WANGSHEMBU MWOT 10:7 - OTSAO BAIBEL (BSI)

⁷ Ifüima chix füi akaxle ngokya kaxtaimix pao. Kornelia-e chix da anyi boma chix mwot-kat to hu ang huaksüi le thomkya khama zanglom tokya mix süpahi sün tuita, le se.

WANGSHEMBU MWOT 10:7 ပူးပေါင်းရင်းမြစ်များ

FILEMON 1:16

Ilaxle athax chix a dahai tuita tata le münchang ikoxle ija süthak le; chix a Khrista ma mongkün tüinao changle. Ku zongto chix tüle sukya changle! Ilaxle ija ningle chix nang zongtochu, tuita dahai le chichangle Jowanpa ma tüinao tuita ang achangle otukux suüihex!

KAXHO MÜIKYA LUK 3:14

Züizüi süpahibuechu chix ma atüi: “Kwom ang büle? Kwome a chempang mok angkya oli?” Chixe hwom ang thüi: “Zongzukle owawa angkya ngunsyen pale taxlax, chichangba mixkho taxhang. Hünzom ang fakya lyetngun füi mongtex shale ngolax.”

KAXFÜNPA-HWOM 7:10

“Ikoxlechu nange sing ang zale jangchang, nang dapa Purah füi tomle hwom pom to julax.

1 TIMOTHI 6:2

Da opang ang hopunu khristanbu changlaxpuix, hwome ma hopunubu wünahai le taxchang, chemthüikoxle hwom a tüinaohom changle. Itülüi, ibue mix sümüi le hwom thotha angkya changle, chemthüikoxle opange hwom mwot makhange lap koplaxpuix ibu a hwome mongkünkya mongong khünakbu changle. Nange ibu apua angkya tamchu anwot-ano angkya changle.

PONGWANG LAIPEX 24:52

Chemtue Abraham dapae ija kax atatpuix, chix hax to akhux ilaxle Jowanpa to shwom.

MATHI 2:13

Hwom pao füima Jowanpa Kaxtaimix tuitae Jusep füi wünmang chito akax: “Zolax, naosa hia honu nyi koplaxle Ijip chaxwan to paole azanglax. Kue nang füi tamchatle ma akax tanto ikhato ngolax; chemthüikoxle Herod-e naosa lang ang lom angkya changle.”

KAXHO MÜIKYA LUK 2:25

Iponge Simeon le amünkya mixpa tuita Jerusalem ma tüikya. Chix a müikya mix tuita, zangshwom ma zongkya üntoxle Israel khosün hanpakma tanle ngokya mix tuita changkya. Otsao Chasa chix ma tüikya.

WANGSHEMBU MWOT 10:6

Chix a tinu kax ma ngokya müikhwon singmix Simon hom ma mixwün tuita ang nguile tüile.”

WANGSHEMBU MWOT 10:8

Hwom hama chemle changpuix ibu wün ilaxle hwom Chopa to mwottsan le apao.