WANGSHEMBU MWOT 1:11 - OTSAO BAIBEL (BSI)

¹¹ üntoxle thüi: “Galili tokya khünakbu, hünzome dingchi to hulaxle büthüikoxle ajong ngopu? Ija Jisu owa hünzom kha angkya zangkangting to dünpuix, hünzome chix zangkangting to dongüi chemle ngünpuix ilailaile chix chat angkya changle.”

WANGSHEMBU MWOT 1:11 ပူးပေါင်းရင်းမြစ်များ

MIKNGÜN-OHÜN 1:7

Hulax, chix zangfwom ma nguile ngole! Noknusae chix ngünüi; Chix to pax füi tsunkyabuechu; Chaxwannu angkya khünak nok wüi, chix bama sopkya tüiüi. Ija ile changüi jao! Amen.

1 THESALONIKA 4:16

Iponge azaxle kaxtomkya ozing, thüikoxle akhokya kaxtaimix zing, tamchu Zang nyazong mütkya zing atatüi, ilaxle Jowanpa chix jaojao zangkangting tokya juüi. Khrista to onglaxle opang zile ngoün laxpuix, hwom thoma zoüi;

MARK 13:26

Ifüima Khünak Hosa tüle zaxzangle tamchu ngamle zangfwom ma juüi.

JUHAN 14:3

Tamchu ku paolaxle ngwotnui achwon füima, ku tamchatle nguiüi, ilaxle ma hato hünzom laxlax tox angkya changle; ija khoma ku ojongto ngo angkya hex, hünzomchu ikhato ngo angkya changle.

MATHI 25:31

“Otue Khünak Hosa ma kaxtaimixbu füi wanghom ang achangle nguiüi hex, chix chongwang tüntong ma thungüi.

MATHI 24:30

Ifüima ding to Khünak Hosa münwan laiüi; ifüima chaxwannu angkya khünaknu sopüi; ilaxle hwome Khünak Hosa zangfwom ma tsakzong le tamchu fuazangle jukya ngünüi.

MATHI 16:27

Chemthüikoxle Khünak Hosa ju angkya tüile. Chix a chix kaxtaimixbu füi fuazangle juüi ilaxle pangnusa ang wüi chixe ma mwot-mwot ma thütle hingho koxüi.

1 THESALONIKA 1:10

Tamchu hünzom mong chatkya a: chix Hosa Jisu Khrista, chixe owa zidaokya chatle azünpuix üntoxle hüile ngokya Zang mongtsik tokya kem owae azün laxpuix, ija chix Hosa zangkangting tokya chatüi tan angkya bamachu changle.

KAXHO MÜIKYA LUK 21:27

Iponge Khünak Hosa zangfwom ma tsakzong hia fuazangkya füi ngamle jukya hwome ngünüi.

WANGSHEMBU MWOT 13:31

üntoxle Galili makhange Jerusalem alople ami pongma chix füi ahamle ngokyabu hama obi thomthom ma hexle ngaile chix sün aho. Athax hwom a khünaknu hato kaxkhi ang achangle tüile.

KAXHO MÜIKYA LUK 24:5

Za laxle shekobue haxchi to hule akhuxle thün khom. Iponge hokhie hwom ang thüi: “Hünzome ozün büthüikoxle omangbu khato lompu? Chix ikhama müntüi, chix a chatle azangle zoüna.

WANGSHEMBU MWOT 3:12

Ibu khünaknu ngünkya zuma Pitar-e hwom ang thüi: “Israel khünaknu, ija mixsün faile ngokya amüikya ngünlaxle abütpia üntoxle kwom to ile akhingle büthüikoxle hupu? Ija mixsün aham ang koxkya a kwom tsakzong chichangba kwom tsaokya makhange changpu le hünzome texpia?

WANGSHEMBU MWOT 2:7

Khosam hia abütkya füi hwome thüi: “Ibu ile akaxkyabu Galili nok münchangkox hia?

MARK 14:70

Anaolechu wüi Pitar-e atse. Chatle noxta ngokya füima ozuima ajongle ngokyabue Pitar ang thüi: “Nangchu hwom kha angkya tuita changtomtale chemthüikoxle nang Galili nok changle.”

MATHI 16:28

Kue thüipu, Khünak Hosa chongwang ang achangle nguikya mangün tanto ikha ma ngokya züizüie zikya füi münapongüi.”

MARK 16:19

Hwom füi ile akax füima, Jowanpa Jisu zangkangting to dün, ilaxle Jowanpa tsaxchi ma athung.

WANGSHEMBU MWOT 1:2

Chix dünüi thoma, Otsao Chasa tsakzong makhange chixe ma wangshem ang zünle kopkyabu ang sütlom mwotlom apua.

WANGSHEMBU MWOT 1:9

Ija kax ashuk füima hwome hule ngongale chix a zangkangting to dong ang kox, üntoxle hwom miksho angkya chix zangfwome khungle kop.

WANGSHEMBU MWOT 3:21

Zange chix otsao ajebu makhange kaiwüi aje ang koxle thomdaokya ningle, Zange pangnu li wüi hozün ang achangle mazing tanto chix a zangkangting towüi nui angkya changle.

IBRI 9:28

Ija lailaile khünaknu ochaxbu laxlax tox angkya hanpakma Khrista chuwüi tam tokya ma kox. Anyi lükya ma chix ngaiüi, ikoxlechu ochax füikya mwot bama münchang, ikoxle opange chix tanle ngolaxpuix, hwom khosün angkya hanpakma changüi. A