12 Otsao Chasae ku ang hwom füi tomle chem mongao chitüi le pao angkya akax.
Otsao Chasae Filip füi akax: “Ija man-kanlin hato alople hüikox ilaxle pyapyale ahamkox.”
Hwome Jisu Khrista to mongongkya tokhange Zange khünak chix füi mua amüi ang koxle. Zange ija Khrista to ongkya pangnusa hanpakma mokle, chemthüikoxle ikhama malili le chemchu müntüi!
Jowanpa hanpak athax changle le, Chasa makhange wüi changlax, kax makhange wüi changlax, kwom mün lünlaxle laiza ma wüi changlax, hünzom mong lele ma alox ang chikox angkya chichangba khosam chitüi angkya bama kwome hünzom ang thüipu.
Pitar-e ibu khünak hommong to sele dün ilaxle ija ja wünpom ang kox. Ofüi nyix chix achwon laxle hwom füi tomle pao; ilaxle Chopa angkya tüinao tuita anyi chix füi tomle laxlax tox.
Chixe kem hia hwom ba süile münthom; hwome ongkya khoma chixe hwom mong atsaole koxle.
Chopa tokya Pitar füi tomle nguile tüikya Jehudi nok mongong mixbue ija ngünlaxle, Zange mixnokbu angchu wüi chix hingho Otsao Chasa koxtüia le abüt.
Ile changkoxchu, Otsao Chasa nguikya zuma, otsingtsing pangnu hato chixe hünzom zun angkya changle. Chixe ma mongtex ma chiakaxüi, ikoxle chempang chixe atat puix, ijabu bama tamchu hüi angkya chempang tüipuix, ijabu bama chixe hünzom ang awan ang tomüi.
Ikoxle, hulax, chix ile khosam ma ngoponge, Jowanpa kaxtaimix tuitae wünmang chito chix füi ile akax: “Dawid sasün Jusep, nange Meri ma kakonu ang lax ang taxza; chemthüikoxle she ma nao a Otsao Chasa makhange nguidongkya changle.
Chasa hia Tuipa-e thüi: “oman!” Ija atatkya noknusae wüichu, thüi angkya changle, “Oman!” Oman, opangsa ang ti alan laxpuix; laxse tsukya pange wüi, ija khüzün ti, hingho ang pongle koplax.
Ozulole azua ngokya füima Pitar-e ajong üntoxle akax: “Kutüi kunaohom, hwomechu atatlaxle Jowanpa to naxong lax ang, mixnokbu hato Kaxho Müikya apuk ang kaiwüi hünzom kha angkya Zange ku zünle kopkya hünzome awan ngopu.
Ifüima Barnaba hia Sol nyie, Otsao Chasae tsankya ningle Silisia to ju ilaxle imakhange khua ma kale Saipras shuazo to ngui.
Hwome Jowanpa thothale üntoxle chisax chilingle Zang shwom üntoxle jople ngoponge, Otsao Chasae hwom füi akax: “Oja mwot hanpakmale kue hokhi nyak daopuix, ija mwot mok ang Barnaba hia Sol nyi süikox.”
Hanpak nyixta anyi füima mongong mixbu afoxkya hanpak tüikya, hwom pangnu mixhuak hota tsa tukux changkya, üntoxle Pitar akax ang ajong,
Ibu tüinao hwom azokchu wüi ku füi tomle Kaisaria to paopu, ilaxle kwom pangwüi Kornelia hom to nguipu.
Rom tingnu angkya khristan tüinaobue kwom nguikya zing atatlaxle Apias hatnu sütnui hia nazak nui azom tüikya kha kople kwom füi apong ang pong to za. Pol-e hwom ngünkya zuma Zang ang münchong fa ilaxle mongchong.