WANGSHEMBU MWOT 10:2 - OTSAO BAIBEL (BSI)

² Chix a zanglom tokya mixnok sün tuita changkya. Chix üntoxle chix homkha pangnue Zang shwom. Chixe Jehudi nok chitüi chinangkyabu to huanuma fong ilaxle tuthütthüt ma zangjople nui.

WANGSHEMBU MWOT 10:2 ပူးပေါင်းရင်းမြစ်များ

WANGSHEMBU MWOT 10:4

Chix a Zang kaxtaimix thua za ang süt ilaxle thüi: “Alixachong, Ija a chempang?” Kaxtaimixe lan: “Zange nang zangjop atatdaoa üntoxle nang mwot müikya ngünle laxdaoa, ilaxle ibu khoma nang füi Jowanpa ang mongmüikya tüile.

WANGSHEMBU MWOT 10:22

Hwome lan: “Kwom a lompa Kornelia mwottsan to hüikya changpu; chix a tuita müikya khünak changle tamchu Zang shwomkya mix changle ilaxlechu Jehudi nok pange wüi chathua zale e-sekya mix changle. Nange akax angkya oli tsai-kax apale kop angkya hanpakma chix hom to nang se angkya Zang kaxtaimix tuitae chix füi akaxdaoa.”

WANGSHEMBU MWOT 13:16

Pol ajong, chixe chak aja le akax ang owang wang: “Ibibi kem Israel khünaknu üntoxle mixnokbuchu wüi womle, ikhama Zang shwom ang asoxle ngokya pangnu; ku kax apahüi!

WANGSHEMBU MWOT 10:35

Chix tüta jat-li wüi changkoxlax, chix chathua zale tüikya mix tamchu sukya mwot mokkya mix chix zongma sukya mixmix wüi changpu.

WANGSHEMBU MWOT 10:7

Ifüima chix füi akaxle ngokya kaxtaimix pao. Kornelia-e chix da anyi boma chix mwot-kat to hu ang huaksüi le thomkya khama zanglom tokya mix süpahi sün tuita, le se.

WANGSHEMBU MWOT 8:2

Züizüi zanglom to mongkoxkyabue akhongle sopngale Stefen mangtsa ilaxle akhün.

MIKNGÜN-OHÜN 15:4

Jowanpa, nang thua chiza tamchu, fuazang chiachuak le owa tüi? Otsao nang tata wüi. Pangting jahax nguilaxle, nang tong shwomüi; sukya nang chak-mwot, pangnusae ngün ang kopkoxle.”

WANGSHEMBU MWOT 18:8

Sinagok ma alixachong sün Krispa üntoxle hwom homkha pangnue wüi Jowanpa to ong; ilaxle Korin angkya khünaknue Pol kaxho apa, ija to mongong ilaxle hwom bapti.

WANGSHEMBU MWOT 13:26

“Kutüi kunaohom, Abraham susabu tamchu ikhama Zang shwomle ngokya mixnokbu; khosün angkya kaxho Ija a kem hato apüikya changle!

KAXHO MÜIKYA LUK 2:25

Iponge Simeon le amünkya mixpa tuita Jerusalem ma tüikya. Chix a müikya mix tuita, zangshwom ma zongkya üntoxle Israel khosün hanpakma tanle ngokya mix tuita changkya. Otsao Chasa chix ma tüikya.

DANEL 6:16

Ikhoma wanghompa-e Danel a mailange awangle tüikya tswon khato tswonle awüt angkya kax kox. Chixe Danel ang thüi: “Nange owa to mongpak fünthole koxle shwomle ngopuix, ija nang Zang-e nang khosünle naxchangfa.”

JAKOP 1:5

Ikoxle hünzom khama owawa je-hwon ma okho chinguikya mix jangtüi thüiba, chixe Zang ma ju ang laxkox; chemthüikoxle thaikya lomle chingo homle mongtsukya füi koxkya Zange ija chix ang faüi.

1 THESALONIKA 5:17

othuithuima zangjopkox,

KOLOSI 4:2

Othuithuima zangjop ma shingmongle ngolax, ilaxle hünzome zangjopkya zuma münchong fakya füi mik-hingle ngolax.

WANGSHEMBU MWOT 22:12

“Damaska ma tüikya Jehudi nokbue achuak achenle twonkya kwom Wanlom tokya otsao khünak tuita Anania le amünkya mixsün tüikya.

WANGSHEMBU MWOT 13:50

Ikoxlechu Jehudi khünakbue tingnu ma achong abongbu ilaxle mixnok cha saxpu luawangbu kako tokya opange Zang to shwompuix, ibu to chüile ama. Hwome Pol hia Barnaba nyi to zothup ang süt, ilaxle hwom wankam angkya zuale apao.

WANGSHEMBU MWOT 10:31

üntoxle chixe thüi: ‘Kornelia, Zange nang zangjop atatdaoa, ilaxle nang chingcha mwotchu ngünle laxdaoa.

WANGSHEMBU MWOT 9:36

Chopa ma Tabitha le amünkya mixcha tuita tüikya, she a mongong mixcha tuita changkya. (Grik kax ma she ang Dorka le amün, thüikoxle müikhi le amün). She e ma hanpak pangnu müikya mwot mok ang tamchu chitüi chinang mix to fong ang ashix.

WANGSHEMBU MWOT 9:31

Ile Jehudi üntoxle Galili tamchu Samaria tokya müimüithombue sikngün apongkya zakle tumüikya hanpak atak. Jowanpa chathua zakya hia Otsao Chasa mongsom ma ngokya füi, hwom khünak huak tsale hüi.

WANGSHEMBU MWOT 9:11

Jowanpa-e chix ang thüi: “Achwonlax ilaxle lomnu tangthokya ma lekox, ilaxle Juda hom ma Tarsas tokya nguikya Sol ojonghex le atüikox. Chixe zangjople ngole,

KAXHO MÜIKYA LUK 18:1

Mong chihix le othuithuima zangjop angkya changle le chix wangshembu hama apua ang Jisu-e ija kaxpan tuita akax.

DANEL 6:26

Ku wangting angkya khünak noknusae Danel-e shwomkya Zang chathua zale chang angkya kaxtom koxpu. “Chix a ozün ma tüikya Zang changle, ilaxle chixe jento apün-awangle ngo angkya changle. Chix wangting a chemtuechu münamütüi, ilaxle chix tsak-zong ma oshuk müntüitoxüi.

DANEL 6:20

Chemtue chixe ijakha aloppuix, chixe künsum-mongtui le nyak: “Ozün ma tüikya Zang dapa, Danel! Mailangbu chak tokya nang, nange mongbakle koxle shwomle ngokya Zang-e nang khosünle tüilaxma?”

DANEL 6:10

Chemtue Danel-e ija kaxtom laiza to wanghompa-e sohi shingle changdaoa le awan ang koppuix, chix hom to chat. Chix hom homdingkho angkya nui ma Jerusalem chito thale thangmikbu tüikya. Ikhato chixe mokzaikya ningle, thangmik ibu daple koplaxle chixe hanpak to othom azom pong ma chikux thongle Zang to zangjop.

ISAIA 59:19

Handün hia hannop pangnu chitokhange noknusae chix hia chix tsak-zong bama atat ang kopüi. Chix a tichap ningle tamchu zongkya zangchei tuita ningle nguiüi.

HWON-NWOT-JAONO 7:18

Pangnyi ma wüi hapkaile taxchang. Nang ma Zang chathua zale jangtüi, ojongtochu nange tsuakkya tüiüi.

MÜNCHUAK-TSAI 119:2

Opange hwom kün-hi-mong makhange abakle chix kax ma laxle chix kaxtombu tole tüipuix, hwom a mohiman.

MÜNCHUAK-TSAI 102:15

Jat-libue Jowanpa thuazale changüi; chaxwannu angkya wanghombu pangnue chix tsak-zong thua zaüi.

MÜNCHUAK-TSAI 88:1

Jowan Zang, ku khosünpa, han ahomle ku soppu, ilaxle awünningle ku nang hato hüipu.

MÜNCHUAK-TSAI 86:3

Nang a ku Zang, idaile ku to chingcha tüihüi; han ahomle kue nang to jop-topu.

MÜNCHUAK-TSAI 55:17

Swome, tungtoe, üntoxle zangnake ku kaxthup-ngaotün hia awaokya chix hato dongle, ilaxle chixe ku kaxzing atatlaxüi.

MÜNCHUAK-TSAI 41:1

Mixshix zasabu tuitexle tüikya a mongmüi mix changpu; chemtue thangnak tuitaile changüihex Jowanpa hwom to fongüi.

MÜNCHUAK-TSAI 25:5

Nang otsingtsing lom ma ku ngo angkya anwot-ano fahüi, chemthüikoxle nang a ku khosünle fakya ku Zang changpu. Jento kue nang to mongongpu.

JOB LAIPEX 1:5

Ile fongkhat füinop chithaile, swomsae kaile zolaxle Job-e sasün hwom pangwüi atsao angkya hanpakma, hwom mixhuak-mixhuak hanpakma tö kox. Hwom khama opupue thüichu chitex-chile le Jowanpa tha-ajaole ochax lyenle changdaotüi angpuix le mongao laxle chixe iningle mok.

JOB LAIPEX 1:1

Jople amünkya mixsün tuita tüikya; chix a Uz nok ma ngokya mixsün tuita. Chixe Zang to shwom ilaxle chix to mongong thom. Chix a müikya khünak tuita changkya. Tütali to thaithaxle chibang angkya hanpakma chix tüle khünzai.

2 PUKAX-PANGAO 6:33

chix zangjop to lankox. Nang ngokya zangkangting tokhange chix kax to lankox ilaxle chixe mok-hüile thüikya mokle laxkox, ikoxle tix nang khünaknu Israel nok ningle chaxwannu khünaknu pangnusae nang tsingüi ilaxle nang kax ma laxle tüiüi, Ifüima hwome, ija kue zaile alaikya Zangshwom-Hom a nang shwomnui changpule awanle laxüi.

1 WANGHOMBU 8:43

chix zangjop to lankox. Nang ngokya zangkangting tokhange chix kax to lankox ilaxle chixe mok-hüile thüikya mokle laxkox, ikoxle tix nang khünaknu Israel nok ningle chaxwannu khünaknu pangnusae nang tsingüi ilaxle nang kax ma laxle tüiüi, Ifüima hwome, ija kue zaile alaikya Zangshwom-Hom a nang shwomnui changpule awanle laxüi.

JIHUSUA 24:15

Hünzome chix thothase le chitsu, hünzome opupu thothaüihex, ija anyix wüi wünle tsuaklax; hünzom pupa hwome Mesopotamia nok to shwomle hüikya baozangbu to shwomüi hia chichangba athax kem ngole tüikya Amor noke shwomkya baozangbu to shomüi. Kwom homkha tamchu ku, kwome a Jowanpa thotha lüwüi ngoüi.”

PONGWANG LAIPEX 18:19

Ku kax ma laxle tüi angkya tamchu changkya hia sukya mwot mok angkya bama su-sa hwom to zünsaile changtsuak angkya hanpakmale kue chix zünle koppu. Hwome ile jangmok thüiningle kue tsaosaxdaokya pangwüi chix ang mokle koxüi.”

WANGSHEMBU MWOT 2:5

Zanglom to khünkhikyabu, chaxwannu pangnu haxtok tokya nguikya Jehudi khünakbu Jerusalem ma athongle tüikya.

WANGSHEMBU MWOT 11:14

Chixe kwom hama chix hom ma kaxtaimix ajongle ngünkya wün, owae chix ang thüi: ‘Simon Pitar le amünkya mixsün se ang Chopa to owawa tsanle akatlax.’

MATHI 25:17

Ija ningle hajat anyi kopkya mixsünechu wüi hajat anyi onüi alai.