TSAITONG-KAXTONG 9:26 - OTSAO BAIBEL (BSI)

²⁶ Ilaxle kue zangjop, ‘Jowanpa Khüthak Zang, nang tsak-zong chongkya füi azün laxle Ijip nok tokya danle apüikya nang khünaknu max ang taxtom.

TSAITONG-KAXTONG 9:26 ပူးပေါင်းရင်းမြစ်များ

MIKNGÜN-OHÜN 5:9

Hwome tsaizün ile ngao: “Laitün lax üntoxle, shintop dap ang asule tüile; chemthüikoxle nang a lang daoa, tö koxle nang zikya füi; nange Zang hanpakma, pangnu jat-li tamchu kax-ngao; chaxwan longkho hia li-kan tokya, khünaknu shakdaoa.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

JEREMIA 14:21

Nang kaxtsaobu texle ataklax ilaxle kwom ajaole tax-awüt; Jerusalem hato thajao-wünhai taxahüikox, ikha a fuazangkya nang nui-ting changle. Nange kwom füi zingkya Tsaotsüt amale taxchang.

MÜNCHUAK-TSAI 107:2

Ija kaxfa Jowanpa achuakle chatchatnaole zexkox, chixe khosünkyabu hünzom pangnue. Chixe zanpabu chak tokya hünzom azünle kople

LAIPAO 15:13

Nang tsaotsüt lailaile, nange paole azünkya khünaknu lom azüi; nangtsak-nangzong makhange nang otsao chaxwan to hwom lomzun.

IBRI 9:12

Otue Khrista ija Nyihom to ngui üntoxle tamfangma tamchu nok hanpakma Atax le Tsaokya Nui to dongpuix, chixe tö kox ang zwon üntoxle maihu ajibu chikop; itülüi, chixe ma aji kop üntoxle kem hanpakma oshuk chitüikya khosün atak.

MIKA 6:4

Kue hünzom Ijip nok tokya alaile apüipu; kue hünzom da ang ngokya azünpu; hünzom lomzun ang kue Mosa, Arun hia Mariam hwom akatpu.

ISAIA 63:19

Nang ang kwom lompa ang tam chichangkya tukuxle nange kwom to mok, kwom a otuechu nang khünaknu chichang toxkya ningle hwon.

ISAIA 44:23

Mongmüile akhong kox, hünzom zangdingkhobu! Akhongkox, haxmong to zukyabu kha! Mongmüi to akhong kox, haxnubu, ilaxle fao ma tüikya pün-zua pangwüi! Jowanpae chix chongkya ahodaoa chix khünaknu Israel nok khosünkya makhange.

MÜNCHUAK-TSAI 106:23

Chemtue Zang-e chix khünaknu amütüile thüipuix, ipongma chixe zünle kopkya Mosa Zang füi apüile ajong ilaxle hwom olithule amase chix mongtsik abaxle achat.

MÜNCHUAK-TSAI 99:6

Mosa hia Arun nyi a chix zompu-zangpa changkya, ilaxle Samuel a tuita chix to jopkya mix changkya; hwome Jowanpa to nyak ilaxle chixe hwom kax to lan.

MÜNCHUAK-TSAI 77:15

Nang tsak-zong makhange nange nang khünaknu khosün, Jakop hia Jusep su-sa hwom a. Selah

NEHEMIA 1:10

“Jowanpa, ibu a nang dabu changle, nang khünaknu a. Nang tsak-zong chongkya füi nange hwom khosünle koppu.

1 WANGHOMBU 8:51

Hwom a tüle zaxle chuale ngokya Ijip nok wünkham khatokya alaile apüikya nang khünaknu jao changpu.

2 SAMUEL 7:23

Hwom nang khünaknu ang lax angkya hanpakma Israel nok lailaile da ang ngokya nange danle changkya chaxwannu mama jat-li owachu müntüi. Hwom hanpakma nange mokkya chongkya tamchu ohünotün mwotbu tokhange nang mün chongkya zangfang pangnu khato ule. Nang khünaknu ang, Ijip nok chak to da ang ngokya nang khünaknu nguikya zuma nange mixjat-mixli hia hwom baozangbu jwonle apao.

TSAITONG-KAXTONG 32:9

Ikoxlechu Jakop sixli hwom ang chixe jaoe chix kux ang süile koppu.

TSAITONG-KAXTONG 21:8

Jowanpa, Israel nok nang khünaknu to thailakkya tüihüi. Ijip nok tokya kwom khosünkya a nang changpu. Kwom ang thailak tüihüi ilaxle ija chemngax chichangkya khünak tuita zikmüt khoma hünlit kwom khangkho ma taxadüt.’

TSAITONG-KAXTONG 15:15

Hünzom chuwüi Ijip nok to da ang ngodaokya Jowanpa hünzom Zang-e danpu, ikhoma anyix kue hünzom ang ija kaxtom fapu.

TSAITONG-KAXTONG 13:5

Ikoxlechu Jowanpa, owae hünzom Ijip nok to da ang ngokya khosünle apüipuix, chix zan to ka angkya zangwün alaikya khünak owawa wünmang taipa chichangba aje-ahing jangtüi, chix a mik max ang tomkox. Iningkya mix a haxshix changpu; ilaxle Jowanpae hünzom ang ozün ma ngo angkya kaxtom fale tüikya khüzün lomtang angkya othai to hünzom zunle pao angkya a chix mwot chang koxpu. Chix a langle awüt angkya wüi changpu; ikoxtix hünzom a ija haxshix chak tokya azangle ngo ang thoüi.

TSAITONG-KAXTONG 9:29

Wünhax thüikoxle, nange nang tsak-zong chongkya füi, ma khünak ang lax ang Ijip nok tokya alaile zünle kopkya khünakbu a ibu changle.’

TSAITONG-KAXTONG 7:8

Ikoxlechu Jowanpae hünzom to mongkünle ilaxle chixe hünzom putong hwom füi tsaosax daokya otya ma thom angkya hanpakmale changle. Ikhoma chixe hünzom a chixtsak chix ong füi khosün laxle Ijip nok wanghompa chak tokya da ang ngokya dale paopu.

LAIPAO 34:9

Chixe thüi: “Nang otsingtomtata ma ku füi mongzom müikya jangchang, kue nang kwom füi tomle azuihüi le tsaiju-kaxjupu. Ibu khünakbu a kax ma chilaxkyabu changle, ikoxlechu kwome mokdaokya bao mwot hia ochax thailakkya tüifa. Kwom a nang khünaknu lüwüi pongle laxhüi.”

LAIPAO 33:13

Nange ile jangtex thüiningle, ku hama nang mongtex apuale fahüi, chemthüikoxle kue nang thothale ang mong amüile ngo angkya hanpakma. Tamchu texle atak hüi, ija khünaknu a nange ma khünaknu ang lax ang zünle kopdaokya changle.”

TSAITONG-KAXTONG 9:27

Nange nang dapa Abraham, Isak hia Jakop hwom texle ataklax, ilaxle ibu ningle-khokhe chithüikya khünakbu chichang-chizang mwot hia ochax to mongjao koxle taxngo.

1 SAMUEL 7:9

Samuel-e chun hosa tuita lang ilaxle otom makhange zokle ashunle Jowanpa ang tö kox. Ifüima chixe Israel nok to mohimankox-ole Jowanpa to zangjop. Jowanpae chix zangjop to lan.

1 WANGHOMBU 8:53

Nange hwom a khünaknu pangnu kha angkya nang khünaknu ang kamle kopkyabu changle; ija kax nange nang dapa Mosa makhange, Ijip nok tokya hwom alaile apüi pongma angaidaoa.”

MÜNCHUAK-TSAI 78:35

Zang a hwom kho-awapa changkya, ilaxle hwom to fong ang Khüthak Zang hwom to fong ang nguikya hwome texle atak.

JEREMIA 15:1

Ifüima Jowanpae ku füi akax: “Mosa hia Samuel hwom ikhama ku ma tsaiju-kaxjule ajongle tüikoxchu, kue ibu khünaknu to chingcha ojao münaho. Hwome pao ang tomkox; hwom ku miktho angkya apaokox.

MANGSOP 2:20

Hulax, O Jowanpa! Nange kwom to ile büthüikoxle sikangün ngopu? Mixnu hwome mongkünle tüikya naosom hwom müi saxle ngole! Nguapabu hia ajebu a Zangshwom-Hom jaoma mik amütle.

TSAITONG-KAXTONG 9:12

“Ifüima Jowanpae ku ang akax, ‘Haxnukho tokya momle julax, chemthüikoxle nang khünaknu, opang nange Ijip chaxwan tokya apüipuix, ibu khünaknu a chisumüikyabu ang achangdaoa. Kue hwom ang moklax-ole koxkya kaxtom füi hwom atsaidaoa, ilaxle hwome ma hanpakma alüile chapabu zingdaoa.’

MÜNCHUAK-TSAI 28:9

Jowanpa, nang khünaknu khosünhüi, opangpang nang kux hex ibu to mohimanhüi. Hwom chunnyetpa ang nang changhüi, ilaxle othuithuima hwom to humele changhüi.

MÜNCHUAK-TSAI 57:1

Ku to chingcha hüi, O Zang, ku to chingcha hüi, chemthüikoxle ku a nang hato khosün lomle nguipu. Tüle zongkya tinu-tichap madang-madangle, nang zangkhung ma kue khosün koppu.