WANGSHEMBU MWOT 10:15 - OTSAO BAIBEL (BSI)

¹⁵ Ija kaxzinge anaolechu wüi chix füi akax: “Zange sax angkya oli changpu le thüikya tütalichu chisax chilingli ang taxachang.”

WANGSHEMBU MWOT 10:15 ပူးပေါင်းရင်းမြစ်များ

1 KORIN 10:25

Ma mongto aokya tokhange kax atwonle chingo homle hat ma hangkya müi saxkox.

MATHI 15:11

Wikha makhange dongkyae chichangle khünak tuita a ija makhange laikyae tix chitsaokya ang achangle.”

TITA 1:15

Ma alüile tsaole ngokyabu zong to pangnu wüi otsao; ikoxlechu mongong chitüikya hia achax le ngokyabu zong to tsaokya chemchu müntüi, chemthüikoxle hwom khangka hia tutex tsaotha le chitüi.

MARK 7:19

chemthüikoxle ija a chix mongtsang to münwang; ikoxle shin wok to nguilaxle tsangtsa angkya laile paoünüi.” Ija Jisu zangwün makhange sütli lingli pangwüi saxling ang tsuaküile thüile.

ROM NOK HATO ZAKYA POL LAIZA 14:14

Jowanpa Jisu füi ku motomkyae, chix popo ma chitsaokya oli chemchu müntüile kue lituta awan ang kople; ikoxle khünak tuita tütali tochu müntsaole mong ma jangong dao thüiba ija jali chix hanpakma chitsaokya ang achangle.

WANGSHEMBU MWOT 10:28

Chixe hwom ang thüi: “Jehudi khünak tuita a mixnok hom to nop-le angkya hia saxmok angkya wanlom ma müntüile hünzome mamüile tsingle ngopu. Ikoxlechu Zange ku hama khünak opupuchu chitsaokya chichangba oma ang taxlax le ahodaoa.

WANGSHEMBU MWOT 11:9

Ding tokya kaxzinge anaolechu akax, ‘Zange atsaole thüikya füima tütalichu chitsaokya ang taxlax.’

ROM NOK HATO ZAKYA POL LAIZA 14:20

Süt khoma hexle Zange tsuakle thomdaokya oli taxama. Sütli pangwüi sax ang tsuak, ikoxle owawa ochax to adütkyali saxlingkya a thaipu.

WANGSHEMBU MWOT 15:20

Itülüi, chapabu ang tö koxkya chitsaokya süt taxsax; chinunchakkaikya füi atsaile ngolax; aji chiajen homle langkya müi hia aji chemchu taxsaxle apuale hwom hato lai wüi zahax.

WANGSHEMBU MWOT 15:9

Chixe kem hia hwom ba süile münthom; hwome ongkya khoma chixe hwom mong atsaole koxle.

WANGSHEMBU MWOT 15:29

Chapabu ang tö koxdaokya süt taxsax; aji taxsax; aji chiajen homle langkya müi taxsax; üntoxle chinunchakkai mwot füi atsaile ngolax; ile ibu chimok homle nang jangngo thüiba nang wan müiüi. Salam.”

MIKNGÜN-OHÜN 14:20

Tingnu pantua tokya grep fyetnui ma zuziakbu fyet, ilaxle ija grep fyetnui ma aji tichen lai. Ija aji tichen sok azok tukux zu ilaxle kilomitar ho-azom jenle pao.

WANGSHEMBU MWOT 10:16

Ile othom azom ma chang; ifüima ija jali zangkangting to chatle dün.