WANGSHEMBU MWOT 12:17 - OTSAO BAIBEL (BSI)

¹⁷ Chixe chak aja le hwom ang dangün le thüi; üntoxle kunkha tokya Zange chix chemle alaipuix, hwom hama apua. Chixe ija kax Jakop hia tüinao mamabu pangnu hato wüi apuakox le akax üntoxle chix mama khato pao.

WANGSHEMBU MWOT 12:17 ပူးပေါင်းရင်းမြစ်များ

WANGSHEMBU MWOT 21:40

Süpahi-Lompa-e chix ang akax ang kox. Idaile Pol dixtua chifün ma ajong ilaxle khünaknu to chix chak aja. Hwom dangle ngopongma Pol-e hwom füi Ibri kax ma akax.

WANGSHEMBU MWOT 19:33

Jehudi khünakbue Alekjendar noknu thüntho to thwomle alaikya tokhange züizüie ija tuwuk ma chixchu wüi womle tüile le lax. Ifüima Alekjendar-e khünaknu füi khosele zangwün ang chak aja.

WANGSHEMBU MWOT 13:16

Pol ajong, chixe chak aja le akax ang owang wang: “Ibibi kem Israel khünaknu üntoxle mixnokbuchu wüi womle, ikhama Zang shwom ang asoxle ngokya pangnu; ku kax apahüi!

WANGSHEMBU MWOT 21:18

Ofüinyix kwom füi tomle Pol Jakop füi apong ang pao; üntoxle tüichong mixmüibuchu wüi pangnu wüi tüikya.

WANGSHEMBU MWOT 15:13

Okhi kax ashuk füima, Jakop-e akax: “Kutüi kunaohom, ku kax to apahüi!

GALATIA 2:12

Jakop-e tsanle apaokya khünakbu ikhato mahüi tanto, Pitar-e mixnok tüinao hwom füi tomle saxling le ngokya. Ikoxle hwom nguikya füima, chix hwom füi siatsai-siatsaile chang ilaxle mixnokbu füi tomle saxling le chichang, chemthüikoxle chixe ibue khwon züt zom zingkox wüi müi angkya le akaxkya thua za.

GALATIA 2:9

Jakop, Pitar üntoxle Juhan, hwom opang lompabu ningle ngopuix, hwome, Zang tokhange ku ang ija mwot koxle thomkya tsingle lax; ikhoma, kwom pangnu wüi üitho tuita ang achangle aho ang hwome Barnaba kukhi füi chak apong. Barnaba kukhie mixnokbu khato ilaxle hwome a Jehudi nokbu khato le Jowanpa mwottho ma süt angkya kwom mong notom.

GALATIA 1:19

Jowanpa honao Jakop boma kue mama wangshembu owachu chingün.

1 KORIN 15:7

Ifüima chix Jakop hato lai, ilaxlechu wangshembu pangnu hato laile aho.

JUHAN 11:54

Ifüima Jisu a Jehudi khünakbu khato ngaitho le chiaham; ikoxle hoxhox le tüikya Efraim le nyakkya ting to achexle pao; ikhato chix wangshembu füi nui.

JUHAN 8:59

Ikhoma hwome long tswonlaxle chix to thup ang tung; ikoxle Jisu azwon ilaxle Zangshwom-Hom angkya laile pao.

MATHI 10:23

Otue hwome hünzom to tingkhua tuita ma zothupüi hex, mama ting to paokox. Kue hünzom füi otsingtsing akaxpu, hünzome Israel haxtok akhople matsuakba wüi Khünak Hosa nguiüi.

JAKOP 1:1

Zang tamchu Jowanpa Jisu Khrista da Jakop tokhange: Chaxwan tok ma chiakle tüikya Zang khünaknu nok hato salam.

WANGSHEMBU MWOT 16:40

Pol hia Sila nyi kun angkya lailaxle Lidia hom to ngui. Ikhama hokhie tüinaobu apong, hwom füi zong adün le akax ngolaxle hokhi achex.

JUHAN 13:24

Simon Pitar-e chix chito hüilaxle thüi: “Chixe owa bama akaxpuix, kwom hama apua hüile thüihu.”

JUHAN 10:40

Chix Jordan shuanu tachi to, ami pongma Juhan-e bapti koxle ngokya khato pao. Ilaxle chix ija khato nui.

JUHAN 7:1

Ifüima Jisu Galili to ahamle ngo. Jehudi nok pünpa-chongwangbue chix lang ang lom; ikhoma chix Jehudi haxtok to ahamse chitsu.

KAXHO MÜIKYA LUK 1:22

Otue chix laile hüi, chixe hwom füi zangwün ang chitho le chang, ilaxle chixe Zangshwom-Hom ma mikngün ohün ngündaokya changa le hwome awan. Tun ma akax ang chitho laxle chixe hwom hato chak ajing-aja le aho.

MÜNCHUAK-TSAI 146:7

chixe afangle tüikyabu chima sele kaxfün fale ilaxle woknuak mixbu ang süt koxle. Jowanpae kople thomkyabu danle

MÜNCHUAK-TSAI 66:16

Zang achuak-achenle tüikya pangnusa, nguilax üntoxle apalax, ilaxle chixe ku hanpakma chem mokdaopuix, ija kue nang hama wünfang.

MARK 6:3

Chix a Meri sasün tamchu Jakop, Jusep, Juda hia Simon hwom hotüi, tuita zingpa münchangkox hia?” Ilaxle hwome chix pongle chikop.

WANGSHEMBU MWOT 1:15

Hanpak nyixta anyi füima mongong mixbu afoxkya hanpak tüikya, hwom pangnu mixhuak hota tsa tukux changkya, üntoxle Pitar akax ang ajong,

WANGSHEMBU MWOT 12:16

Iponge Pitar-e kahak to hongle wüi ngo. Oshukma hwome ka dap ikoxle chix ngünkya zuma hwom huanuma abüt.

WANGSHEMBU MWOT 12:18

Ngainop ningle zangngai mik ma, Pitar oma ünpuix le tata hama atüile nyetmixbu pangwüi huanuma khosamle abüt-aban.

WANGSHEMBU MWOT 28:15

Rom tingnu angkya khristan tüinaobue kwom nguikya zing atatlaxle Apias hatnu sütnui hia nazak nui azom tüikya kha kople kwom füi apong ang pong to za. Pol-e hwom ngünkya zuma Zang ang münchong fa ilaxle mongchong.