WANGSHEMBU MWOT 13:12 - OTSAO BAIBEL (BSI)

¹² Ile changkyabu ngünlaxle Gowarnor-e Zang kax to mongong; Jowanpa bama apua-anokya to chix huanuma abüt.

WANGSHEMBU MWOT 13:12 ပူးပေါင်းရင်းမြစ်များ

WANGSHEMBU MWOT 13:7

Chix a ija shuazo ma gowarnor ang ngokya Sarjia Polas, owa tüle je tüikya mix changkya hex, chix füi zuikhui changkya. Ija Gowarnor-e Barnaba hia Sol nyi chix hato se, chemthüikoxle chixe Zang kax apase le tsu.

KAXHO MÜIKYA LUK 4:22

Üntoxle pangnue wüi chix mowün amüi, ilaxle chix tun makhange zingzama dongle akaxkya bama abüt. Ilaxle hwome thüi: “Ija a Jusep sasün münchangkox hia?”

WANGSHEMBU MWOT 28:7

Imakhange otukuxchu chiatsaile le ija shuazo ma ngokya Pablias haxtokbu tüikya. Chixe hwom wünpwonle kop ilaxle nyix azom kwom chix hom ma mixwün ang ngo.

WANGSHEMBU MWOT 19:7

Hwom pangnu a mixhuak bün anyi tukux tüikya.

WANGSHEMBU MWOT 15:35

Pol hia Barnaba nyi Antiok ma lyetkua hidaole nui. Okhi bomachu mamabu füi tomlaxle hwome Jowanpa kax anwot-ano.

WANGSHEMBU MWOT 13:49

Ija wankam ma Jowanpa kax apakya mix sülai-sülaile lai.

WANGSHEMBU MWOT 6:10

Ikoxlechu Chasae Stefen ang hwon-je huanuma koxkoxle chixe zangwünkya zuma hwome chix ang chisu khato le aza ang chitho.

JUHAN 7:46

Süpahibue lan: “Khünaknake ija mixsün ningle zangwünkya mix matüi!”

KAXHO MÜIKYA LUK 7:16

Hwom pangnu wüi abütkyae aban ilaxle Zang mün achuak. Hwome thüi: “Kem khama ajepa chongkya laiüna. Zang, chix khünaknu khosün ang nguile tüile!”

MATHI 27:54

Süpahi akhokya hia chix füi tomle Jisu nyele ngokya mama süpahibue bütix sikya hia idule changkyabu ngünlaxle abanlaxle thüi: “Chix a otsingtsing ma Zang Hosa wüi changdaoa!”

WANGSHEMBU MWOT 8:25

Jisu Khrista bama tsingwankya khünakbu hama kaxkhi koxle wünle Jowanpa kaxho apuk-apuale chang füima Pitar hia Juhan nyi Jerusalem to chat. Okhi chatüi lom ma Samaria tingkhuabu to Kaxho Müikya apuk.

WANGSHEMBU MWOT 13:8

Ikoxle hwom a montro khünak Elimas (Grik kax ma chix ang ile nyak) e abax; Jisu to mongong ang chitom le chixe Gowarnor achat ang azong.

WANGSHEMBU MWOT 13:48

Mixnokbue ija kax atatlaxle mongmüi ilaxle Jowanpa kaxho achuak; üntoxle oshuk chitüikya tsün atak angkya hanpakma Zange zünle kopdaokya mongong mixbu ang achangle hüi.

WANGSHEMBU MWOT 15:36

Hanpak hidaole lekya füima Pol-e Barnaba ang thüi: “Oman! Chat laxle künyie Jowanpa kaxho apukle toxdaokya tingkhua pangwüi tokya tüinaobu waihax, hwomchu chemle tüilaxpuix.”

WANGSHEMBU MWOT 18:12

Otue Galilio Grik haxtok ma Gowarnor ang zingpuix, izuma Jehudi khünakbu tomle asox; hwome Pol kop ilaxle khwa to kaxfün ang pao.

WANGSHEMBU MWOT 19:10

Ile nuikya zanglao anyi hom, idaile ijongkha Asia haxtok ma ngokya Jehudi khünaknu hia mixnok pangnue wüi Jowanpa kax atat ang kop.

WANGSHEMBU MWOT 19:20

Ipongpong zongle Jowanpa kax putsa ilaxle oshing mongle tsong ang süt

WANGSHEMBU MWOT 19:38

Demetria hia chix mwotmok mixbue owawa ma kaxfe angkya jangtüi thüiningle, khwa ka nyixfo to daple thomle üntoxle apa ang pünpa-chongwangbu ikhama ngole, hwome ikhato tata ma kaxfe ang tsuaküi.