WANGSHEMBU MWOT 1:3 - OTSAO BAIBEL (BSI)

³ Chix ozün ma tüile le mongaokya chitüi tang chix zi füima nyix punyi bama obi thomthom ma hexle hwom hato ngai. Hwome chix ngün, ilaxle chixe hwom füi Zang Wangting bama zangwün.

WANGSHEMBU MWOT 1:3 ပူးပေါင်းရင်းမြစ်များ

WANGSHEMBU MWOT 13:31

üntoxle Galili makhange Jerusalem alople ami pongma chix füi ahamle ngokyabu hama obi thomthom ma hexle ngaile chix sün aho. Athax hwom a khünaknu hato kaxkhi ang achangle tüile.

JUHAN 20:26

Nyix achyet füima, chix wangshembu a hom mongto ngokya; ikhama Thomachu wüi tüikya. Hwom a kahak laxle ngokya. Jisu nguile osung wama ajong laxle thüi: “Hünzom füi mongsom maxtüi.”

1 JUHAN 1:1

Owang tokhange wüi tüikya khüzün kax bama kwome hünzom hato zale ngo. Kwome ija atatpu, üntoxle kwome ija kwom mik füi ngünpu; changle, kwome ija ngündaoa, üntoxle kwom chak füi Ija to twondaoa.

JUHAN 21:14

Jisu zidaokya anaole zokya füima wangshembu hato laile ahokya ija a othom azom lükya.

JUHAN 21:1

Ija füima Tiberia Shinthuk-titung ma Jisu-e anaolechu wangshembu hato chix ngaile aho; ija a ile chang:

MATHI 28:9

Allele Jisu hwom füi apong üntoxle thüi: “Hünzom füi mongsom naxtüi!” Hwom chix hato hüi ilaxle chix cha to twonle chix shwom.

WANGSHEMBU MWOT 28:31

Ile mongchong laxle tamchu owaechu chipoxle, chixe Zang Wangting bama hwon-ano üntoxle Jowanpa Jisu Khrista bama apua.

1 THESALONIKA 2:12

Zang owae chix wangting hia fuazang süntswon ma hak ang hünzom nyakpuix, chix mong amüi angkya olom ma hünzom tsün ngo angkya bama kwome hünzom ang zong adünpu, mong asompu ilaxle tsyale ngopu.

KOLOSI 1:13

Chix owae kem zangnak tsakzong chak tokya sünle kop ilaxle chix mongkün Hosa wangting to khosün laxle apüipuix;

ROM NOK HATO ZAKYA POL LAIZA 14:17

Chemthüikoxle Zang Wangting le osüt oling ang nyakkya münchang, ikoxle Otsao Chasae fakya, otsao, mongsom ilaxle mongmüi pwonla ang nyakpu.

MATHI 21:43

Anaolechu Jisu-e akax: “Kue hünzom ang thüipu; hünzom angkya Zang wangting paoüi ilaxle oziak müile alai ang tho angkya mix ang koxüi.

TSAITONG-KAXTONG 9:9

Jowanpae hünzom füi tsaotsütkya Tsaotsüt zalaxle tüikya longkhao lax ang ku haxnukho to dongpu. Ikhato ku chemchu chisax-chilingle nyix 40 wün 40 le nuipu.

MATHI 4:2

Ikha to nyix punyi, chisax chilingle atsaole ngokya füima Jisu ang wok ano.

MATHI 3:2

chemthüikoxle Zang Wangting a soxle hüiüna!”

1 WANGHOMBU 19:8

Elija zo ilaxle sax-lingle chang. Ija süt-e chix ang Otsao Haxnu Sinai alople nyix 40 aham angkya janzüi kox.

TSAITONG-KAXTONG 9:18

Ifüima anaole chuwüi kue chemchu chisax-chilingle Jowanpa ngwotnui ma ku haxchi to hule akhux. Hünzome ochax lyenkya tokhange Jowanpa ang mongma adünkya khoma kue ile mok angkya lai.

MARK 16:19

Hwom füi ile akax füima, Jowanpa Jisu zangkangting to dün, ilaxle Jowanpa tsaxchi ma athung.

WANGSHEMBU MWOT 8:12

Ikoxle otue hwome Zang Wangting hia Jisu Khrista mün bama Kaxho Müikya Filip makhange atatle laxpuix, hwom sheko lüka pangwüi tima bapti.

WANGSHEMBU MWOT 19:8

Pol sinagok to dong, ilaxle lyetkua azom ojao chizale khünaknu hama zangwün ilaxle Zang Wangting bama chix akaxle ngokya bama otsingtsing changpu le chixe kaxkhi fa.

WANGSHEMBU MWOT 28:23

Ifüima hwome hanpak nyixta tyale tox ilaxle ija nyix khünakbu Pol füi apong ang chix ngwotnui to ngui. Swom makhange hanhom ma thule chixe Mosa wanlombu hia ajebue zakya kaxbu apüilaxle akhix akhanle apuakya tokhange hwom mong anom-anai ang azong.