WANGSHEMBU MWOT 10:35 - OTSAO BAIBEL (BSI)

³⁵ Chix tüta jat-li wüi changkoxlax, chix chathua zale tüikya mix tamchu sukya mwot mokkya mix chix zongma sukya mixmix wüi changpu.

WANGSHEMBU MWOT 10:35 ပူးပေါင်းရင်းမြစ်များ

1 JUHAN 2:29

Khrista a otsao changpu le hünzome tsingpu; idaile chem supuix Ija mokkyabu a Zang susabu changpu le hünzome awan angkya changle.

WANGSHEMBU MWOT 10:2

Chix a zanglom tokya mixnok sün tuita changkya. Chix üntoxle chix homkha pangnue Zang shwom. Chixe Jehudi nok chitüi chinangkyabu to huanuma fong ilaxle tuthütthüt ma zangjople nui.

KOLOSI 3:11

Ikhoma mixnok hia Jehudi nok, khwonzüt zom twonkya hia chitwonkya, chemchu chitsuak chimankya nok, dinghüt khosom ngokya nok, dabu tamchu dan-pan thomkyabu le süipaikya chemchu müntüi, ikoxle Khrista pangnu, pangnu ma Khrista.

WANGSHEMBU MWOT 15:9

Chixe kem hia hwom ba süile münthom; hwome ongkya khoma chixe hwom mong atsaole koxle.

2 KORIN 7:1

Ku mongkün zuikhuibu, kaxtsao ibu pangnu kem hanpak ang zingkya changle. Idaile, tsangtsa chichangba chasa ma tsao ang chikoxkya oli pangnu tokhange malualua to atsai le ngolax, ilaxle Zang thuazale ozün ma ngokya tokhange kem komkaile otsao ang achangle ngohax.

HWON-NWOT-JAONO 12:13

Ibu pangnu füima, zangwün angkya oli tuita wüi: Zang chathua zalax, ilaxle chix kaxtombu kax ma laxle tüilax, chemthüikoxle kem a ija hanpakmale zingle alaikya changle.

WANWÜNKAX 16:6

Kax ma laxle tamchu mongong-chalomle tüile, jangchangba Zang-e nang ochax thailak tüiüi. Jowanpa kax ma laxle tüilax, chichang-chizangkya nang füi chemchu münapong.

WANWÜNKAX 1:7

Jetüi-hwonlangle chang angkya hanpakma nang owangpa ma Jowanpa thua zakop angkya changpu. Angabue je-hwon chathua zale münchang ilaxle tsing-wanle münchangpu le angamle.

KOLOSI 1:6

Pongwang ole atatkya nyix ijae hünzom mong alüixkya üntoxle Zang chingcha chongkya tsingle lax ang fakya lailaile, hünzom hato hüikya Kaxho Müikya tuitata wüi khünaknu tsün lüile koxle chaxwannu faole aham ngole.

WANGSHEMBU MWOT 9:31

Ile Jehudi üntoxle Galili tamchu Samaria tokya müimüithombue sikngün apongkya zakle tumüikya hanpak atak. Jowanpa chathua zakya hia Otsao Chasa mongsom ma ngokya füi, hwom khünak huak tsale hüi.

MÜNCHUAK-TSAI 111:10

Jepa tuita ang achang angkya olom a Jowanpa chathua za angkya changle; chix kaxtombu kax ma laxle tüikyabu ang chixe tsaothakya kaxfün fale. Chix a othuithuima achuak angkya wüi changle.

MÜNCHUAK-TSAI 85:9

Chix chathua zale tüikyabu ang tütakoxlechu khosün kox angkya chix achwonle ngole, ilaxle chix khosün tsak-zong a kem haxtok ma ngoüi.

EFISIA 5:21

Jisu Khrista chathua zakya khoma hünzom tata tong to puinai le tüilax.

EFISIA 1:6

Chix chingcha fuazang, chix mongkün Hosa ma kem ang amuamua le koxkya chix hingho, ibu hanpakma keme Zang achuak hax!

GALATIA 3:28

Idaile Jehudi hia mixnokbu bama da hia panle thomkyabu bama, lüka hia sheko bama le süichapkya chemchu müntüi, Khrista füikya notom ma hünzom pangnu tuita.

1 KORIN 12:13

Ija lailaile, kem pangnusa, Jehudi nok wüi changlax chichangba mixnok wüi changlax, tuita Chasa makhange tompo tuita ma bapti laxkyakya wüi changpu; ilaxle kem pangnusa ang wüi tuita Chasa ti ling ang koxle.

ROM NOK HATO ZAKYA POL LAIZA 3:22

Hwome Jisu Khrista to mongongkya tokhange Zange khünak chix füi mua amüi ang koxle. Zange ija Khrista to ongkya pangnusa hanpakma mokle, chemthüikoxle ikhama malili le chemchu müntüi!

ROM NOK HATO ZAKYA POL LAIZA 2:13

Idaile wanlom na ma atatkyae Zang thüntho ma khünak otsao ang achangüile münchang, ikoxle wanlom ma tüikya ningle mokkya mix tix sukya ang achangüi.

KAXHO MÜIKYA LUK 1:28

Ija kaxtaimix she hato ngui ilaxle thüi: “Nang ma mongsom tüihüi! Jowanpa a nang füi tüile ilaxle chixe nang to huanuma mohimandaoa!”

HOSIA 8:13

Hwome ku ang töbu koxle ilaxle ikha angkya omüi saxle. Ikoxle, Jowanpa, ku ang hwom füi mong münmüi. Athaxpi kue hwom ochax texle ataküi ilaxle ija khoma hwom ang sikngün faüi; kue hwom Ijip nok to chat ang tomüi!

WANWÜNKAX 3:7

Nang zongzong ma nang a jepa tuitale taxajang; ikoxle tangthole Jowanpa kax ma laxle tüilax ilaxle thaikya mwot taxmok.

WANWÜNKAX 2:5

Nange ile jangmok thüiba, Jowanpa thua zapu tamchu Zang tsing-wanpule chem ang nyakpuix ija awanle laxüi.

JOB LAIPEX 28:28

Zang-e khünaknu ang thüi: “Jetüi angkya hanpakma Zang thua za angkya changle. Tsing-wan angkya hanpakma ochax hato tok aho angkya changle.”

FILIPI 3:3

Otsingtsing khwonzüt zom kopdaokyabu a hwom münchang ikoxle kwom changle, chemthüikoxle kwome Zang, chix chasa makhange shwomle ilaxle kwom khüzün tsün Khrista füi notom tüikya bama kwom ang mongmüi le. Kwome otok zom chemtochu münong.

MÜNCHUAK-TSAI 19:9

Jowanpa chathua zale tüikya a amüikya changle; ija a tamchithwonle jento ngole. Jowanpa kaxfünbu a sukya changle; ibu a othuithuima mapai-mix-chizünkya kaxfün changle.

WANGSHEMBU MWOT 10:28

Chixe hwom ang thüi: “Jehudi khünak tuita a mixnok hom to nop-le angkya hia saxmok angkya wanlom ma müntüile hünzome mamüile tsingle ngopu. Ikoxlechu Zange ku hama khünak opupuchu chitsaokya chichangba oma ang taxlax le ahodaoa.

ROM NOK HATO ZAKYA POL LAIZA 2:14

Mixnokbu ang Mosa wanlom müntüi; ikoxlechu hwome ma tutex makhange wanlom ma tüikya ningle jangmok thüiba, Mosa wanlom chitüikoxlechu ibu hwom hanpakma wanlom changle.