WANGSHEMBU MWOT 11:26 - OTSAO BAIBEL (BSI)

²⁶ Chixe Sol atakkya zuma, chixe chix Antiok to laxlaxle apaüi. Zangpua atale hokhie tomtomle müimüithom khünakbu füi apong ilaxle othom hama anwot-ano. Jisu füito azuikyabu ang “Khristan” le Antiok ma nyakle wang.

WANGSHEMBU MWOT 11:26 ပူးပေါင်းရင်းမြစ်များ

1 PITAR 4:16

Bachutix, nang khristan changle le apongkya sikngün jangchang, Ija khoma taxazak, itülüi ija mün ma Zang mün fuazang ang tomkox.

WANGSHEMBU MWOT 26:28

Agripa-e Pol ang thüi: “Jantakya bama wüi nange ku khristan ang achang ang thoüile texpia?”

1 JUHAN 2:27

Ikoxlechu hünzom hanpak ang a Khrista-e chix chasa hünzom ma thokle fadaoa. Chix chasa hünzom ma ngokya kople hünzom hanpakma anwot-ano le fa angkya mix lax ngo angkya chem mwot müntüi. Chemthüikoxle pangnusa bama chix Chasae anwot-anole changüi, ilaxle chixe anwot-anokya ma thaikya müntüi, otsingtsing changle. Idaile Chasa hwon-nwot kax ma laxle tüilax ilaxle Khrista füi notom le ngolax.

1 PITAR 4:14

Khrista man tokya khoma hünzom to adix-adale chang pongma hünzom mohiman; chemthüikoxle fuazangkya tamchu Zang chasa hünzom ma tüile.

EFISIA 3:15

Ija khoma hexle ku chix chitong ma akhuxpu.

1 KORIN 14:23

Mongong füikya khünak pangnu asox üntoxle noke chitsingkya kax ma zangwün, ipongma songsari khünak chichangba mongong ma zong matüikya owawa nguile hüi, chixe hünzom ang ongatbu changle le münthüi lea?

1 KORIN 12:12

Khrista a omik ochak mafanfan füikya tompo tuita changpu; ile malomlom ocha-ochakbu füi zingle tüikoxlechu ija tompo tuita wüi changle.

1 KORIN 11:18

Pongwang ma, kue atat ang kopkya a, hünzom tu asoxkya zuma tata füi mongtex apüikya tokhange mathom-mathomle zingle tüile, ilaxle ija zangwün to süifi süitex kux otsingtsing changpu le kue ongkya tüile.

1 KORIN 4:17

Ikhoma, kue pangkha towüi, pangnu müimüithom to anwot-anokya ningle, Khrista ma ku tsün khüzün ngole hüikya olombu hünzome mongto texle atakle lax ang kox angkya bama, Jowanpa ma kue mongkünkya hia mongongkya kusa Timothi kue hünzom hato tomle akatpu.

WANGSHEMBU MWOT 14:27

Okhie Antiok alopkya zuma khünaknu nyakle asox ilaxle Zange hokhi hanpakma chempangle mokdaopuix ibu pangnu mo wün üntoxlechu chixe mixnokbu angchu wüi chemle ongtsuak angkya olom daple koxpuix, ija apua.

MATHI 28:19

Idaile khünak pangnu hato tamchu nok khato paokox ilaxle hwom ku wangshem ang achangkox; Hopa, Hosa, Otsao Chasa hwom mün ma ibu bapti le laxkox.

MIKNGÜN-OHÜN 3:18

Idaile ahak-aluale tüi angkya hanpakma nange ku angkya hun, huntsaotsao shaklax le kue anopu. Nang thünzak hia ohua ma ngokya to chwop ang nyi tsekyachu shaklax. Nange ngün angkya kuxma nang mik to pa ang hinghaichu shaklax.

WANGSHEMBU MWOT 14:23

Müimüithom to tiale hwom azui angkya lompabu zünle tox; hokhie ilaxle chisax chilingle zangjop hanpak lax üntoxle hwom Jowanpa chak to fünle kox.

WANGSHEMBU MWOT 11:27

Ituke aje züizüi Jerusalem tokya Antiok to ju.

WANGSHEMBU MWOT 11:22

Antiok to ile changkya kax Jerusalem müimüithom na to wang, idaile hwome ikhato Barnaba tsanle akat.

WANGSHEMBU MWOT 11:20

Üntoxle Saipras hia Sirini tokya mongong mixbu züizüi Antiok alople, mixnokbu hato Jisu Khrista bama Kaxho Müikya apukle pao.

WANGSHEMBU MWOT 6:5

Wangshembue ija kax wünle alaikya khoma noknusa wüi mongmüi; idaile hwome mongong ma zukya tamchu Otsao Chasae awangkya Stefen kam, üntoxle Filip, Prokoras, Nikonor, Timon, Parmenas, ilaxle Jehudi zanglom laxkya Antiok nok Nikula, hwom bibi kam.

ISAIA 65:15

Ku khünaknue nang mün a othuak-ozom lom to twonüi. Ku, Jowanpa Khüthak Zang-e hünzom a zi ang tomüi. Ikoxlechu hünzom ku kax ma laxle tüikyabu ang ku mün mama fapu.

JUHAN 2:2

ilaxle ija som to Jisu hia chix wangshembuchu wüi ahyen.

WANGSHEMBU MWOT 1:15

Hanpak nyixta anyi füima mongong mixbu afoxkya hanpak tüikya, hwom pangnu mixhuak hota tsa tukux changkya, üntoxle Pitar akax ang ajong,

WANGSHEMBU MWOT 6:1

Ifüima aluile chingo homle, Jisu man tokyabu sütsa-sütsale tsale hüikoxle, Grik kax ma wünkya Jehudi khünak mixwün nguikyabu hia Jerusalem ma ngokya Jehudi khünakbu bama hyet lai. Grik kax ma wünkya Jehudi khünakbu thome, nyixfole ahankya hwom süntom ngun, hwom kha angkya zomnubu ang chifakya bama hwom e-ma chilaxkya kax ngai.

WANGSHEMBU MWOT 9:19

ilaxle chixe fongsax füima, chix ang zong chatle hüi. Onox ma Sol Damaska angkya Jisu wangshembu füi nui.

WANGSHEMBU MWOT 9:38

Chopa a Lidia makhange chemnu le chiatsai le tüikya, ilaxle otue Chopa tokya mongong mixbue Lidia to Pitar nguile tüikya kax koppuix; hwom hato chingchalaxle momle nguihüi ta le Pitar se ang mixsün anyi tsanle akat.

WANGSHEMBU MWOT 11:29

Jehudi haxtok angkya tüinaobu to fong angkya hanpakma hwom mixhuak pangnue wüi mae tsuakkya apongle hingho akat angkya bama Jisu wangshembue zangwün tsuak.

WANGSHEMBU MWOT 14:20

Ikoxle otue mongong mixbu chix zuima akhople afoxpuix, izuma chix zo üntoxle tingkhua to chatle tamchat. Ofüi nyix Barnaba hokhi Darbe to pao.

WANGSHEMBU MWOT 14:22

Okhie mongong mixbu mong achen ilaxle hwome ongkya ma shingmongle ngo angkya zongsai. Zang Wangting to nop ang keme sikngün huanuma kai angkya changle le hokhie anwot-ano.

WANGSHEMBU MWOT 14:28

Ikhato hokhi mongong mixbu füi lyetkua obi hex nui.

WANGSHEMBU MWOT 18:27

Apolo a Akaia to kaiüi le mongto texle kop, idaile Efisia angkya mongong mixbue, ikhato chix wün pongle kop-hüile Akaia angkya tüinaobu hato laiza fale chix to fong. Ikhato chix nguikya a, Jowanpa chingcha makhange mongong mixbu ang achangle tüikya khünakbu zongto chongkya ofong ang achang.

WANGSHEMBU MWOT 19:9

Ikoxlechu hwom khama züizüi mongkhüikyabu tüikya ilaxle ibue mong chiongtsuak. Ilaxle khünaknu thüntho ma hwome Jowanpa lomtang bama kaxma thüi. Ikhoma Pol-e ibu dantoxlaxle Jisu wangshembu chix füito laxlax tox; üntoxle Tairanas khünaknu pünzün wangsaikya homnu ma chixe nyixfo to khünaknu füi zangwün ma aswot.

WANGSHEMBU MWOT 20:1

Wuk dang füima Pol-e mongong mixbu nyakle asox, ilaxle hwom zong adünle zangwünkya füi hwom ang wünzua salam kox. Ifüima chix Mesidonia to pao.

WANGSHEMBU MWOT 20:30

Hwom füito mongong mixbu chichangkya lom to chüile apao ang hünzom khama züizüie atse le zangwün angkya hanpak tuita hüi angkya changle.

WANGSHEMBU MWOT 21:4

Ikhato kwom thoma mongong mixbu züita bang. Hatdang tuita ibu füi nuile tox. Otsao Chasa zong makhange hwome Pol ang Jerusalem to taxka le akax.

JAKOP 2:7

Hünzom ang fale tüikya münmüi zongto kaxchax akaxkyabu a hwom changle.