WANGSHEMBU MWOT 11:19 - OTSAO BAIBEL (BSI)

¹⁹ Stefen lang pongma zothupkya zuma mongong mixbu machiak-machiak to chiak. Hwom kha angkya züizüi Foinesia, Saipras, üntoxle Antiok alople, Jehudi khünakbu tata hama Jisu Khrista a Messaiah changpu le Kaxho Müikya apukle pao.

WANGSHEMBU MWOT 11:19 ပူးပေါင်းရင်းမြစ်များ

WANGSHEMBU MWOT 21:2

Ikhama kwom thoma Foinesia to le angkya khua tuita nuile kwomchu wüi ima thuile nga üntoxle achex.

WANGSHEMBU MWOT 15:35

Pol hia Barnaba nyi Antiok ma lyetkua hidaole nui. Okhi bomachu mamabu füi tomlaxle hwome Jowanpa kax anwot-ano.

WANGSHEMBU MWOT 15:22

Ifüima wangshembu hia tüichong mixmüibue ilaxlechu müimüithom noknu motom laxle, hwomkha angkya khünak zün üntoxle Pol hia Barnaba füi tomle Antiok to akat angkya zangwün tsuak. Hwome Barnaba le nyakkya Judas hia Sila, hwom tüinaobu khama lomzunpa nyi zün.

WANGSHEMBU MWOT 15:3

Ile müimüithom khünaknue ibu tomle apao, üntoxle hwome Foinesia hia Samaria akaile leüi lom to hwome mixnokbu khristan ang achangle hüikya kaxwün wang; ilaxle ija kaxhoe mongong mixbu ang huanuma mong amüi.

WANGSHEMBU MWOT 4:36

Ilaxle ikhama Jusep le amünkya Saipras shuazo to puxkya liwi sün tuita tüikya, owa ang wangshembue Barnaba (thüikoxle zong adünkya mix) le nyak;

GALATIA 2:11

Ikoxle Pitar Antiok to nguikya zuma, thaikya mokkya khoma, kue chix to tangthole noknu thüntho ma sa.

WANGSHEMBU MWOT 21:16

Kaisaria angkya Jisu wangshem züita kwom füi tomle ka, üntoxle kwom wünthong ang lax angkya kha Nason hom to kwom apüi. Nason a ami pongto khange wüi Jisu wangshem tuita changkya.

WANGSHEMBU MWOT 18:22

Chixe Kaisaria alopkya zuma Jerusalem to ngui ilaxle müimüithom ang salam fa ilaxle Antiok to pao.

WANGSHEMBU MWOT 15:39

Ikhoma hokhi hidaole aling ala, ilaxle tata füi afan. Barnaba a Juhan Mark koplaxle Saipras to khua ma chat;

WANGSHEMBU MWOT 13:46

Ikoxlechu Pol hia Barnaba nyie sisile mongchong laxle thüi: “Zang kax a pongwang ma hünzom hama akax kop angkya olom changpu. Ikoxlechu hünzome ija chilax, üntoxle oshuk chitüikya tsün hanpakma asukyabu to münchangle hünzome ma alüile ahaikoxle, kwome hünzom dantoxüi ilaxle mixnokbu hato paoüi.

WANGSHEMBU MWOT 13:4

Ifüima Barnaba hia Sol nyie, Otsao Chasae tsankya ningle Silisia to ju ilaxle imakhange khua ma kale Saipras shuazo to ngui.

WANGSHEMBU MWOT 13:1

Antiok angkya onok müimüithom khama züizüi ajebu tamchu nwot-mixbu tüikya. Hwom a: Barnaba, Simeon (mixnak le nyakkya), Lusia (Sirini tokya), Manahem (chongwangpa Herod füi tomle chongkya mix) üntoxle Sol.

WANGSHEMBU MWOT 3:26

Idaile hünzom pangnu wüi chisu chitangkya lom ma ngokya chat ang kox ilaxle mohiman angkya hanpakma, Zange Jisu zünle kop ilaxle pongwang ma hünzom hato ahüi.”

JUHAN 7:35

Jehudi nok pünpa-chongwangbue tata füi zangwünle akax: “Keme atak ang chitsuak angkya khato ija mixsün ojong to pao ang thüitüi puixsi? Kem khünakbu ngokya Grik tingnubu to paolaxle Grik nokbu hatochu anwot-ano ang thüipia?

MATHI 10:6

Ikoxle Israel kako samle ngokya chunbu hato paokox.

WANGSHEMBU MWOT 6:5

Wangshembue ija kax wünle alaikya khoma noknusa wüi mongmüi; idaile hwome mongong ma zukya tamchu Otsao Chasae awangkya Stefen kam, üntoxle Filip, Prokoras, Nikonor, Timon, Parmenas, ilaxle Jehudi zanglom laxkya Antiok nok Nikula, hwom bibi kam.

WANGSHEMBU MWOT 11:20

Üntoxle Saipras hia Sirini tokya mongong mixbu züizüi Antiok alople, mixnokbu hato Jisu Khrista bama Kaxho Müikya apukle pao.

WANGSHEMBU MWOT 11:22

Antiok to ile changkya kax Jerusalem müimüithom na to wang, idaile hwome ikhato Barnaba tsanle akat.

WANGSHEMBU MWOT 14:26

üntoxle hokhie imakhange tholünle hüikya mwottho hanpakma hokhi Zang chak to danle koxkya nui Antiok to chat.

WANGSHEMBU MWOT 15:30

Kaxho mixbu tomle Antiok to akat. Ikhato hwome mongong mixbu pangwüi sele asox ilaxle hwom ang laiza kox.