WANGSHEMBU MWOT 13:10 - OTSAO BAIBEL (BSI)

¹⁰ ilaxle thüi: “Nang a baosu baosa changle! Nang a otsao pangwüi füi apüikya mix changle; nang a hux-kün lop-monge awangle tüile, üntoxle nang a othuithuima Jowanpa otsingtsing othai ang achang ang azong ngokya mix changle!

WANGSHEMBU MWOT 13:10 ပူးပေါင်းရင်းမြစ်များ

JUHAN 8:44

Hünzom a, hünzom hopa Bao (haxshix) makhange hüikya changpu. Hünzome hünzom hopa haxshix mongtex ma mokse tsule. Ami pongwang tokhange wüi chix a mix mik amütkya mix, ilaxle chix ma sukya chitüi koxle otuechu chixe otsingtsing chima chise. Chixe kaxthai akaxkya zuma, chixe chix jaopo ma chem tüipuix, ija mokpu; chemthüikoxle chix a thaikya mix tamchu thaikya hopa.

GALATIA 1:7

Wünhax thüikoxle: “mama kaxho müikya”, le jaojao müntüi, ikoxlechu hünzom mong ama üntoxle Khrista Kaxho Müikya lüichüi ang azongle ngokyabu khünak züizüi tüikya khoma kue Ija zapu.

2 KORIN 11:3

Ef to changkya ningle hünzom tochu nakchang ünkoxle ku zamaxle. Pu huanuma atsing ilaxle chixe Ef ochax to adüt. Ilailaile hünzom tutex zia ama ang tsuak, ilaxle hünzom Khrista zongto haxtsao-zangthakya chitüile changüi.

MATHI 13:38

Haxtok a chaxwannu changpu; tsaxli müikyabu a Zang Wangting ma womkyabu changpu ikoxle bao tsax a chichang-chizangkya susabu changpu.

HOSIA 14:9

Ikhama chem zale tüipuix, jetüi-hwonlangkyabue tsingle naxlaxkox, ilaxle hwome ija mong ma pongle naxkopkox. Jowanpa lomtang a otsing lomtang, ilaxle otsao khünakbu a ija lomtang ma ahamle ozün ma ngoüi, ikoxle hwome ija thajaole tüikya khoma ochax khünakbu a ija ma asuaüi ilaxle atiüi.

1 JUHAN 3:8

Ochax mwot mokle ngokyabu a bao kux changle, chemthüikoxle baoe ami pongwang tokhange wüi ochax mokle hüipu. Bao-e mokdaokya mwot oli thule amüt ang, ija hanpakmale Zang Hosa ngaipu.

KAXHO MÜIKYA LUK 11:52

“Hünzom Wanlom tsingpabu maxsax! Chemthüikoxle hünzome Zang je-hwon hom kapatja kople thom; hünzom chuwüi chinop ilaxle nop ang hüikyabuchu wüi hünzome abaxle thom!”

2 PITAR 2:15

Hwome tangthokya lom dantoxdaoa ilaxle hwome lom asamdaoa. Hwome Beor sasün Balam ahamkya man tole tüiüna. Ochax mwot mokle achakkya ma kopkya chix ngun to chixe tüle mongkün,

WANGSHEMBU MWOT 20:30

Hwom füito mongong mixbu chichangkya lom to chüile apao ang hünzom khama züizüie atse le zangwün angkya hanpak tuita hüi angkya changle.

MATHI 23:13

“Wanlom nwotmix hia farisibu a künkux-mongkwombu changle! Hünzom maxsax! Hünzome khünaknu thüntho ma zangkangting ka hakle ilaxle hünzom chuwüi ikhato chidong tamchu ikhato dongse le azongkyabuchu wüi hünzome dong ang chitom.

MATHI 15:19

Chemthüikoxle künmong tokhange iningle mongtex chimüikyabu laile: mix mik amütkya; chinunchakkai; ahuxkya; atsekya; ahaikya; iningkyabu.

MATHI 3:7

Ikoxlechu otue farisi hia sadukibu chix hato bapti lax ang nguipuix, chixe hwom ang thüi: “Hünzom a pubu, hüiüi tüikya Zang mongtsik chak tokya paolax le hünzom hama owae ano le fa laxpu?

JUHAN 1:23

Chixe Isaia ajepa taile akax: “Jowanpa le angkya lom atangle zingle banglax, le faokha to akhongkya kaxzing a ku changpu!”

KAXHO MÜIKYA LUK 11:39

Ikhoma Jowanpa-e chix ang thüi: Hünzom farisibue khopkhua wansa otok fwotle, ikoxle hünzom mongkha to chichang-chizangkya hia ochax tutex e awangle ngole.

JEREMIA 23:36

Idaile hwome otuechu, ‘Jowanpa hünlit’ kaxhuak a twon angkya jao münchang, chemthüikoxle hwom owawae ija twonle jangchang, kue ku kaxho a hwom hanpakma hünlit tomtata ang achangüi. Khünaknue Jowanpa, ozün ma tüikya hwom Zang kaxbu a nongnong-püilüile achangdaoa.

HWON-NWOT-JAONO 9:3

Pangnusa hato wüi osho talailaikya hüile, ilaxle ija a chaxwannu ma tütali changle ngokya füi tomwüile thaile. Khünaknu ozün ma ngokya kople, hwom tutex ma ochax hia ongate awangle tüile, ilaxle hwom allele sünto zile paole.

2 PUKAX-PANGAO 17:6

Jowanpa thothale changkya a chixe mongngam ang lax ilaxle Judah haxtok ma tüikya songsari baozangbu to shwomkya onui hia baozangchanu Asherah chapabu pünle ama.

PONGWANG LAIPEX 18:19

Ku kax ma laxle tüi angkya tamchu changkya hia sukya mwot mok angkya bama su-sa hwom to zünsaile changtsuak angkya hanpakmale kue chix zünle koppu. Hwome ile jangmok thüiningle kue tsaosaxdaokya pangwüi chix ang mokle koxüi.”

PONGWANG LAIPEX 3:15

Kue nang hia shekocha hünkhi bama tamchu nangsix-nangli hia she sixli hwom bama zan zingpu. She susa hwome nang khang thuple akhixüi ilaxle nange she susa hwom chidua ma tuüi.” Hwom chidua ma tuüi.

EFISIA 4:14

Ifüima kem, mae zingle alaikya tsingtsang othai hato mix zunle ngokyabu odyen khünakbu hwon-nwot tichape laxlax tox angkya ilaxle zangwin to lexlexchex le jeple paongo angkya athax kem a naosom münchang.