WANGSHEMBU MWOT 1:2 - OTSAO BAIBEL (BSI)

² Chix dünüi thoma, Otsao Chasa tsakzong makhange chixe ma wangshem ang zünle kopkyabu ang sütlom mwotlom apua.

WANGSHEMBU MWOT 1:2 ပူးပေါင်းရင်းမြစ်များ

WANGSHEMBU MWOT 1:9

Ija kax ashuk füima hwome hule ngongale chix a zangkangting to dong ang kox, üntoxle hwom miksho angkya chix zangfwome khungle kop.

IBRI 9:24

Chemthüikoxle, Khrista a, tuita otsingtsing tüikya opyen zinglaxle khünak chak makhange zingkya Otsao Nui to paokya chichang. Chix zangkangting jao to dong, ojong khato athax chix kem khülüix ma Zang füi womle tüilaxpuix.

WANGSHEMBU MWOT 10:38

Hünzome, Nazareth nok Jisu bama, ilaxle Zange chix ang Otsao Chasa tamchu tsakzong koxkya bamachu awanle ngopu. Chix pangnu khato aham, üntoxle Zang chix füi tüikoxle khünaknu zongma müikya mwot chixe mok üntoxle haxshix zonge kople thomkyabu pangwüi chixe amüi.

JUHAN 20:21

Jisu-e chatlechu hwom ang thüi: “Hünzom füi mongsom naxtüi! Apae ku chemle tsanle apaopuix ija lailaile kuechu hünzom tsanle apaopu.”

JUHAN 13:18

“Kue hünzom pangnu bama akax ngokya münchang; kue kamle kopdaokyabu kue awanle; ikoxlechu Otsao Lai kax ija otok to ngaile aho angkya changpu: Ku füi tomle fongsax ngokya tuita ku zan to ka angkya changle.

JUHAN 13:3

Hopae chix chak to pangnu tsakzong koxdaoa le Jisu-e awan; chix Zang tokhange nguikya changpu ilaxle chix Zang hato chat angkya changle le chixe awan.

ISAIA 48:16

“Athax ku hato soxlax ilaxle ku kax apalax. Pongwang tokhange wüi kue ngaithole akaxdaoa, ilaxle jento ku kax changle ngai ang tomdaoa.” (Athax Jowanpa Khüthak Zang-e chix tsak-zong koxle ilaxle ku tsanle apaole.)

MIKNGÜN-OHÜN 21:14

Ija tingnu katuk a thong bün anyi küilaxle zing; ibu ma Chun Hosa wangshem hwom bün anyi mün zale tüikya.

MIKNGÜN-OHÜN 3:22

“Na zaikyabue, chasae müimüithombu füi chem akaxpuix ija to apalax!”

MIKNGÜN-OHÜN 3:16

Ikoxlechu nang lomlomla le, okong ning chichang okham ning chichang le tüikoxle, kue nang ku wikha angkya thuakle awütüi!

MIKNGÜN-OHÜN 3:13

“Na zaikyabue, chasae müimüithombu füi chemle akaxpuix ija to apalax!

MIKNGÜN-OHÜN 2:29

“Na zaikyabue, chasae müimüithombu füi chemle akaxpuix ija to apalax!

MIKNGÜN-OHÜN 2:11

“Na azaizaie müimüithombu füi chasae wünkya zangwün apalax! “Opange tholün laxpuix, hwom to zike tamchatle sikngün fa ang müntho.

MIKNGÜN-OHÜN 2:7

“Na azaizaie müimüithombu füi chasae wünkya zangwün to apalax! “Zang tsawat khama nyemle tüikya khüzün pün angkya oziak, opange tholün daolaxpuix, kue hwom ang sax ang tomüi.

MIKNGÜN-OHÜN 1:1

Ija a Jisu Khrista-e angaile ahokya zale thomkya laipex tuita changle. Chwonle chem chang angkya tüipuix ija chixe ma thothakyabu hato aho angkya kuxma Zange Jisu Khrista hato ija angaile kox. Chix kaxtaimix makhange Khrista-e ijabu chix thothapa Juhan ang tsingle lax ang tom;

2 PITAR 3:2

Ku laiza pangnyi ma wüi, otsao ajebue kaiwüi akaxkya kaxbu üntoxle hünzom wangshembu makhange hünzom ang akaxle fakya Jowanpa tamchu khosünpa Jisu Khrista kaxtom hünzom mongto texle atak ang tomkya füi kue tsaothakya tutex hünzom mong ma azwot ang tompu.

1 PITAR 3:22

Zangkangting to donglaxle Zang tsaxchi kao ma thung üntoxle owae kaxtaimixbu tamchu zangkangting tsakzong thakma apün-adale ngopuix, Khrista chix chatle azangle zokya tokhange ijae tsuakle.

1 TIMOTHI 3:16

Kem zanglom otukux chongkya huxsa tuita hex, owaechu münchangle thüi ang münthoüi: “Chix khünak sündün ma angai, Chasae changle le aho; kaxtaimixbue ngün. Chaxwannu pangnu khato chix apuk-apua; zangfang pangkhato wüi chix to ong, ilaxle chix zangkangting to dün.”

EFISIA 2:20

Hünzom chuwüi, homkom-longnu ang Khrista lax üntoxle wangshembu hia ajebue tanle toxkya homting ma athong laxle zingkya changle.

GALATIA 1:1

Khünak angkya, chichangba khünak makhange hüikya chichangle, ikoxle Jisu Khrista üntoxle Hopa Zang, owae chix zidaokya chatle azangle zo ang tompuix, chix wangshem ang nyakle kopkya Pol tokhange.

WANGSHEMBU MWOT 1:13

Hwom tingnu to ngui ilaxle hwom ngohomkya kha nui to dong! Pitar, Juhan, Jakop hia Andriw, Filip hia Thoma, Bartholomew hia Mathi, Alfa hia Jakop, Simon (Patriot) üntoxle Jakop sasün Juda hwom tüikya.

WANGSHEMBU MWOT 1:11

üntoxle thüi: “Galili tokya khünakbu, hünzome dingchi to hulaxle büthüikoxle ajong ngopu? Ija Jisu owa hünzom kha angkya zangkangting to dünpuix, hünzome chix zangkangting to dongüi chemle ngünpuix ilailaile chix chat angkya changle.”

JUHAN 20:17

Jisu-e she ang thüi: “Ku to taxtwon; chemthüikoxle athax kople ku Apa hato machat! Ikoxle kutüi kunao hwom hato paolaxle ku a, owa hwom zongtochu Hopa tamchu Zang changpuix, ija Apa hato chatüi ta le thüikox.”

JUHAN 17:13

“Ikoxlechu ku athax nang hato hüipu; ilaxle hwom mong khama ija ku mongmüi okhongui le tüi angkya kuxma, chaxwannu ma kue ijabu akaxpu.

JUHAN 16:28

Ku a Apa tokhange hüipu ilaxle chaxwannu to nguipu; ikoxle athax a kue chaxwannu dantoxüi ilaxle Apa hato paoüi.”

JUHAN 13:1

Athax, Kaitox Pangpwon manguiba, Jisu-e, chix ija chaxwannu dantoxlaxle Hopa hato pao angkya otu nguile hüiüna le awanlaxle, chaxwannu ma tüikyabu, opang chix kux changkya hex, chixe hwom to tüle mongkün; chixe hwom to oshuk kople akhex.

JUHAN 6:70

Jisu-e hwom kax to lan: “Hünzom bün anyi kue kamle kopkya münchang dai hia? Ikoxlechu hünzom khama tuita a haxshix changle.”

JUHAN 6:62

Jangchangba Khünak Hosa amipongkya chix ngwotnui to chatkya ngünkoxle hünzome chemle thüiüi?

JUHAN 3:34

Owa Zange tsanle apaopuix, chixe Zang kaxbu akaxle, chemthüikoxle Zange chix ma ma Chasa okho anguile fale.

JUHAN 1:16

Chemthüikoxle okhonguile tüikya chix chingcha kha angkya, tuita füima tuita le chixe kem to mohimanle.

KAXHO MÜIKYA LUK 24:51

Chixe hwom to mohimanle ngoponge, chix hwom füi afanle zangkang to nwonle dün.

KAXHO MÜIKYA LUK 9:51

Chix zangkang to dün angkya hanpak nguile hüikya zuma, chix mongto ajang ilaxle Jerusalem to pao ang lai.

MARK 6:30

Wangshembu chat ilaxle Jisu füi apong; hwome mokkya hia hwon-anokyabu bamo chix hama wün.

MATHI 12:28

Ikoxle ku ang haxshix chasa jwon angkya tsakzong koxkya a Belzebul münchang ikoxle Zang Chasa changle. Athaxpi ija makhange Zang Wangting a hünzom hato nguile tüile le ahole.

MATHI 3:16

Bapti laxle Jisu tikha tokya tangthole lai; ifüima chix ang zangding ka daple kox ilaxle Zang Chasa Osu ningle julaxle chix ma paxkya ngün.

ISAIA 61:1

Jowanpa Khüthak Zang-e ku chix Chasa füi awang. Chixe ku zünle kop ilaxle tsanle apao Chitüi-chinang khünakbu hato kaxho müikya apüi ang, Künmax-mongshanle ngokyabu mong azün ang, Kople thomkyabu hato dan angkya kax apuk ang Ilaxle kun ma thomkyabu hato alai angkya kaxho ang.

ISAIA 42:1

Jowanpae thüi: “Ku dapa ikhama tüile, kue tsak-zong koxkya mix a — kue kamle kopkya mix, owa füi ku mongmüile ngopuix. Kue chix ku Chasa füi awangIe koxle, ilaxle chixe pangnu nok ang wüi sukya kaxfün faüi.

MIKNGÜN-OHÜN 2:17

“Na zaikyabue, müimüithombu füi chasae chem akaxpuix, ija apalax! “Zan lütkyabu ang kue khomle thomkya mana koxüi. Chatlechu kue hwom ang long tsetsekya koxüi. Ija ma mün hozün zale tüile, Ija a pongle kopkya mix boma owaechu awan ang müntho.