TSAITONG-KAXTONG 9:6 - OTSAO BAIBEL (BSI)

⁶ Jowanpae hünzom ang ija haxzao füikya haxtok a hünzome ija kopkoxle asule tüikya khoma koxle ngokya münchang. Ile otuechu münchang, büthüikoxle hünzom a akax koxle ningle-khokhe chithüikyabu changhupu.

TSAITONG-KAXTONG 9:6 ပူးပေါင်းရင်းမြစ်များ

TSAITONG-KAXTONG 10:16

Idaile, athax makhange Jowanpa kax ma laxle tüilax ilaxle kheba chithüile taxngo.

WANGSHEMBU MWOT 7:51

“Hünzom a otukux kheba chithüikya thom hex!” Stefen-e akaxle pao: “Zang kaxho zongto hünzom a kün-hi-mong chitüikya ilaxle na chizaikya songsaribu ningle büle sütpuix. Hünzom chuwüi hünzom putong hwom lailai. Hwomechu othuithuima Otsao Chasa zünte!

TSAITONG-KAXTONG 31:27

Hwom chemtukuxle mongtsakle tamchu alün-aloxle tüipuix ija kue tiklax ngole. Ku ozün ma tüipongma wüi ibue Jowanpa zan to kale changpu ilaxle ku tokfüi ma tomning ibu onüi chichang-chizangle tüi angkya changle.

TSAITONG-KAXTONG 9:13

“Jowanpae ku ang thüi: ‘Ibu khünakbu chemtukux ningle-khokhe chitüikya khünakbu hex, kue awandaoa.

LAIPAO 32:9

Khünak ibu mong chemtukuxle mongkhüi mongdüihex kue awanle ngopu.

EZEKEL 20:44

Chemtue kue ku chuak-chongkya kho-awa angkya mwot mokle changüihex, hünzom Israel noke ku a Jowanpa changle le awan ang kopüi, chemthüikoxle kue hünzom füi hünzom chichangchizangle tüikya hia ochax mwotbue lomkya ningle kue hünzom to chihwon.” Jowanpa Khüthak Zang-e ija akaxdaoa.

EZEKEL 2:4

Hwome kax ma ojao münlax ilaxle ku chathua zakya ojao müntüi, ikhoma Jowanpa Khüthak Zang-e hwom füi chem akax angkya tüipuix, ija kax hwom hama apua ang kue nang tsanle apaopu.

MÜNCHUAK-TSAI 78:8

Hwom a hwom pupa hwom lailaile, alünle ajongle hia kax ma chilaxkya khünakbu ang chichangüi, chemthüikoxle Zang tokya hwom mongong ma chemtuechu shingmongle chichang ilaxle hwom a chialekya mongong füi chingotsuak.

2 PUKAX-PANGAO 36:13

Zang mün ma tsaotsüt ang chix atsangkya wanghompa Nebukadnezar zongto alünle Zedekiah ajong. Jowanpa, Israel nok Zang hato mongchatle münhüipu le chix mong angam.

2 PUKAX-PANGAO 30:8

Hwom lailaile mong taxtsak, ikoxle Jowanpa kax ma laxlax. Jowanpa, hünzom Zang-e othuithui hanpakma otsao ang zingle tüikya Jerusalem angkya Zangshwom-Hom to nguihüi, ilaxle chix ang otuechu hünzom füi küntsik-mongmakya chitüi angkya hanpakma chix to shwomle changhüi.

LAIPAO 34:9

Chixe thüi: “Nang otsingtomtata ma ku füi mongzom müikya jangchang, kue nang kwom füi tomle azuihüi le tsaiju-kaxjupu. Ibu khünakbu a kax ma chilaxkyabu changle, ikoxlechu kwome mokdaokya bao mwot hia ochax thailakkya tüifa. Kwom a nang khünaknu lüwüi pongle laxhüi.”

LAIPAO 33:3

Hünzom a hak-aluale tamchu haxzaoe awangle tüikya chaxwan to nguile ngoüi. Ikoxlechu ku tomtata a hünzom füi münpao, chemthüikoxle hünzom a kax ma chilaxle tüikya khünakbu changle. Ku azuile jangchang thüikoxle kue hünzom a lomba to wüi bakle amütle chu nakchang.”

EZEKEL 36:22

“Idaile athaxpi, hwom hanpakma ku, Jowanpa Khüthak Zang ma tüikya kaxho Israel nok hato laxkox. Kue chem mok angkya tüipuix ija a hünzom Israel nok hanpakmale münchang, ikoxle hünzom apaopao pangnu khato amale thomdaokya ku otsao mün hanpak ang changpu.

TSAITONG-KAXTONG 3:18

“Ipongpong ma wüi, kue hwom ang ibibi zangwün adangle fa: ‘Jowanpa kem Zang-e hünzom ang Jordan zongma handünchi haxtok kop ang koxdaoa. Athax a hünzom mixtsak naomüibu akhyep-adi lax ilaxle ma füikya Israel nok homjenbu thoma achale Jordan shuanu talaxle, ibue chaxwan kopkya to fong ang achale le e nui angkya kaxtom laxkox.

TSAITONG-KAXTONG 9:24

Kue hünzom awan ang kopkya owangpong tokhange wüi hünzome Jowanpa zongto alünle hüi.