WANGSHEMBU MWOT 11:14 - OTSAO BAIBEL (BSI)

¹⁴ Chixe kwom hama chix hom ma kaxtaimix ajongle ngünkya wün, owae chix ang thüi: ‘Simon Pitar le amünkya mixsün se ang Chopa to owawa tsanle akatlax.’

WANGSHEMBU MWOT 11:14 ပူးပေါင်းရင်းမြစ်များ

WANGSHEMBU MWOT 16:15

She füi tomle hwom homkha pangwüi bapti. Ifüima she-e kwom selaxle thüi: “Kuchu Jowanpa to ongkya mixcha tuita changpu le hünzome janglax thüiba, oman, nguilaxle ku hom ma ngolax.” Ilaxle she-e tütakoxlechu kwom ngui angkya wüi changpu le kwom se.

WANGSHEMBU MWOT 10:22

Hwome lan: “Kwom a lompa Kornelia mwottsan to hüikya changpu; chix a tuita müikya khünak changle tamchu Zang shwomkya mix changle ilaxlechu Jehudi nok pange wüi chathua zale e-sekya mix changle. Nange akax angkya oli tsai-kax apale kop angkya hanpakma chix hom to nang se angkya Zang kaxtaimix tuitae chix füi akaxdaoa.”

WANGSHEMBU MWOT 10:6

Chix a tinu kax ma ngokya müikhwon singmix Simon hom ma mixwün tuita ang nguile tüile.”

WANGSHEMBU MWOT 10:2

Chix a zanglom tokya mixnok sün tuita changkya. Chix üntoxle chix homkha pangnue Zang shwom. Chixe Jehudi nok chitüi chinangkyabu to huanuma fong ilaxle tuthütthüt ma zangjople nui.

WANGSHEMBU MWOT 2:39

Chemthüikoxle hünzom üntoxle hünzom susabu, üntoxle tsailo to ngokyabu pangnu, üntoxle Jowanpa kem Zange chix hato otukux sele tüilaxpuix, ibu noknusa hanpakmale Zange tsaokya changle.”

JUHAN 20:31

Ikoxchu Jisu a Khrista, Zang Hosa changpu le hünzome ong angkya hanpakma, tamchu ong laxle chix mün ma hünzome tsün khüzün atak angkya kuxma, ija kax zapu.

PONGWANG LAIPEX 17:7

“Oshuk-chitüikya Tsaotsüt tuita ang kue ku kaxtsao füichima nang füi tamchu nang su-sa hwom füi thom ang tomüi. Ku a nang Zang tamchu nang su-sa hwom Zang ang ngoüi.

JUHAN 12:50

Chix kaxtome oshuk chitüikya khüzün tsün fale le kue awanpu, ija khoma kue chem akaxpuix, ijabu Apae ku hama chemle apuapuix, ija ningle akaxkya changpu.”

JUHAN 6:63

Khüzün koxkya a Zang Chasa changpu, khünak tsakzong a chem angchu münchang ikoxle kax oja kue hünzom füi akaxpuix, ijabue hünzom hato ozün ma tüikya Zang Chasa apüile fapu.

JUHAN 4:53

Idaile “Hünsa ozün ma wüi tüile”, le Jisu-e chix füi itu khae akaxkya changpu le hopae texle atak; ilaxle hwom kako pangnue wüi ong.

KAXHO MÜIKYA LUK 19:10

Khünak Hosa a maxdaokyabu lom ang hia sün ang nguipu.”

MARK 16:16

Owae ong laxle bapti laxüi hex, chixe khosünkya ataküi; ikoxle owae chiong laxüi hex, chixe thajao kopüi.

JEREMIA 32:39

Kue hwom ang tsün ma mwotli tuita wüi koxüi: ija a, hwom tamchu hwom su-sa hwom fünmüi angkya hanpakma, hwome othuithuima ku chathua zale ngo angkya.

WANWÜNKAX 20:7

Otsingtsing zangwün tamchu sukya mwot mokkya hopa tüikyabu a tüle shomüikya su-sa hwom changpu.

MÜNCHUAK-TSAI 112:2

Müikya khünak su-sa hwom haxtok ma tsak-zongle tüiüi; chix sixli hwom to mohimanüi.

MÜNCHUAK-TSAI 103:17

Ikoxlechu opange Jowanpa chathua zale tüipuix, hwom hanpakma chix mongkün jento ngo, ilaxle chix müikya tsüntsün to ngo;

PONGWANG LAIPEX 18:19

Ku kax ma laxle tüi angkya tamchu changkya hia sukya mwot mok angkya bama su-sa hwom to zünsaile changtsuak angkya hanpakmale kue chix zünle koppu. Hwome ile jangmok thüiningle kue tsaosaxdaokya pangwüi chix ang mokle koxüi.”

1 KORIN 1:16

(O! Changle kue Stefenas hia chix kakonuchu wüi baptile; iboma kue baptile chichang changdaopuix kue münakhax).

WANGSHEMBU MWOT 18:8

Sinagok ma alixachong sün Krispa üntoxle hwom homkha pangnue wüi Jowanpa to ong; ilaxle Korin angkya khünaknue Pol kaxho apa, ija to mongong ilaxle hwom bapti.

WANGSHEMBU MWOT 10:43

Chix mün ma tüikya zong makhange chix to ongkyabu ang ochax thailak faüi, le chix bama ajebu pangnue wüi akax.”

JUHAN 6:68

Simon Pitar-e lan: “Jowanpa, kwom owa hato paoüi? Tsün khüzün koxkya kax nang ma tüipu;

WANGSHEMBU MWOT 11:13

Ibu tüinao hwom azokchu wüi ku füi tomle Kaisaria to paopu, ilaxle kwom pangwüi Kornelia hom to nguipu.