WANGSHEMBU MWOT 1:16 - OTSAO BAIBEL (BSI)

¹⁶ “Kutüi kunaohom, Jisu kopkya lomwan-mix ang achangkya Juda owa chemle chang angkya hex, ija bama Otsao Chasa tokhange Dawid hama acha lüwüi akax thomdaokya ningle ija Otsao Laikax otok to ngaile hüi angkya oli changle.

WANGSHEMBU MWOT 1:16 ပူးပေါင်းရင်းမြစ်များ

MÜNCHUAK-TSAI 41:9

Ku zuikhui amüikya, owato kue ataxle mongong tüipuix, owae ku füi saxtsom ahanle saxpuix, chixe ngaxchu ku zan to kale.

JUHAN 13:18

“Kue hünzom pangnu bama akax ngokya münchang; kue kamle kopdaokyabu kue awanle; ikoxlechu Otsao Lai kax ija otok to ngaile aho angkya changpu: Ku füi tomle fongsax ngokya tuita ku zan to ka angkya changle.

WANGSHEMBU MWOT 1:20

“Chemthüikoxle Münchuak Tsai ma ija zakya tüile: “‘Chix homkha naxahua kox; ikha ma owachu ngo ang taxkox.’ Ija chutix zakya tüile: ‘Chix mwot owawae, lüile mok ang laxkox.’

MATHI 26:56

Ikoxlechu ibu pangnu a Otsao Lai ma ajele zale thomdaokya kax changle kotok to ngai angkya hanpakma ile changpu.” Ifüima wangshembu chix danle toxlaxle afale pao.

MATHI 26:54

Ikoxle ile jangchang thüikoxle ile chang angkya hexo lekya Otsao Lai kax chemle kotok to ngaiüi?”

MATHI 26:47

Ile chixe zangwünle ngopong ma wüi, Juda, owa wangshembu kha angkya tuita changkya hex, chix hüi. Nguakhobu hia Jehudi nok lompabue tsanle apaokya othom, pax hia pünthombu kop laxle chix füi tomle ngui.

1 PITAR 1:11

Ija otue tamchu chemle nguiüi hex le hanpak zanghan awan ang hwom tüle azong. Hwom ma tüikya Khrista chasae hwom hato küithole hile apua ngokya a: Khrista-e tületüle sikngün apong angkya ikoxchu ifüima tületüle fuazangle lai angkya hanpak changkya.

MARK 14:43

Jisu-e akax ngoponge wüi Juda, bün anyi kha angkya tuita, chixe ikha alop. Chix füi tomle chang hia pünthombu koplaxle nguakhobu hia wanlom nwotmixbu tamchu mixpa tüichongbue tsanle apaokya khünaknu othom tuita tüikya.

2 PITAR 2:21

Awanle koplaxle hwom ang fakya otsao kaxtom füi janle paokya füi hwom zongma otsao lomtang ojao tsingle chikopkya wüi amüikya changse dai.

WANGSHEMBU MWOT 23:6

Otue Pol-e othom khama züizüi a sadukibu changa üntoxle mamabu a farisibu changa le ngünpuix, chixe nguawangbu füi azaxle akax: “Kutüi kunaohom! Ku anu apa hwomchu wüi farisi changkya daile ku chuwüi farisi changle. Kue zidaokya chatle azangle zoüi le ongkya khoma ikhama ku tsetwon angkya laipu!”

WANGSHEMBU MWOT 23:1

Pol-e nguawangbu to tangthole hu ilaxle akax: “Kutüi kunaohom! Anyix kople Zang pomtho ma ku tsün bama ku khangka tsaotha le otya ma wüi tüitan.”

WANGSHEMBU MWOT 22:1

“Apu-apahom ilaxle kushem kuzuihom, hünzom thüntho ma kue ma khosele akax fang, shong apa hüi!”

WANGSHEMBU MWOT 15:7

Ozulole azua ngokya füima Pitar-e ajong üntoxle akax: “Kutüi kunaohom, hwomechu atatlaxle Jowanpa to naxong lax ang, mixnokbu hato Kaxho Müikya apuk ang kaiwüi hünzom kha angkya Zange ku zünle kopkya hünzome awan ngopu.

WANGSHEMBU MWOT 13:38

Idaile kutüi-kunaohom, hünzom pangnue wüi awanle koplax, Jisu Khrista makhangetix ochax thailak ataküile kaxho hünzom hato apuk-apua angkya atsingshokya kax changle;

WANGSHEMBU MWOT 13:15

Mosa wanlom angkya hia ajebu lai angkya e üntoxle sinagok angkya alixachonge hokhi hato kaxhole thüi: “tüinao nyi, hünkhi ma zong adün angkya kax chemchem jangtüi thüiningle kwome, khünaknu füi hünkhi tam namakaxbae le textüia.”

WANGSHEMBU MWOT 7:2

Stefen-e lan: “Achong alihom ilaxle apu-apahom! Kem putong Abraham Haran to kaüi thoto, chix Mesopotamia ma ngotanto, chix hato fuazangkya Zang lai,

WANGSHEMBU MWOT 2:37

Otue hwome ija kax atat, hwom mongto po, ilaxle Pitar hia wangshem mamabu hama atüi: “Tüinaohom, kwome chem moküi?”

WANGSHEMBU MWOT 2:23

Zange chix tutex hia künzut-mongjang makhange Jisu a hünzom chak to kox angkya changle le athut apan tsuak daokya changle; ilaxle ochax khünakbu chak to pünsak ma tak ang koxlaxle hünzome chix langpu.

JUHAN 19:36

“Chix ang za tuitachu münapaküi”, le Otsao Lai kax ma tüikya ngai angkya hanpakma ile chang.

JUHAN 10:35

Otsao Lai kax a othuithuima otsingtsing changpu; ilaxle chix kaxho fadaokyabu ang Zange zangbu changle le akaxle.

KAXHO MÜIKYA LUK 22:47

Chixe ile akaxle ngopong khae, chix wangshem tuita Juda le amünkyae zunlaxle khünak othom tuita nguile hüi. Chix Jisu hato dong ilaxle tun apong.

MARK 12:36

Dawid füi Otsao Chasa akax: ‘Jowanpa-e ku Jowanpa ang thüi; Kue nang zanbu, nang chifa fang to mathom tanto; nang ku tsaxchi ma thung lax.’

2 SAMUEL 23:2

Jowanpa chasae ku makhange akax; chix kaxho ku tunpün ma tüile.

WANGSHEMBU MWOT 28:25

Otue hwom kaxno chitomle changpuix, hwom fan ang ajong; ilaxle fanüi khakha ma hwom füi Pol-e ija kax akax: “Hünzom putong hwom füi ajebu makhange Otsao Chasae akaxkya kax ija otsing tomtata wüi changkoxa.”

WANGSHEMBU MWOT 28:17

Nyix azom füima Pol-e ikhato Jehudi lompabu nguazua zangwün to ahyen. Hwom asoxkya zuma chixe hwom ang thüi: “Kutüi kunaohom, kue kem khünaknu hia kem putongbu tokhange kopkya zanglombu zongto oma chemchu chimok ikoxlechu Jerusalem ma ku kop ilaxle kun ma thom üntoxlechu Rom sotkari chak to kox.

WANGSHEMBU MWOT 15:13

Okhi kax ashuk füima, Jakop-e akax: “Kutüi kunaohom, ku kax to apahüi!

MATHI 26:14

Ifüima wangshem bün anyi kha angkya tuita Juda Iskariot le amünkya nguakhobu hato paolaxle akax,

JUHAN 17:12

Ku hwom füi ngotanto, nange ku ang fakya je füi kue hwom sünle thompu; kue hwom nyepu ilaxle Otsao Lai Kax kotok to ngaile lai angkya kuxmale max angkya sasün boma hwom kha angkya tuitachu chiamüt.

2 PITAR 1:21

Chemthüikoxle khünak tutex makhange hüikya jekax tümüntüi. Jowanpa tokhange hüikya kaxho zex pongma khünaknu a Otsao Chasae koplaxle tüikya.

2 WANGHOMBU 15:12

Idaile wanghompa Jehu hama: “Nang sixli tsünthom ali kople Israel nok ma wanghom ang achangüihex-ole tüikya Jowanpa kaxtsao ija kotok to changle ngai.”