WANGSHEMBU MWOT 11:23 - OTSAO BAIBEL (BSI)

²³ Ikhato chix ngui ilaxle Zange khünakbu to mohimankya ngünlaxle chixe hwom ang zong adünle Jowanpa to mongongkya ma shingmongle ngo angkya akax.

WANGSHEMBU MWOT 11:23 ပူးပေါင်းရင်းမြစ်များ

1 KORIN 15:58

Idaile, kutüi-kunaohom, shingmongle ajonglax ilaxle zaxhun ma ahamkox. Jowanpa mwottho ma nange mokkya chemlichu muato münmax le nange awan angkya daile, Jowanpa hanpakma chak ojao chingaile mwot mokkox.

WANGSHEMBU MWOT 14:22

Okhie mongong mixbu mong achen ilaxle hwome ongkya ma shingmongle ngo angkya zongsai. Zang Wangting to nop ang keme sikngün huanuma kai angkya changle le hokhie anwot-ano.

WANGSHEMBU MWOT 13:43

Ile sinagok ma asoxkya khünaknu fan füima, Jehudi khünakbu hia Jehudi nok ang achangkya mixnokbu züizüi Pol hia Barnaba nyi füito hüi. Okhie hwom füi akax üntoxle Zang chingcha ma otya ma ngo angkya hwom ang zong adün.

1 JUHAN 2:28

Changpu, kusu kusahom, chix füi notom le ngolax, ikoxletix chix ngai pongma kem a mongchyene awangle tüiüi üntoxle chix nguikya nyix chix thoto azakle azwonle chichangüi.

2 TIMOTHI 3:10

Ikoxle nang tsün ma, ku hwon-nwot, ku zanglom, üntoxle ku mongtex tole hüidaoa; nange ku mongong, ku mongkün, ku adukya.

KOLOSI 1:6

Pongwang ole atatkya nyix ijae hünzom mong alüixkya üntoxle Zang chingcha chongkya tsingle lax ang fakya lailaile, hünzom hato hüikya Kaxho Müikya tuitata wüi khünaknu tsün lüile koxle chaxwannu faole aham ngole.

WANGSHEMBU MWOT 20:24

Jowanpa chingcha bama Kaxho Müikya apuk angkya, Jowanpa Jisu-e ku ang koxkya mwot, ija ku mwottho mokle jangtho laxba, ku zongma ku tsün chemchu münchangle texpu.

3 JUHAN 1:4

Kusu kusa hwom otsingtsing ma shingmongle ngokya zing atat pongma müikya ningle ku ang mong otuechu münmüi tox.

WANGSHEMBU MWOT 14:26

üntoxle hokhie imakhange tholünle hüikya mwottho hanpakma hokhi Zang chak to danle koxkya nui Antiok to chat.

JIHUSUA 23:8

Itülüi, Jowanpa to mongong thomlax. Anyix kople hünzom ngole hüikya lailai ngolax.

TSAITONG-KAXTONG 30:20

Jowanpa hünzom Zang to mongkünlax, chix kax ma laxle tüilax tamchu chix to mongong tüikya füi ngolax. Ile jangchangba, hünpu hwom, Abraham, Isak hia Jakop hwom ang koxüihex-ole tsaosaxkya haxtok ma hünzom tamchu hünzom su-sa hwom tsünlole ngo ang kopüi.”

TSAITONG-KAXTONG 10:20

Jowanpa hünzom Zang kax ma laxle tüilax ilaxle chix tata to shwom-to le changlax. Chix to mongong tüile ngolax ilaxle hünzome chix mün ma zaza tsaolax.

JUHAN 15:4

Ku ma ngolax ilaxle ku hünzom ma ngoüi; hopupa ma chimyen thüikoxle pünkangsae oziak chemle ziak ang thoüi? Ija lailaile ku ma myenle chingo thüikoxle hünzomechu oziak ziak ang müntho angkya changle.

MATHI 16:24

Ifüima Jisu-e wangshembu ang thüi: “Owawae ku füito azuise jangtsu, chixe ma alak üntoxle ma pünsak pai laxle tix ku füito hüilax.

JIHUSUA 22:5

Mosa-e hünzom ang koxle toxkya wanlom: ‘Jowanpa hünzom Zang to mongkünkox, chix mongtex mokkox, chix kaxtombu kax ma laxkox, chix to mongong tüile ngokox, ilaxle hünzom kün-mong hia chasa pangnu makhange chix thothakox; le tüikyabu kax ma laxle-ole azongkox.’”

2 KORIN 1:17

Ija mongkat azuakya bama ku ang mong münajing le fe angkya chichang. Jangchang thüiba, kue ija mongkat azuakya zuma chaxwannu khünak ningle “jo, jo” thüilaxle lebama wüi “Müno”, le achat ang, ma zongma amüimüi ma lax ang zingkya hia?

WANGSHEMBU MWOT 20:32

“Üntoxle athax a kue hünzom Zang tamchu chix chingcha Kaxho chak to koxpu. Chixe hünzom ang chasa ma tsakzong koxüi ilaxle chixe ma khünaknu nok hanpakma thomkya mohiman hünzom ang koxüi.

WANGSHEMBU MWOT 15:40

ikoxle Pol a Sila koplaxle tüinaobue Jowanpa chingcha chak to koxkya füima achex.

MARK 2:5

Itukuxkya hwom mongong ngünlaxle Jisu-e kakmix ang thüi: “Kusa, nang ochax thailak fadaoa.”

DANEL 1:8

Wanghom khwa angkya chitsaokya sütlingbu saxling üntoxle Danel-e chix chitsaokya khünak tuita ang münachangüile mongzangwünle tsuak, ikhoma chixe Ashpenaz ang chix to süfonghüile akax.

WANWÜNKAX 23:28

Ahuxmixbu lailaile ibue nang lom tanle ngole ilaxle hwome khünakbu huanuma mongong chitüikyabu ang achangle.

WANWÜNKAX 23:15

Ku sa, nang jetüi-hwonlangkya khünak ang jangachang, ku mong huanuma müiüi.

MÜNCHUAK-TSAI 17:3

Nange ku mongkha awan ngopu. Nang ku hato zangnak ma nguipu; nange ku to komkaile wanle anopu, ilaxle ku ma ochax lom to mongtsukya chemchu chiatakpu. Mix lailaile

WANGSHEMBU MWOT 4:36

Ilaxle ikhama Jusep le amünkya Saipras shuazo to puxkya liwi sün tuita tüikya, owa ang wangshembue Barnaba (thüikoxle zong adünkya mix) le nyak;

ROM NOK HATO ZAKYA POL LAIZA 12:8

Mix ang zong adün angkya jangchangchu, keme ile mok angkya wüi changle; ma tuina mix füi ahan achüikya mixchu okhex-oküi chitüi le mok angkya changle; owa ma apün-awang angkya zong tüilaxpuix, mwot azongle mok angkya changle; owae mix to chingcha aho laxüihex, chixe ija mongmüi pwonla le mok angkya changle.

2 KORIN 6:1

Kwome Zang füi tomle mwot mokpu, ilaxle Zange hünzom ang fakya chingcha muato shixshixkhaxle taxchangünfa le kwome hünzom füi akaxpu.

1 PITAR 5:12

Mongong tüikya khristan tüinao tuita le kue esele tüikya Sila-e fongle, moxmoxsüle ija laiza kue hünzom hato zapu. Kue hünzom ang zong adünse tsupu üntoxle ija a Zang chingcha changtomtale le kue khüzün kaxkhi fase texpu. Ija ma shingmongle ajonglax.

JUD LAIZA 1:4

Chemthüikoxle opang oma laiua bama Otsao Lai ma zale tüipuix, hwom züizüi hünzom khato zuile nopngoüna. Hwom a, kem Zang chingcha hwom müi-hi-aji mwot ang laxkyabu tamchu kem khüthak Jowanpa tuita wüi tüikya Jisu Khrista pongle chikopkya, Zang chilax homle ngokyabu changle.

2 WANGHOMBU 18:6

Chixe Jowanpa to mongong thom ilaxle otuechu chixe kax ma chilaxle chitüitox, ikoxle Mosa ang koxkya Jowanpa kaxtombu pangwüi otia ma thom.