womle, ikhama Zang shwom ang asoxle ngokya pangnu; ku kax apahüi!

WANGSHEMBU MWOT 13:16 ပူးပေါင်းရင်းမြစ်များ

WANGSHEMBU MWOT 12:17

Chixe chak aja le hwom ang dangün le thüi; üntoxle kunkha tokya Zange chix chemle alaipuix, hwom hama apua. Chixe ija kax Jakop hia tüinao mamabu pangnu hato wüi apuakox le akax üntoxle chix mama khato pao.

WANGSHEMBU MWOT 13:26

“Kutüi kunaohom, Abraham susabu tamchu ikhama Zang shwomle ngokya mixnokbu; khosün angkya kaxho Ija a kem hato apüikya changle!

WANGSHEMBU MWOT 10:2

Chix a zanglom tokya mixnok sün tuita changkya. Chix üntoxle chix homkha pangnue Zang shwom. Chixe Jehudi nok chitüi chinangkyabu to huanuma fong ilaxle tuthütthüt ma zangjople nui.

MIKNGÜN-OHÜN 2:29

“Na zaikyabue, chasae müimüithombu füi chemle akaxpuix ija to apalax!

MIKNGÜN-OHÜN 2:17

“Na zaikyabue, müimüithombu füi chasae chem akaxpuix, ija apalax! “Zan lütkyabu ang kue khomle thomkya mana koxüi. Chatlechu kue hwom ang long tsetsekya koxüi. Ija ma mün hozün zale tüile, Ija a pongle kopkya mix boma owaechu awan ang müntho.

MIKNGÜN-OHÜN 2:11

“Na azaizaie müimüithombu füi chasae wünkya zangwün apalax! “Opange tholün laxpuix, hwom to zike tamchatle sikngün fa ang müntho.

MIKNGÜN-OHÜN 2:7

“Na azaizaie müimüithombu füi chasae wünkya zangwün to apalax! “Zang tsawat khama nyemle tüikya khüzün pün angkya oziak, opange tholün daolaxpuix, kue hwom ang sax ang tomüi.

WANGSHEMBU MWOT 22:22

Ija kax akaxkya kople khünaknue Pol zangwün to apale ngo; ifüima hwom azaxle akhong: “Chix lumpan akaidao! Chix ozün ma ngofang münchang!”

WANGSHEMBU MWOT 21:40

Süpahi-Lompa-e chix ang akax ang kox. Idaile Pol dixtua chifün ma ajong ilaxle khünaknu to chix chak aja. Hwom dangle ngopongma Pol-e hwom füi Ibri kax ma akax.

WANGSHEMBU MWOT 19:33

Jehudi khünakbue Alekjendar noknu thüntho to thwomle alaikya tokhange züizüie ija tuwuk ma chixchu wüi womle tüile le lax. Ifüima Alekjendar-e khünaknu füi khosele zangwün ang chak aja.

WANGSHEMBU MWOT 13:46

Ikoxlechu Pol hia Barnaba nyie sisile mongchong laxle thüi: “Zang kax a pongwang ma hünzom hama akax kop angkya olom changpu. Ikoxlechu hünzome ija chilax, üntoxle oshuk chitüikya tsün hanpakma asukyabu to münchangle hünzome ma alüile ahaikoxle, kwome hünzom dantoxüi ilaxle mixnokbu hato paoüi.

WANGSHEMBU MWOT 10:35

Chix tüta jat-li wüi changkoxlax, chix chathua zale tüikya mix tamchu sukya mwot mokkya mix chix zongma sukya mixmix wüi changpu.

WANGSHEMBU MWOT 3:12

Ibu khünaknu ngünkya zuma Pitar-e hwom ang thüi: “Israel khünaknu, ija mixsün faile ngokya amüikya ngünlaxle abütpia üntoxle kwom to ile akhingle büthüikoxle hupu? Ija mixsün aham ang koxkya a kwom tsakzong chichangba kwom tsaokya makhange changpu le hünzome texpia?

WANGSHEMBU MWOT 2:22

“Israel khünaknu, kax ibu to apahüi! Zange Nazareth nok Jisu makhange mokle ahokya ohünotün hia khomtsikya mwotbu ilaxle mowanbu tokhange chix a Zange kamle kopkya mix tuita changkya le hünzom hato ahodaoa; hünzom malailaie ija awanle chemthüikoxle ibu a hünzom thüntho ma noke ngünle mokle hüikyabu changle.

WANGSHEMBU MWOT 2:14

Ifüima wangshembu mama bün anyi füi tomle Pitar ajong, ilaxle khünaknu füi azaxle akax ang süt: “Kem Jehudi khünakbu, ilaxle Jerusalem ma ngokya hünzom pangnu, ija büthüipuix kue hünzom hama apua fang, ku kax apahüi.

KAXHO MÜIKYA LUK 1:50

Chix chathua zakyabu hato, tsün ta makhange ata tsün kople, chixe chingcha aho.

MATHI 11:15

Hünzom ma na jangzaiba apahüi!

MÜNCHUAK-TSAI 135:20

Hünzom Liwi hwom, Jowanpa achuak kox; chix to shwomkyabu hünzom pangnusae chix achuak kox!

MÜNCHUAK-TSAI 85:9

Chix chathua zale tüikyabu ang tütakoxlechu khosün kox angkya chix achwonle ngole, ilaxle chix khosün tsak-zong a kem haxtok ma ngoüi.

MÜNCHUAK-TSAI 67:7

Zang-e kem to mohimanle; pangnu khato khünaknue chix achuak-achenle changkox.

1 WANGHOMBU 8:40

ikoxle hwome ija haxtok ma ngokya kople nange kwom putong hwom ang koxkya kax ma othuithuima laxle naxngokox.

KAXHO MÜIKYA LUK 23:40

Ikoxle ata mixsüne chix to sale thüi: “Chix füi tomwüi sikngün kop laxle ngaxchu nang Zang thua münza hia?

KAXHO MÜIKYA LUK 1:22

Otue chix laile hüi, chixe hwom füi zangwün ang chitho le chang, ilaxle chixe Zangshwom-Hom ma mikngün ohün ngündaokya changa le hwome awan. Tun ma akax ang chitho laxle chixe hwom hato chak ajing-aja le aho.