WANGSHEMBU MWOT 10:38 - OTSAO BAIBEL (BSI)

³⁸ Hünzome, Nazareth nok Jisu bama, ilaxle Zange chix ang Otsao Chasa tamchu tsakzong koxkya bamachu awanle ngopu. Chix pangnu khato aham, üntoxle Zang chix füi tüikoxle khünaknu zongma müikya mwot chixe mok üntoxle haxshix zonge kople thomkyabu pangwüi chixe amüi.

WANGSHEMBU MWOT 10:38 ပူးပေါင်းရင်းမြစ်များ

KAXHO MÜIKYA LUK 4:18

“Jowanpa Chasa ku ma tüile; mütmix shunmix hato, Kaxho Müikya apüi ang chixe ku kam. Kople thomkya hato, dan angkya kax apuk angkya; Mikduakbu hato, ngün angkya kax apuk angkya; mix fang to ngokyabu ang, khangkho angai kox angkya;

WANGSHEMBU MWOT 2:22

“Israel khünaknu, kax ibu to apahüi! Zange Nazareth nok Jisu makhange mokle ahokya ohünotün hia khomtsikya mwotbu ilaxle mowanbu tokhange chix a Zange kamle kopkya mix tuita changkya le hünzom hato ahodaoa; hünzom malailaie ija awanle chemthüikoxle ibu a hünzom thüntho ma noke ngünle mokle hüikyabu changle.

ISAIA 11:2

Jowanpa Chasa makhange chix ang hwon-je koxüi, chix khünaknu to apün angkya hanpakma chix a awan-atsingkya koxüi. Chixe Jowanpa mongtex awanle laxüi ilaxle chix achuak-achenle changüi,

JUHAN 3:34

Owa Zange tsanle apaopuix, chixe Zang kaxbu akaxle, chemthüikoxle Zange chix ma ma Chasa okho anguile fale.

IBRI 1:9

Chem supuix ija to nange mongkün; chem chisupuix ija thua nang anu. Idaile Zang, nang Zange, nang zünle koppu; nang füikyabu ang koxkya süthak, nang ang mongsom hia chazakya fadaoa.”

MÜNCHUAK-TSAI 45:7

achangchang to nange mongkün ikoxle chichangchang thua nang anu. Ikhokhoma Zang, nang Jowan-e, nang kamle kop ilaxle mama-mama wanghombu thakto süchongchongkya mongmüi nang ang thokle kox.

JUHAN 3:2

Jata chix Jisu hato nguilaxle atüi: “Kwome nang a Nwotmix tuita ningle Zang tokhange hüipu le awanle; Zang womle chingo thüikoxle nange mokkya mwotlom owaechu münmok tho.”

MATHI 12:28

Ikoxle ku ang haxshix chasa jwon angkya tsakzong koxkya a Belzebul münchang ikoxle Zang Chasa changle. Athaxpi ija makhange Zang Wangting a hünzom hato nguile tüile le ahole.

KAXHO MÜIKYA LUK 3:22

Üntoxle otsangtsa füi osu ningle achang laxle Otsao Chasa chix ma ju. Üntoxle ding to ozing ile lai: “Nang a ku mongtex shakya Ku Sasün. Nang ma ku mongzom müipu.”

ISAIA 42:1

Jowanpae thüi: “Ku dapa ikhama tüile, kue tsak-zong koxkya mix a — kue kamle kopkya mix, owa füi ku mongmüile ngopuix. Kue chix ku Chasa füi awangIe koxle, ilaxle chixe pangnu nok ang wüi sukya kaxfün faüi.

JUHAN 10:32

Jisu-e hwom ang thüi: “Apae koxkya müikya mwotbu kue hünzom hama huanuma mokle ahodaoa; ijabu khama opupu mwot thaikya khoma hünzome ku to thup angkya?”

JUHAN 16:32

Hulax, hünzom a mahomhom to afa le paoüi ikoxle ku tata danle toxüi; iningkya hanpak nguile hüile. Ija hanpak a athax changle. Ikoxlechu ku a kutata le chichang; chemthüikoxle Apa a ku füi tüile.

MÜNCHUAK-TSAI 2:2

Hwom wanghombue alünle ajong, pünpa-chongwangbue Jowanpa zan to ka, chixe zünle thomkya wanghom zongto opüipüi mok.

1 JUHAN 3:8

Ochax mwot mokle ngokyabu a bao kux changle, chemthüikoxle baoe ami pongwang tokhange wüi ochax mokle hüipu. Bao-e mokdaokya mwot oli thule amüt ang, ija hanpakmale Zang Hosa ngaipu.

JUHAN 6:27

Male paoün angkya süt hanpakma mwot taxmok, ikoxle oshuk chitüikya tsün füi tomwüi ngo angkya süt hanpakma moklax. Ija süt a Khünak Hosae tix hünzom ang koxüi; chemthüikoxle Hopa Zange chix ma münwan shin tople fadaoa.”

MATHI 9:35

Ifüima Jisu a tingnu noksa pangnu khato ahamle, sinagokbu to hwon-anole, Zang Wangting bama kaxho apuk ilaxle kaklak jojüikyabu amüile aham.

2 PUKAX-PANGAO 17:9

Hwome Jowanpa Wanlom Laipex lax ilaxle khünaknu hama anwot-anole Judah nok tingnu pangkha towüi pao.

1 PITAR 5:8

Khünzai le ngolax, mik hingle ngolax! Hale ngokya mailang ningle bao, hünzom zongto zanpa, owawa joksele lomle khuafao ngole.

KAXHO MÜIKYA LUK 9:42

Naosa hüile ngoponge haxshixe chix haxkha to tswonle awütle tsünle azik. Jisu-e haxshix chasa ang kaxkox, naosa amüi, üntoxle hopa ang achatle kox.

MATHI 12:15

Otue Jisu-e chix zan to kale kat azuakya awanle lax, chix ikha angkya laile pao; ilaxle khünaknu othom chongkya chix füito azuile hüi ilaxle chixe kakmixbu komle amüi.

MÜNCHUAK-TSAI 2:6

Chixe thüi: “Zaion, ku otsao haxnu ma, kue ku wanghom thwomdaoa.”

MARK 6:6

Khünaknu ang mongong chitüikya ngünlaxle chix huanuma abüt.

KAXHO MÜIKYA LUK 9:56

Ifüima Jisu hia chix wangshembu mama nok to pao.

WANGSHEMBU MWOT 10:37

Juhan-e baptikya bama apukkya füima, Galili ma owang wanglaxle Israel haxtok pangnu khato chempang bama azingle wünle hüidaopuix ibuchu hünzome awan ngopu.

1 JUHAN 2:20

Ikoxlechu hünzom ma Khrista-e thokle koxkya Otsao Chasa tüipu, idaile hünzom pange wüi otsingtsing awanpu.

MATHI 9:19

Ijama Jisu ajong üntoxle chix wangshembu kop laxle ija mixsün füito pao.