WANGSHEMBU MWOT 10:36 - OTSAO BAIBEL (BSI)

³⁶ Khünak noknusa hopunu Jowanpa, Jisu Khrista makhange tumüi bama Kaxho Müikya apukle chixe Israel khünaknu hato fakya kaxho hünzome awanle ngopu.

WANGSHEMBU MWOT 10:36 ပူးပေါင်းရင်းမြစ်များ

MATHI 28:18

Hwom hato hüilaxle Jisu-e thüi: “Zangkangting hia chaxwannu pangnu thakma tsakzong komle ku ang koxdaoa.

WANGSHEMBU MWOT 2:36

“Israel khünaknu pangnu, Jisu owa hünzome pünsak ma takle lang laxpuix, chix a Zange Jowanpa tamchu Messaiah ang kamle kopkya mix changle le hünzome awanle kop angkya changle.”

MIKNGÜN-OHÜN 17:14

Hwome Chun Hosa füi azanüi, ikoxlechu Chun Hosae, chixe nyakle hia zünle kopkyabu tamchu mongong ma shingmongle chix füito azuikyabu füi notom laxle ibu to anaoüi, chemthüikoxle chix a hopunubu thakma Opupa üntoxle wanghombu thakma Chongwangpa changle.”

MIKNGÜN-OHÜN 1:18

Ozün ma tüikya a ku changle! Ku zidaokya ikoxlechu othuithui hanpak ang azangle tüile. Zik hia zikyabu chaxwan thakma apün-ada angkya zong ku ma tüile.

1 PITAR 3:22

Zangkangting to donglaxle Zang tsaxchi kao ma thung üntoxle owae kaxtaimixbu tamchu zangkangting tsakzong thakma apün-adale ngopuix, Khrista chix chatle azangle zokya tokhange ijae tsuakle.

1 KORIN 15:27

Chemthüikoxle Otsao Lai-e akaxle: “Zange pangnu li chix cha fangma thom.” Ikoxlechu “Pangnuli”, le thüikya kaxhuak ma Zang münwom, chemthüikoxle pangnuli Khrista fangma thomkya a chix changle.

MIKNGÜN-OHÜN 19:16

Chix nyiza hia chix weho ma mün ija zale tüikya: “Wanghombu thakma Chongwangpa hopunubu thakma Opupa.”

MIKNGÜN-OHÜN 1:5

üntoxle owa chithai toxkya kaxkhi, zikyabu khama pongwang ma zokya mix, üntoxle owa chaxwannu wanghombu thakma apünkya mix angchu changpuix, ija Jisu Khrista tokhange hünzom ang mongsom hia chingcha naxchang.

IBRI 13:20

Oshuk chitüikya Tsaotsüt shintopkya chix aji khoma owa Akhokya chun-nyetmix ang changpuix, ija kem Jowanpa Jisu, zidaokya Zange chatle azang ang tom.

FILIPI 2:11

Hopa Zang fuazang ma, Jisu Khrista a Jowanpa changpu le; ngaitho le apuk angkya changle.

1 KORIN 15:47

Pongwang angkya Adam a, hax makhange zingkya, haxwannu angkya; anyi lükya Adam a zangkangting tokya.

ROM NOK HATO ZAKYA POL LAIZA 14:9

Chemthüikoxle Khrista zilaxle chatle azangle zokya a ozün omang pangnu thakma Jowanpa ang achang angkya hanpakma changle.

WANGSHEMBU MWOT 13:46

Ikoxlechu Pol hia Barnaba nyie sisile mongchong laxle thüi: “Zang kax a pongwang ma hünzom hama akax kop angkya olom changpu. Ikoxlechu hünzome ija chilax, üntoxle oshuk chitüikya tsün hanpakma asukyabu to münchangle hünzome ma alüile ahaikoxle, kwome hünzom dantoxüi ilaxle mixnokbu hato paoüi.

WANGSHEMBU MWOT 13:32

Ilaxle kwom ikhato hünzom hato Kaxho Müikya apuk ang nguipu.

WANGSHEMBU MWOT 11:19

Stefen lang pongma zothupkya zuma mongong mixbu machiak-machiak to chiak. Hwom kha angkya züizüi Foinesia, Saipras, üntoxle Antiok alople, Jehudi khünakbu tata hama Jisu Khrista a Messaiah changpu le Kaxho Müikya apukle pao.

WANGSHEMBU MWOT 5:31

Israel khünak ang monglüi angkya hanpak kox üntoxle hwom ochaxbu thailak kox angkya bama, lompa hia khosünpa tuita ningle Zange chix ma tsaxchi ma, chix füi tomwüile nwonpu.

KAXHO MÜIKYA LUK 24:47

üntoxle Jerusalem makhange owang wang le chix mün ma ochax thailak atak angkya hia mongchat angkya kaxho pangnu jat-li hato apuk angkya changle, le zakya tüile.

MATHI 11:27

“Apae ku ang pangnu li wüi fadaoa. Hopa boma Hosa owaechu müntsing tamchu Hosa hia chixe angaile ahose le mongtsukyabu boma Hopa owaechu müntsing.

MATHI 10:6

Ikoxle Israel kako samle ngokya chunbu hato paokox.

MALAKI 3:1

Khüthak Jowanpae lan: “Ku hanpakma lomtang achwon ang kue ku mwot-tsan mix tomle ajoüi. Ifüima hünzome lomle ngokya Jowanpa allele chix Zangshwom-Hom ma nguiüi. Hünzome sungle ngokya mwot-tsan mix nguilaxle ku Tsaotsüt apuküi.”

MIKA 5:2

Jowanpae thüi: “Efrathah angkya Bethlehem, nang a Judah tinglongbu khama ahixkya tuita, ikoxlechu nang makhange kue Israel nok lompa tuita angaiüi. Chix putong hwom pukax a kaitokya hato chatle chatüi.”

HOSIA 1:7

Ikoxlechu Judah khünaknu hato kue mongkün ahoüi. Ku, Jowanpa, hwom Zang-e hwom khosünle kopüi, ikoxle ija kue ochax-ozan ma: chang-hi-pax, sanhap hia hapnu chichangba man hia mankho ma ngakya khünakbu, ibu füi tsuakle faüile münchang.”

ISAIA 57:19

Kue pangnusa ang mongsom koxpu, hoxkyabu tamchu tsailo tokyabu pangwüi to! Kue ku khünaknu kak amüiüi.

ISAIA 55:12

“Hünzome mongmüi-pwonlale Babilon dantoxüi; hünzom a tingnu angkya mongsom ma laile pao ang tomüi. Haxhua hia haxkhobu a tsaingaole akhongüi, ilaxle pünbue mongmüi to tsai ngaoüi.

ISAIA 9:6

Kem ang naosa tuita puxdaoa! Kem ang sasün tuita koxdaoa! Ilaxle chix a kem lompa ang changüi. Chix ang a: “Ohünotün Mongjang zukya” “Khüthak Zang”: “Oshuk chitüi Hopa”, “Tumüi Wanghompa”, le amünüi.

ISAIA 7:14

Jangchangba müihudaoa, Jowanpa chix jaoe hünzom ang mowan naxfafa: naocha tuita owa ma nao nguidongle chang üntoxle lüka naosa tuita puxlaxle ‘Immanuel’ le amünüi.

MÜNCHUAK-TSAI 72:7

Chix tsün ma otsao a tüle putsale naxchang, ilaxle ahak-aluakya lyetnue fale ngokya kople naxngokox.

MÜNCHUAK-TSAI 45:11

Nang sünmüi-johang to wanghompa ang mongzalokya tüiüi; chix a nang kakopa changle, nange chix kax ma lax angkya wüi.

MÜNCHUAK-TSAI 45:6

Zang-e nang ang fakya wangting oshuk chitüile ngoüi. Nange nang khünaknu thakma sule apün;

IBRI 1:2

ikoxle Ija hanpak oshuk ma chixe kem füi Hosa makhange zangwünkya changle, owa makhange Zange ding hia hax zingpuix, üntoxle oshukma pangnu li mantswon ang Zange owa kamle koplaxpuix, ija mixsün a chix changle.

KOLOSI 1:20

Ifüima Hosa makhange zangfang abakle chix hato chat ang tom angkya Zange mongzangwünle tsuak. Chix Hosa pünsak ma zikya tokhange Zange tumüi lomzing ilaxle ding hia hax ma tüikya pangnu li chix hato chat ang tom.

KAXHO MÜIKYA LUK 1:79

üntoxle omang zangkhung ma ngokyabu, zangnak to ngokyabu to nyan ang, mongsom lom to kem chikap zun ang.”

WANGSHEMBU MWOT 10:37

Juhan-e baptikya bama apukkya füima, Galili ma owang wanglaxle Israel haxtok pangnu khato chempang bama azingle wünle hüidaopuix ibuchu hünzome awan ngopu.

ROM NOK HATO ZAKYA POL LAIZA 5:1

Athax a mongong makhange kem Zang füi muamüikyae, Jowanpa Jisu Khrista makhange kem ang Zang füi mongsom tüile.