WANGSHEMBU MWOT 10:19 - OTSAO BAIBEL (BSI)

¹⁹ Athaxchu Pitar-e mikngün ohün bama awan ang azong ngoponge Otsao Chasae thüi: “Apalax! Mixsün azome nang lomle ikhama tüile.

WANGSHEMBU MWOT 10:19 ပူးပေါင်းရင်းမြစ်များ

WANGSHEMBU MWOT 8:29

Otsao Chasae Filip füi akax: “Ija man-kanlin hato alople hüikox ilaxle pyapyale ahamkox.”

WANGSHEMBU MWOT 21:4

Ikhato kwom thoma mongong mixbu züita bang. Hatdang tuita ibu füi nuile tox. Otsao Chasa zong makhange hwome Pol ang Jerusalem to taxka le akax.

WANGSHEMBU MWOT 13:2

Hwome Jowanpa thothale üntoxle chisax chilingle Zang shwom üntoxle jople ngoponge, Otsao Chasae hwom füi akax: “Oja mwot hanpakmale kue hokhi nyak daopuix, ija mwot mok ang Barnaba hia Sol nyi süikox.”

WANGSHEMBU MWOT 11:12

Otsao Chasae ku ang hwom füi tomle chem mongao chitüi le pao angkya akax.

1 TIMOTHI 4:1

Athax füichi ma züizüi khünakbue mongong danle tox angkya kax Chasae tsaotha le akax; “ibue atsekya chasabu kax ma laxüi ilaxle haxshix hwon-nwot lom ma leüi.”

1 KORIN 12:11

Ibu pangnusa Chasa tuitata makhange wüi mokkya changpu. Chix küntsu monglua ma chixe mixhuak ang mahinghoho koxle.

JUHAN 16:13

Ile changkoxchu, Otsao Chasa nguikya zuma, otsingtsing pangnu hato chixe hünzom zun angkya changle. Chixe ma mongtex ma chiakaxüi, ikoxle chempang chixe atat puix, ijabu bama tamchu hüi angkya chempang tüipuix, ijabu bama chixe hünzom ang awan ang tomüi.

WANGSHEMBU MWOT 10:3

Nyixta tsomfüi azom baji shen changkya, Chixe mikngün ohün tuita ngün. Ijama chixe Zang kaxtaimix nguikya atsingsho le ngün ilaxle chixe mün lünle nyak: “Kornelia.”

WANGSHEMBU MWOT 10:18

Hwome nyak ilaxle atüi: “Ikhama Simon Pitar le amünkya mixwün tütüicha?”

WANGSHEMBU MWOT 15:7

Ozulole azua ngokya füima Pitar-e ajong üntoxle akax: “Kutüi kunaohom, hwomechu atatlaxle Jowanpa to naxong lax ang, mixnokbu hato Kaxho Müikya apuk ang kaiwüi hünzom kha angkya Zange ku zünle kopkya hünzome awan ngopu.