WANGSHEMBU MWOT 11:18 - OTSAO BAIBEL (BSI)

¹⁸ Otue hwome ija kax atatpuix, hwome ajao ahai ngokya zak ilaxle Zang achuakle thüi: “Jangchangba Zange mixnokbu angchu monglüi le azang angkya osho apüi fadaoa!”

WANGSHEMBU MWOT 11:18 ပူးပေါင်းရင်းမြစ်များ

2 KORIN 7:10

chemthüikoxle oja mongma Zange twonpuix, ijae khosün hato zun angkya monglüi apüile, ikhoma ija ma mongto aduakkya müntüi! Ikoxle khünak zangjang mongma lanlan jangchang thüiningle ija ma zikmüt mangkho tüile.

WANGSHEMBU MWOT 20:21

Hwom pangnu wüi ma ochax tokya Zang hato chatle, Jowanpa Jisu shwom angkya changle le Jehudi khünak hia mixnok pangnu ang wüi kue otsing tomtata ma kaxkhün tomwüi fadaoa.

EZEKEL 36:26

Kue hünzom ang tutex mongtsang hozün faüi. Kue hünzom ma tüile ngokya kax ma chilaxle künkhüi-mongdüi alaile awütüi ilaxle kax ma laxle tüi angkya künno-mongnaikya koxüi.

WANGSHEMBU MWOT 5:31

Israel khünak ang monglüi angkya hanpak kox üntoxle hwom ochaxbu thailak kox angkya bama, lompa hia khosünpa tuita ningle Zange chix ma tsaxchi ma, chix füi tomwüile nwonpu.

2 KORIN 3:18

Idaile kem noknusae wüi thünkhung nyi chithom homle, Jowanpa fuazang ocha ngün ang tomhax; üntoxle Chasa owa, Jowanpa tokhange hüipuix, ija fuazang tuitatae wüi, kem chix lailaile otax-onüi fuazangkya ma lüile azün ang koxüi.

WANGSHEMBU MWOT 21:20

Chix kax atatkya füima hwom pangnue Zang achuak. Ifüima hwome Pol ang thüi: “Tüinao! Ija chemle changpuix nange ngünle ngotüi. Mongong le hüikya Jehudi khünakbu hajat-hajat tüihule, ilaxle hwom pangwüi wanlom ma shingmongle ngokyabu changle.

WANGSHEMBU MWOT 3:26

Idaile hünzom pangnu wüi chisu chitangkya lom ma ngokya chat ang kox ilaxle mohiman angkya hanpakma, Zange Jisu zünle kop ilaxle pongwang ma hünzom hato ahüi.”

ISAIA 61:3

Zaion ma künmax-mongshanle ngokyabu ang kox ang Mongma lüix ma künsom hia mongmüi kox ang, Mongma lüix to mongmüi tsai ngao ang. Hwom a pünbu ningle changüi Jowanpa chix jaoe küikya pünbu ningle. Hwom pangnusae chem changpuix ija moküi, Chixe chem mokdaopuix ija hanpakma Zang achuaküi.

GALATIA 1:24

Ilaxle ku hanpakmale hwome Zang achuak.

ROM NOK HATO ZAKYA POL LAIZA 9:30

Ikoxle keme chemle thüi? Ija mixnokbu Zang füi muamüi ang chiazong, ikoxlechu hwome chix to mongongkya khoma Zang, chixe hwom füi muamüi;

WANGSHEMBU MWOT 15:3

Ile müimüithom khünaknue ibu tomle apao, üntoxle hwome Foinesia hia Samaria akaile leüi lom to hwome mixnokbu khristan ang achangle hüikya kaxwün wang; ilaxle ija kaxhoe mongong mixbu ang huanuma mong amüi.

WANGSHEMBU MWOT 14:27

Okhie Antiok alopkya zuma khünaknu nyakle asox ilaxle Zange hokhi hanpakma chempangle mokdaopuix ibu pangnu mo wün üntoxlechu chixe mixnokbu angchu wüi chemle ongtsuak angkya olom daple koxpuix, ija apua.

WANGSHEMBU MWOT 11:1

Wangshembu üntoxle Jehudi chaxwan pangnu khatokya mongong mixbue mixnokbuechu wüi Zang Kax pongle kople ta le atat.

WANGSHEMBU MWOT 3:19

Idaile ochax tokya mong chatlax, ilaxle Zang hato hüilax, ikoxletix chixe hünzom ochaxbu fwotle awüt faüi.

ISAIA 60:21

Hünzom khünak pangnusae chem supuix ija moküi, Ilaxle ija haxtok a hünzome jento kople thomüi. Ibu kue küi-thwompu, kue zingle alaipu, Noknusa hato ku chongkya aho ang.

JIHUSUA 22:30

Nguapa Finehas hia Hannopchi Israel nok lompabu hwom mixsün büne Reuben, Gad hia Handün Manasseh hwome akaxkya kax komkaile atatle lax, ilaxle hwom ang mongzom müi.

ZEKARIA 12:10

“Dawid sixli hia Jerusalem ma ngokya khünaknu kue chingcha hia zangjop chasae awangle chang ang tomüi. Owa hwome tople langdaopuix, hwome chix to hu, ilaxle sasün tuita wüi zikya nao mangtsakya lailaile hwome chix mangtsale changüi. Somwang nao zile paokya kako to mangtsapupu le hwome mongmaxle mangtsaüi.

ISAIA 11:10

Jat-libu hato mowan tuita ang Dawid sixli kha angkya wanghom hozün tuita ngai angkya hanpak hüile ngole. Chix chongwang tingnu ma hwom nguiüi ilaxle chix achuak-achenle changüi.

EZEKEL 47:22

ija a jento hünzom kux ang ngoüi. Hünzom khato ngole tüikya mixnokbu ilaxle opange ikhato supux-sapaile ngole tüipuix, hwome chuwüi hünzome ija haxtok tom-hanle changpongma hwom süntswon kop angkya changpu. Ibu to Israel nok nokpu tuita ningle huüi ilaxle hwome chuwüi Israel nok homjenbu füi tomle hwom haxtok kop angkya hanpakma chizing tswon ang tom angkya changle.

MATHI 9:8

Ikoxle ija ngünkya zuma khünaknu othome, hwom zalaxle khünak ang ile tsakzong koxkya Zang ang münchong fa.