WANGSHEMBU MWOT 10:43 - OTSAO BAIBEL (BSI)

⁴³ Chix mün ma tüikya zong makhange chix to ongkyabu ang ochax thailak faüi, le chix bama ajebu pangnue wüi akax.”

WANGSHEMBU MWOT 10:43 ပူးပေါင်းရင်းမြစ်များ

ZEKARIA 13:1

“Jowanpa Khüthak Zang-e thüi: ‘Chemtue hanpak nguile hüiüihex, Dawid sixli hia Jerusalem angkya khünaknu, hwom ochaxbu hia chapa shwomkyabu tokya atsao angkya hanpakma shuasa tuita fuakle lai angkya changle.

WANGSHEMBU MWOT 2:38

Pitar-e hwom kax to lan: “Hünzome ochax thailak atak angkya kuxma, hünzom pangnusa wüi ma ochax tokya atsailax, ilaxle Jisu mün ma bapti lax; ikoxle chix hingho Otsao Chasa Zange hünzom ang koxüi.

ISAIA 53:11

Khüzün sikngünle chang füima, chix ma chatle mongsom tüiüi; chixe chix a thabi-juaba to sikngünkya münchangle awanüi. Ku to mongkoxkya da, owa füi ku mongzom müipuix, chixe noknu sikngün hünlit hünüi ilaxle chix khokho ma kue hwom ang thailak tüiüi.

JEREMIA 31:34

Hwom opupuechu tomzi hama Jowanpa tsingle lax angkya wüile anwot-ano ngo angkya müntüi, chemthüikoxle hixkya makhange chongkya kople hwom pangnusae ku awanle changüi. Kue hwom ochaxbu alaküi ilaxle hwom thaikyabu mong ma münthomüi. Ku, Jowanpae ija akaxdaoa.”

ROM NOK HATO ZAKYA POL LAIZA 10:11

Otsao Lai kaxe ile thüile: “Chix to mongongkyabu ang mong athokya müntüi.”

1 PITAR 1:11

Ija otue tamchu chemle nguiüi hex le hanpak zanghan awan ang hwom tüle azong. Hwom ma tüikya Khrista chasae hwom hato küithole hile apua ngokya a: Khrista-e tületüle sikngün apong angkya ikoxchu ifüima tületüle fuazangle lai angkya hanpak changkya.

ROM NOK HATO ZAKYA POL LAIZA 5:1

Athax a mongong makhange kem Zang füi muamüikyae, Jowanpa Jisu Khrista makhange kem ang Zang füi mongsom tüile.

ROM NOK HATO ZAKYA POL LAIZA 8:1

Idaile athax a Khrista ma ngokyabu hanpakma thaile le thüi angkya müntüi.

JUHAN 5:24

“Otsingtsingma kue hünzom ang thüipu, Owae ku kax atat laxpuix, ilaxle ku tomle ajokya mix to onglaxpuix, chix ma oshuk chitüikya khüzün tüile. Chix bama kaxfün angkya müntüi, zik kaile toxlaxle azang angkya ha alopüna.

MALAKI 4:2

Ikoxlechu ku kax ma laxle tüikyabu hanpakma, zanghan dongkya ningle hünzom hato ku khosün dongüi ilaxle zanghan chasa lailaile kakmüi-lakcha ang tomüi. Hünzom a maihu kun kha angkya alaile dankya maihusa lailaile changüi.

ROM NOK HATO ZAKYA POL LAIZA 8:34

Jisu Khrista zikya changpu, ikoxle anaole zolaxle athax chix Zang tsaxchi ma thungle tüile. Chixe kem hanpakma Zang ma chingcha jule ngole. Ingale kem ma owawae oma huxfe ang tsuaküi lea?

WANGSHEMBU MWOT 26:22

Ikoxlechu anyix kople Zange ku to fongle wüi hüipu, ija khoma hixkya chongkya noknusa hama otsingtsing zangwün ang ku ikhama ajongpu, kue akaxkya zangwün a ajebu hia Mosa hwom akaxkya füikya kya wüi changpu.

WANGSHEMBU MWOT 26:18

Ku tokya mongong makhange hwome ochaxbu thailak ataküi ilaxle Zange zünle kopdaokya khünakbu khama hwom angchu süntswon tüi angkya hanpakma nange hwom ang mik daple kox angkya changle ilaxle zangnak tokya zangngai hato hwom ang mong alüix ang tom angkya changle, üntoxlechu bao zong tokya Zang tsakzong hato ahüi angkya changle.”

WANGSHEMBU MWOT 15:9

Chixe kem hia hwom ba süile münthom; hwome ongkya khoma chixe hwom mong atsaole koxle.

WANGSHEMBU MWOT 3:16

Ija mixsün ang aham angkya zong a chix mün ma koxkya changle. Hünzome chem ngün üntoxle chem awanlaxpuix, ija a chix mün to ongkya makhange tsuakkya changle; hünzom pangnu thüntho ma chix ile amüi ang tomkya Jisu to mongongkya makhange changle.

JUHAN 20:31

Ikoxchu Jisu a Khrista, Zang Hosa changpu le hünzome ong angkya hanpakma, tamchu ong laxle chix mün ma hünzome tsün khüzün atak angkya kuxma, ija kax zapu.

MARK 16:16

Owae ong laxle bapti laxüi hex, chixe khosünkya ataküi; ikoxle owae chiong laxüi hex, chixe thajao kopüi.

MIKA 7:18

O Jowanpa, nang lailaikya Zang mama owachu müntüi; atale tüikya nang khünaknu thaikyabu nange alak-hüi. Nang othuithuima mongtsik-mongmale taxngo, ikoxle kwom hato chizakkya mongkün ahokya ma nang ang mongmüi.

MIKNGÜN-OHÜN 19:10

Chix shwom ang ku chix chitong ma akhux, ikoxle chixe ku ang thüi: “Nange ile taxchang! Kuchu wüi hünzom füi tamchu hüntüi hünnaohom, opange Jisu-e angaikya otsingtsing ma shingmongle koplaxle tüipuix, hwom lailaikya da tuita changle. Zang shwomkox! “Chemthüikoxle Jisu-e angaikya otsingtsing a cheme ajebu mong ma zangwün puix ija changpu.”

GALATIA 3:22

Ikoxle Otsao Lai-e thüile: “Zangfang abakle ochax zonge womlaxle tüile; ikhoma Jisu Khrista tokya mongong ma tix koxüi hexo le tsaole thomkya hingho a opange onglaxpuix hwom angtix koxle.”

DANEL 9:24

“Anüt anütle othom anüt zanglao a Zang-e hünzom khünakbu hia otsao tingnu ochax hia chichang-chizangkya chak tokya danpan angkya Zang hanpak zanghan changpu. Thaikyabu pangwüi thailak tüiüi ilaxle oshuk chitüile sukya zingle dan, ikoxtix mikngün-ohün hia jekax otsingtsing ang achangle laiüi, ilaxle ija otsao Zangshwom-Hom a jople atsaoüi.

IBRI 13:20

Oshuk chitüikya Tsaotsüt shintopkya chix aji khoma owa Akhokya chun-nyetmix ang changpuix, ija kem Jowanpa Jisu, zidaokya Zange chatle azang ang tom.

KOLOSI 1:14

chix a kem dan-pankya mix, thüikoxle kem ochaxbu thailak koxkya mix changpu.

EFISIA 1:7

Chemthüikoxle Khrista zikya makhange tix kem dan-panpu, thüikoxle keme ochaxbu thailak atakpu.

ROM NOK HATO ZAKYA POL LAIZA 6:23

Chemthüikoxle ochax omün a zikya changle; ikoxle Zange amuale fakya hingho a Jowanpa Jisu Khrista füikya notom ma oshuk chitüikya tsün khüzün changle.

WANGSHEMBU MWOT 3:18

Kaipong ma wüi ajebu tokhange Messaiah-e sikngün apong angkya hexle Zange aje ang koxle thomdaoa; üntoxle chixe ile otsingtsing ma changle hüi ang kox.

JUHAN 1:45

Filip-e Nathanel atak ilaxle chix ang thüi: “Mosa-e wanlom laipex ma tamchu ajebue hwom laipexbu ma owa bama zale tüipuix, kwome chix ngündaoa. Chix a Nazareth angkya Jusep sasün Jisu changle.”

KAXHO MÜIKYA LUK 24:47

üntoxle Jerusalem makhange owang wang le chix mün ma ochax thailak atak angkya hia mongchat angkya kaxho pangnu jat-li hato apuk angkya changle, le zakya tüile.

ROM NOK HATO ZAKYA POL LAIZA 3:21

Ikoxle athax a Zange khünak chix füi muamüi angkya olom a ngaile ahodaoa, ilaxle ija ma wanlom füi saxmok angkya chemchu müntüi. Wanlom üntoxle ajebue ija to hwom kaxkhi fale changkox a le thüile!