WANGSHEMBU MWOT 1:15 - OTSAO BAIBEL (BSI)

¹⁵ Hanpak nyixta anyi füima mongong mixbu afoxkya hanpak tüikya, hwom pangnu mixhuak hota tsa tukux changkya, üntoxle Pitar akax ang ajong,

WANGSHEMBU MWOT 1:15 ပူးပေါင်းရင်းမြစ်များ

1 KORIN 15:6

Ifüima chix noxta bama, chix füito azuile hüikya ho-aga füi süluikya khünaknu hato laile ahopu. Hwom kha angkya züizüi zikoxlechu süchong tukux athaxchu ozün ma tüile.

MIKNGÜN-OHÜN 11:13

Ipongkhae tüle bütix si; tingnu othom bün angkya thom tuita amüt, ilaxle hajat anüt khünak lang. Iboma atale tüikya khünak noknusae wüi zangkangting tokya Zang chongkya bama achuak achen.

WANGSHEMBU MWOT 21:20

Chix kax atatkya füima hwom pangnue Zang achuak. Ifüima hwome Pol ang thüi: “Tüinao! Ija chemle changpuix nange ngünle ngotüi. Mongong le hüikya Jehudi khünakbu hajat-hajat tüihule, ilaxle hwom pangwüi wanlom ma shingmongle ngokyabu changle.

JUHAN 21:23

Ikoxle ija wangshem a münzi angkya ta le Jisu wangshembu khama zangwün pu. Ikoxle Jisu-e chix ang münzi angkya le thüikya chichang. Ikoxle chixe thüikya a: Chix mahüi mahüile ija mixsün ang ozün ma wüi tanle ngo ang tom angkya Jisu mongtex namchang thünba Pitar to chem pox, le thüikya kax changkya.

MIKNGÜN-OHÜN 3:4

Ikoxlechu Sardia ma ngokya hünzom züizüie ma nyiza tsaotha le thomtsuakle. Nyiza tsekya awunlaxle hünzom ku füi tomle ahamüi, chemthüikoxle hünzom ma ile chang ang asule tüile.

JUHAN 14:12

Otsingtsingma kue hünzom ang thüipu: Owae ku to ongpuix, kue chempang mwot mokpuix, chixechu ija mwot moküi; ilaxle ijabu mwot to lyemle ngaxchu chix ang mok ang tomüi; chemthüikoxle ku a Apa hato pao angkya changle.

KAXHO MÜIKYA LUK 22:32

Ikoxle Simon, nang mongong thaile chinui angkya hanpakma kue nang bama jopdaoa. Ilaxle otue nang ku hato chatüihex, hüntüi-hünnao hwom ang nange zong adün angkya changle.”

MATHI 13:31

Anaolechu kaxpan tuita chixe hwom füi akax: “Zang Wangting a suili tsang tuita ningle, oja khünak tuitae apüilaxle ma haxtok ma küipuix.

WANGSHEMBU MWOT 10:23

Pitar-e ibu khünak hommong to sele dün ilaxle ija ja wünpom ang kox. Ofüi nyix chix achwon laxle hwom füi tomle pao; ilaxle Chopa angkya tüinao tuita anyi chix füi tomle laxlax tox.

WANGSHEMBU MWOT 11:1

Wangshembu üntoxle Jehudi chaxwan pangnu khatokya mongong mixbue mixnokbuechu wüi Zang Kax pongle kople ta le atat.

WANGSHEMBU MWOT 11:12

Otsao Chasae ku ang hwom füi tomle chem mongao chitüi le pao angkya akax.

WANGSHEMBU MWOT 11:26

Chixe Sol atakkya zuma, chixe chix Antiok to laxlaxle apaüi. Zangpua atale hokhie tomtomle müimüithom khünakbu füi apong ilaxle othom hama anwot-ano. Jisu füito azuikyabu ang “Khristan” le Antiok ma nyakle wang.

WANGSHEMBU MWOT 11:29

Jehudi haxtok angkya tüinaobu to fong angkya hanpakma hwom mixhuak pangnue wüi mae tsuakkya apongle hingho akat angkya bama Jisu wangshembue zangwün tsuak.

WANGSHEMBU MWOT 12:17

Chixe chak aja le hwom ang dangün le thüi; üntoxle kunkha tokya Zange chix chemle alaipuix, hwom hama apua. Chixe ija kax Jakop hia tüinao mamabu pangnu hato wüi apuakox le akax üntoxle chix mama khato pao.

WANGSHEMBU MWOT 14:2

Jisu to münong lükya thom Jehudi khünakbue Grik nok buto chüile mama üntoxle tomwüi mongong mixbu to chichang-chizangle hwon.

WANGSHEMBU MWOT 15:1

Jehudi tokya khünak züita ngui ilaxle Antiok angkya Jisu Khrista ma tüinaobu hama anwot-ano le thüi: “Mosa wanlom ma tüikya ningle khwonzüt zom chizing thüikoxle Zange hünzom kho münsünüi.”

WANGSHEMBU MWOT 15:3

Ile müimüithom khünaknue ibu tomle apao, üntoxle hwome Foinesia hia Samaria akaile leüi lom to hwome mixnokbu khristan ang achangle hüikya kaxwün wang; ilaxle ija kaxhoe mongong mixbu ang huanuma mong amüi.

WANGSHEMBU MWOT 16:2

Lastra hia Ikoniam angkya tüinaobu noke wüi Timothi mo müile le wün.

WANGSHEMBU MWOT 16:40

Pol hia Sila nyi kun angkya lailaxle Lidia hom to ngui. Ikhama hokhie tüinaobu apong, hwom füi zong adün le akax ngolaxle hokhi achex.

WANGSHEMBU MWOT 17:6

Okhi chibang ünkoxle hwome Jason hia züizüi tüinaobu tingsho ma pünpa-chongwangbu hato linle apüi ilaxle akhong: “Ibue pangnu khato wüi tingtui adün ngole! Athaxchu kem tingsho ma nguikoxle

WANGSHEMBU MWOT 17:10

Ija jaja wüi zangnak füi tomle, tüinaobue Pol hia Sila nyi Beria to akat. Ikha alopkya ma, hokhi Jehudi nok sinagok to ngui.

WANGSHEMBU MWOT 17:14

Jan füima tüinaobue Pol tinu kax to apao; ikoxle Timothi hia Sila nyi Beria ma nui.

WANGSHEMBU MWOT 18:18

Korin ma Pol tüinao hwom füi obi nyix hex nui, ifüima hwom dantoxlaxle Prisila hia Akuila nyi füi Siria to khua ma pao. Khua ma paoüi thoma chixe tsaosaxlaxle Sankria ma kho-ong.

WANGSHEMBU MWOT 18:27

Apolo a Akaia to kaiüi le mongto texle kop, idaile Efisia angkya mongong mixbue, ikhato chix wün pongle kop-hüile Akaia angkya tüinaobu hato laiza fale chix to fong. Ikhato chix nguikya a, Jowanpa chingcha makhange mongong mixbu ang achangle tüikya khünakbu zongto chongkya ofong ang achang.

WANGSHEMBU MWOT 21:7

Kwom Tair makhange Tolemai to thuithuile le; ikhato tüinaobue kwom wünpwonle kop, ilaxle hwom füi tomle kwom nyixta nui.

WANGSHEMBU MWOT 21:17

Kwom Jerusalem ma nguikya zuma tüinaobue mongmüi atungle kwom wünpwonle kop.

WANGSHEMBU MWOT 22:5

Nguakhobu hia nguawangbue ija ku kax changtomta kox-a le kaxkhi fa ang tsuaküi. Damaska ma ngokya Jehudi khünakbu hato zakya hwom angkya laiza füi, ibu khünakbu koplaxle janbüi füi khak üntoxle sikangün ang Jerusalem to laxlaxle chat angkya hanpakmale ku Damaska to paokya changpu.

WANGSHEMBU MWOT 28:14

Ikhato kwome mongong mixbu züizüi apong. Hwom füi tomle kwom ang hatdang tuita ngotox hüile akax. Ibibile aham laxle kwome Rom tingnu alop.