WANGSHEMBU MWOT 10:45 - OTSAO BAIBEL (BSI)

⁴⁵ Chopa tokya Pitar füi tomle nguile tüikya Jehudi nok mongong mixbue ija ngünlaxle, Zange mixnokbu angchu wüi chix hingho Otsao Chasa koxtüia le abüt.

WANGSHEMBU MWOT 10:45 ပူးပေါင်းရင်းမြစ်များ

WANGSHEMBU MWOT 10:23

Pitar-e ibu khünak hommong to sele dün ilaxle ija ja wünpom ang kox. Ofüi nyix chix achwon laxle hwom füi tomle pao; ilaxle Chopa angkya tüinao tuita anyi chix füi tomle laxlax tox.

WANGSHEMBU MWOT 2:38

Pitar-e hwom kax to lan: “Hünzome ochax thailak atak angkya kuxma, hünzom pangnusa wüi ma ochax tokya atsailax, ilaxle Jisu mün ma bapti lax; ikoxle chix hingho Otsao Chasa Zange hünzom ang koxüi.

EFISIA 2:11

Hünzom nuput tokhange wüi mixnokbu changpu, ilaxle Jehudi khünakbu opange hwom alüile khwonzüt zom kaidaokyabu le epuix (Chak füi hwom tsangtsa to mokle hwonkya) hwome hünzom ang khwonzüt zom ma chiwomkyabu le nyakle. Hünzome ami hünzom chem changkya dai Ija otuechu taxalak.

GALATIA 2:15

Changle, kem nuput ma wüi Jehudi khünakbu changle. “Mixnok ochax khünakbu”, le nyakkya ningkyabu münchang.

WANGSHEMBU MWOT 2:33

Chix a zang tsaxchi ma nwondaoa, ilaxle Hopae tsaodaokya ningle, Chix angkya Otsao Chasa kop; ilaxle hünzome athax atatkya hia ngünkya a kem ang ahanle koxkya chix hingho changle.

WANGSHEMBU MWOT 11:3

“Nang khwon chizütkya mixnok hom to mixwün ang nguipu le daihia üntoxle hwom füi tomle sax-lingpu le daihia!”

WANGSHEMBU MWOT 11:2

Pitar Jerusalem to chatkya zuma, mixnokbuechu khwon züt angkya olom changüi le texkyabu othome chix ajaole thüi:

ROM NOK HATO ZAKYA POL LAIZA 5:5

Ija monghome kem ang mong münatho, chemthüikoxle Zange chix hingho Otsao Chasa makhange chix mongkün kem kün-mong ma thokle koxdaoa.