WANGSHEMBU MWOT 12:23 - OTSAO BAIBEL (BSI)

²³ Ifüi tomle kaxtaimixe Herod to hongle anguak, chemthüikoxle chixe Zang chathua zakya chitüi. Chix a chonge sax ilaxle zi.

WANGSHEMBU MWOT 12:23 ပူးပေါင်းရင်းမြစ်များ

2 THESALONIKA 2:4

Chixe zang le athüiüi pangnu füi chichangba shwomkya oli pangnu füi alünüi ilaxle chix hwom pangnu thak tokya ang achangüi. Chix zangshwom-hom to nop ilaxle thungüi üntoxle chix a zang changpu le thüiüi.

MÜNCHUAK-TSAI 115:1

Ojem chifünkya mongkün hia chialekya mongong nang ma tüingokoxle, nang tata ang, O Jowanpa, nang tata ang tix; fuazangkya kwom ang kox angkya jao münchang.

1 SAMUEL 25:38

Nyixbün füima Jowanpae chak mok ilaxle chix zi.

EZEKEL 28:2

“Ziün angkya khünak, kue chix füi akaxle ngokya kax, Tair nok wanghompa hato hokox: Ongam ahole ngolax, nang ning baozangle dai hix le. Tinue akhople nang a baozang tuita lailaile wanghom tüntong ma thung laxle tüile le nang akaxtüi. Nange baozang changle le atsing koxlax, ikoxle nang a ziün angkya khünak changle, chizi angkya Zang münchang.

ISAIA 66:24

Hwom pao ang laikya zuma, ku zan to kale changkya khünakbu mang hwome ngünle laxüi. Hwom mang saxkya chongbu tamchizile ngoüi, ilaxle hwom to zokle ashun ngokya wün a tam chimaxle ngoüi. Khünaknüsa mikngün ma hwom a chisumüikyabu ang ngünüi le Jowanpae akaxle.”

ISAIA 51:8

hwom a saxe saxdaokya nyi-za ningle samle paoünüi! Ikoxle kue koxkya khosün a jento ngoüi; kue lütkya a othuithui hanpak changpu.”

LAIPAO 12:29

Zangnak tsüdangkha-e Jowanpae Ijip nok tüichongsasa komle lang; chongwang mantswon angkya wanghom sasün makhange kun to shole thomkyabu sasün hwom to lünle langle awüt. Tsom-pombu ngaxchu wüi owang ma puxkyakya komle lang.

EZEKEL 28:9

Chemtue hwom nang lang ang nguiüihex, ipongmachu nange nang a baozang changpule thüi ang tho ang chami? Chemtue nange nang lang angkya khünakbu füi apongle changüihex, nang a baozang chichangle muakya khünak ang achangüi.

ISAIA 37:23

Nange owa ajaole owa chanyipule texpu? Nange ku, Israel nok otsao Zang to chie-chisele changpu.

ISAIA 14:11

Nang a thuaput-waxmai angaole achuak-achenle tüihukya, ikoxle athax nang a ikha ama lumting to. Nang a hwot-tit khao lyanu ding ma jiple ilaxle chong-langbu nyiwun füi chwoplaxle tüile.’”

JOB LAIPEX 19:26

Ku khwon mak-chak füi saxle komdaokoxchu, Tsangtsa max-samüi thoto wüi kue Zang ngünüi. Kue Zang ngün ang kopüi.

JOB LAIPEX 7:5

Ku tsangtsa a chonge awangle tüile; ija a buk-e awang laxle tüile; ku makbu tokhange achutbu jenle.

2 PUKAX-PANGAO 32:21

Asiria nok süpahi lompabu hia süpahibu mik amüt angkya hanpakma Jowanpae kaxtaimix ahüi. Ikhoma chongwangpa a mong atho laxle Asiria nok to chat. Nyixta chix a chix baozang to shwomkya nui ma ngole tüikya, chix sasün hwomkha angkya züizüie chix a changlobu füi lang.

2 WANGHOMBU 19:35

Jowanpa kaxtaimix ija ja Asiria nok to paolaxle süpahi 185, 000 lang. Ofüinop zangzunge, khünak ibu pangwüi omang ang achangle ikhama bang.

LAIPAO 12:23

Chemtue Jowanpa Ijip haxtok akaile, Ijip khünakbu langle leüihex, chixe aji füikya kahak hia kapox ngünle laxüi; ijama chixe mix langle lekya kaxtaimix hünzom hom to nople hünzom lang ang müntomüi.

LAIPAO 12:12

“Ija ja ku Ijip haxtok pangnu khato ahamüi; ilaxle müikha angkyachu üntoxle khünakchu, tüichongsasa komle langle toxüi. Ile Jowanpa kue Ijip nok zanpabu ang sikngün koxle leüi.

LAIPAO 10:3

Ikhoma Mosa hia Arun nyi pao üntoxle wanghompa ang thüi: “Jowanpa Ibri hwom Zang-e, nang a chix tong to münpuipule chemtukux ngotho angkya lüta? Chix khünakbu chix shwom ang pao ang dankox lüta.

LAIPAO 9:17

Ikoxle nang athax kople angam laxle chix khünaknu danle chiapao.

WANGSHEMBU MWOT 5:19

Ikoxle ija ja Jowanpa kaxtaimixe kun ka daple kox üntoxle wangshem nyi alai laxle hokhi ang thüi:

WANGSHEMBU MWOT 12:22

“Chixe khünak ningle chichangle Zang ningle akax”, le hwom akhong.

WANWÜNKAX 12:8

Nang jetüi-hwonlang mix tuita jangchang thüiba, nang achuak-achenle changüi; nang a tuita ongat jangchang, khünaknue nang to asongle huüi.