TSAITONG-KAXTONG 9:7 - OTSAO BAIBEL (BSI)

⁷ “Hünzome Jowanpa hünzom Zang, sak-hax to tüipongma chemle mongtsik ang tomdaopuix, ija taxalak. Hünzome Ijip danle toxkya nyix makhange ikha alople nguikya nyix kople, hünzom a chix füi alünle hüipu.

TSAITONG-KAXTONG 9:7 ပူးပေါင်းရင်းမြစ်များ

HUAKE LAIPEX 21:5

ilaxle Zang hia Mosa hokhi ang kaxma thüile ile kaxthup-ngaotün: “Süt nang chitüi, ti nang chitüile woknuak tilan chak ma azik ang büthüikoxle Ijip chaxwan tokya kwom ija faokha to apüipu? Kwome süt chisax homtoxle ngo ang athax münthoüi!”

LAIPAO 16:2

Ija sak-hax to hwom pangnusae Mosa hia Arun nyi to kaxthup-ngaotünle chang.

LAIPAO 14:11

Hwome Mosa ang thüi: “Ijip nok to kwom ang zukting müntüi dai hia? Nange kwom ija sak-hax to azik ang alaile paokya hia? Hulax, nange kwom Ijip nok chak tokya alaile paolaxle chem hwonkya hex?

HUAKE LAIPEX 25:2

Ibu shekobue, Moab nok baozang ang tö koxle pangpwon sax pongma ibu khünakbu ahyen. Israel khünak ibue ikhato fongsax ilaxle Peor angkya baozangbu to shwom.

HUAKE LAIPEX 11:4

Israel khünakbu füi tomle mixnokbu chuwüi züita ahamle tüikya. Hwome müi saxsele huanuma sungle tüikya; ilaxle Israel nokbue ngaxchu jua ang sütle thüi: “Kwom ang hidaole thüingaxchu müisax ang owae koxfahax!

EFISIA 2:11

Hünzom nuput tokhange wüi mixnokbu changpu, ilaxle Jehudi khünakbu opange hwom alüile khwonzüt zom kaidaokyabu le epuix (Chak füi hwom tsangtsa to mokle hwonkya) hwome hünzom ang khwonzüt zom ma chiwomkyabu le nyakle. Hünzome ami hünzom chem changkya dai Ija otuechu taxalak.

1 KORIN 15:9

Ku a wangshembu khama oshuk oza tix changlax a, ilaxle kue Zang müimüithom zothup daokya khoma, ku ang wangshem le nyak koxlechu chiasu.

EZEKEL 36:31

Hünzome mokle changdaokya ochax hia thaikya mwotbu hünzome texle ataküi, ilaxle hünzom ochax lyenle hia thaile changdaokya khoma ma füi alüile nushix dongle changüi.

EZEKEL 20:43

Ipongma hünzome chemtukuxle zakkop mwot mokle hüidaopuix tamchu hünzom chitsaokya ang achangle hüidaopuix ibu hünzome texle ataküi. Hünzome mokle hüidaokya ochax mwot pangwüi makhange hünzom a alüile nushix dongle thütüi.

TSAITONG-KAXTONG 31:27

Hwom chemtukuxle mongtsakle tamchu alün-aloxle tüipuix ija kue tiklax ngole. Ku ozün ma tüipongma wüi ibue Jowanpa zan to kale changpu ilaxle ku tokfüi ma tomning ibu onüi chichang-chizangle tüi angkya changle.

TSAITONG-KAXTONG 8:2

Jowanpa hünzom Zang-e hünzom zanglao punyi mong ma sak-hax faonu akaile chemle azuile apüipuix; hünzom mongjang awan ang tamtampong chixe sikngün apong ang tom, imakhange, hünzome chix kax ma laxle chitüi hia tüi ija awanle lax.

LAIPAO 17:2

Hwome Mosa to kaxthup-ngaotünle thüi: “Kwom ang lingti laxhüi.” Mosa-e lan: “Hünzome büthüikoxle ku to kaxthup-ngaotünle ngopu? Hünzome Jowanpa to chem thwontsingle ngopu?”

LAIPAO 14:10

Ijip nok wanghompa hia chix süpahibue hwom achuale hüingokya chemtue Israel khünaknue ngünle laxpuix, hwom tüle za ilaxle hwom khosün angkya hanpakma Jowanpa nyakle akhong.

LAIPAO 23:21

Chix chito na thalax ilaxle chix kax ma laxlax. Chix füi alün-aloxle taxchang, chemthüikoxle chix a kue tsanle ahüikya changle üntoxle iningkya olün-olox to chixe thailakkya müntüiüi.

HUAKE LAIPEX 14:22

hwomkha angkya ija Kanan haxtok to nop ang ozün ma owachu münnui. Hwome ku tsak-zong zangchangjep ngünle changdaoa ilaxle Ijip nok to tamchu ija faokha to kue mokkya ohünotün mwot hwome ngün ang kopdaoa; ikoxlechu kue adule hüikya to chatchatnaole thwontsing ilaxlechu ku kax ma münlaxpule angampu.

HUAKE LAIPEX 17:10

Jowanpae Mosa ang thüi: “Arun kiathox a Tsaotsüt Suak tunthoma chatle dankox. Ija a, Israel khünaknu alünle ajongkya bama, hwome kaxthup-ngaotünle ngokya zakle chichang thüiningle, hwome ma mik max angkya ataküi lükya kaxkhün tuita ang thom angkya changpu.”

TSAITONG-KAXTONG 9:4

“Jowanpa hünzom Zang-e hünzom hanpak ang ibu jwonle apao füima, hünzome ija haxtok kopkoxle asule tüikya khoma chixe hünzom ikhato ngui ang tompule hünzom taxakax. Ile münchang, ikoxle hwom a chichang-chizangle tüikya khoma, Jowanpae hünzom hanpak ang hwom jwonle apao ang thüipu.

TSAITONG-KAXTONG 9:24

Kue hünzom awan ang kopkya owangpong tokhange wüi hünzome Jowanpa zongto alünle hüi.

ISAIA 48:8

Kue awan ngopu hünzom to mongong angkya jao müntüi, hünzom a apüipüile tüikyabu le awan ngopu. Ikhoma hünzome ija chemtuechu atat ang chikoppu, chemthüikoxle hünzom na ma ija kax tuita chu chiwang.

JEREMIA 11:10

Hwom a, kue akaxkya kax ma münlaxpule angamle tüikya hwom pupa hwom ochaxbu hato chatle chatdaoa; hwome ibu baozangbu to shwomle changdaoa. Kue hwom pupa hwom füi zingkya Tsaotsüt, Judah hia Israel nok pangnyie wüi amadaoa.

JEREMIA 32:30

Israel hia Judah nok pukax pongwang tokhange wüi, hwom mwot makhange ku ang mong amale hüipu.

EZEKEL 20:8

Ikoxle ngaithole hwome ku kax aba ilaxle ku kax ma münlaxpule angam. Hwome nushix dongkya hwom chapabu chiawüt chichangba Ijip nok baozangbu hwome danle chitox. Ijip nok towüi ku a hwom ang ku mongtsik janzüi komkaile apong ang tomüile achwon ngokya.

JEREMIA 44:9

Judah tingnubu hia Jerusalem tingjang lomnu to hünpu hünpa hwome, Judah nok wanghom wangcha hwome, tamchu hünzom hia hünzom kakonubue chichangchizang ochax mwot mokle changkyabu hünzome alakdao pia?

EZEKEL 20:13

Ikoxle sak-hax to ngaxchu hwome ngaithole ku kax ma chilaxle angam. Hwome ku wanlombu pünle awüt ilaxle ku kaxtombu kax ma chilaxle tüi; ibu tole jangchang thüikoxle hwom pangwüi ang khüzün tüisepa. Sak-hax ikhato wüi kue hwom ang ku mongtsik janzüi komkaile apong ang tom angkya tamchu olithule hwom amüt angkya ku achwonle tüikya.