WANGSHEMBU MWOT 1:9 - OTSAO BAIBEL (BSI)

⁹ Ija kax ashuk füima hwome hule ngongale chix a zangkangting to dong ang kox, üntoxle hwom miksho angkya chix zangfwome khungle kop.

WANGSHEMBU MWOT 1:9 ပူးပေါင်းရင်းမြစ်များ

DANEL 7:13

Zangnak ma kue ija wünmang ngünle ngopongma, kue khünak ningkya tuita ngün. Chix a kuchi to hüile ngokya. Chix a zangfwome akankhople tüikya, ilaxle chix a jento ozün ma ngole tüikya hato hüi ilaxle ija ku ang kox.

MARK 16:19

Hwom füi ile akax füima, Jowanpa Jisu zangkangting to dün, ilaxle Jowanpa tsaxchi ma athung.

WANGSHEMBU MWOT 1:2

Chix dünüi thoma, Otsao Chasa tsakzong makhange chixe ma wangshem ang zünle kopkyabu ang sütlom mwotlom apua.

LAIPAO 19:9

Jowanpae Mosa ang thüi: “Ku hünzom hato tüle shixkya zangfwom ma nguiüi; ile kue nang füi zangwünkya khünaknue atatle laxüi üntoxle imakhange hwome nang to mongongkya tüiüi.” Mosa-e khünaknu kaxlan Jowanpa hama apua.

MIKNGÜN-OHÜN 11:12

Ifüima zangkangting tokhange akhongle hokhi füi akaxkya ozing ija aje nyie atat. Ija kaxzing a: “Ikhato oman!” Okhi zongto zan ang ngokyabue hule ngopongma wüi, hokhi zangfwom ma zangkangting to dong.

JUHAN 6:62

Jangchangba Khünak Hosa amipongkya chix ngwotnui to chatkya ngünkoxle hünzome chemle thüiüi?

KAXHO MÜIKYA LUK 21:27

Iponge Khünak Hosa zangfwom ma tsakzong hia fuazangkya füi ngamle jukya hwome ngünüi.

ISAIA 19:1

Ija a Ijip nok ba angkya kaxho changle. Hulax, Jowanpa a akhangle zikkya zangfwom khoma ngalaxle Ijip nok to nguingole. Chix tunthoma Ijip nok chapabu hia Ijip khünakbu mong münchong tsuak.

MÜNCHUAK-TSAI 68:18

Atsuakya khato chix dong, chix füi tomle zandabu koplaxle; alün-aloxle tüikya khünakbu chak tokya chixe hinghobu pongle lax. Jowanpa Zang a ikhato othuithuima ngoüi.

MIKNGÜN-OHÜN 14:4

Hwom a chinunchakkai chemchu chitüi le shekobu füi atsaile ngokya tsaothakyabu changle. Chix alele chito lele hwome Chun Hosa man to. Hwom a khünaknüsa kha angkya shakle kopkyabu changle. Hwom a Zang üntoxle Chun Hosa ang pongwang ole kox angkya thom changle.

MIKNGÜN-OHÜN 1:7

Hulax, chix zangfwom ma nguile ngole! Noknusae chix ngünüi; Chix to pax füi tsunkyabuechu; Chaxwannu angkya khünak nok wüi, chix bama sopkya tüiüi. Ija ile changüi jao! Amen.

LAIPAO 34:5

Jowanpa zangfwom ma ju ilaxle chix füi tomle ikhama ajong. Jowanpae chix otsao mün lün.

WANGSHEMBU MWOT 1:11

üntoxle thüi: “Galili tokya khünakbu, hünzome dingchi to hulaxle büthüikoxle ajong ngopu? Ija Jisu owa hünzom kha angkya zangkangting to dünpuix, hünzome chix zangkangting to dongüi chemle ngünpuix ilailaile chix chat angkya changle.”

1 THESALONIKA 4:17

ifüima zangwin ma Jowanpa füi apong ang ozün ma ngokyabu hwom füi tomle zangfwom ma dünüi. Ifüima a kem othuithuima Jowanpa füi ngoüi.

1 TIMOTHI 3:16

Kem zanglom otukux chongkya huxsa tuita hex, owaechu münchangle thüi ang münthoüi: “Chix khünak sündün ma angai, Chasae changle le aho; kaxtaimixbue ngün. Chaxwannu pangnu khato chix apuk-apua; zangfang pangkhato wüi chix to ong, ilaxle chix zangkangting to dün.”