TSAITONG-KAXTONG 9:2 - OTSAO BAIBEL (BSI)

² Hwom khünaknu jaojao chuwüi tüle tomchong hualokya mixtsak-naomüibu changpu; hwom a Anakimbu changpu, ilaxle hwom füi alünle owachu ajong ang münthole hünzome atatle hüipu.

TSAITONG-KAXTONG 9:2 ပူးပေါင်းရင်းမြစ်များ

HUAKE LAIPEX 13:22

Pongwang ma hwom a shuathongchi haxsüt to ngui, ifüima Hebron to ngui, ilaxle ikhato Anakim sasün Ahiman, Shehai hia Talman hwom tüikya. (Hebron a Ijip nok tokya Zoün füi zanglao anüt thoto zingle tüikya.)

NAHUM 1:6

Chemtue chix mongtsikpuix, ozün ma owa ngothoüi? Khompua-atsikkya chix mongtsik chak tokya owa azang thoüi? Chixe wünle ningkya chix mongtsik thokle adüt; chix tunthoma longnubu haxbu ang achangle akhix.

DANEL 11:16

Hwom tingtakle nguikya Siria khünake hwom to chix mongtextex ma hwonüi, chix füi alün angkya mix chitüiüi. Chix a Tsaotsüt Haxtok ma ajongüi ilaxle chix chak ma pangwüi kopüi.

DANEL 8:4

Kue ija chunlae ozong füi, hannop, shuakux hia shuathong, ibu chito thukya to hule ngo. Chemningkya müiechu ija abax ang chitho chichangba chix tsak-zong thoto paole azang ang chitho. Chixe chix mongtsutsu ma mok ilaxle owachu e-sele chichang.

JOB LAIPEX 11:10

Kop üntoxle Zang-e nang kaxfün nui to apüile jangchang, chix abaxle tui angkya owa tüi?

TSAITONG-KAXTONG 7:24

Chixe hwom wanghombu hünzom tsak-zong chak to koxüi. Hünzome hwom langle awütüi, ilaxle ibu alakle awütdaoüi. Hünzom to owaechu abax ang münthopu; hünzome pangwüi amütüi.

TSAITONG-KAXTONG 2:21

Hwomchu Anakim hwom füi tomwüile tomchong-hualole tüikya. Ibu khünak huanuma tüikya, ilaxle hwom a mixtsak-naomüi likan tuita changkya. Ikoxlechu Jowanpae hwom max ang tom, ikhoma Amor noke ibu haxtok lax ilaxle ikhato ngole hüi.

HUAKE LAIPEX 13:33

ilaxle kwome ikhato tomchong-hualole tüikyabu ngaxchu ngün ang kople, ibu a Anakim su-sa hwom changle. Hwom tuto kwom a kuksa-luksa pong ang achangle hixle paole, ilaxle kwome hwom to ibukuxle hu angkya wüi ang changle.”

HUAKE LAIPEX 13:28

Ikoxlechu ikhato tüikya khünakbu a tüle mixtsak-naomüibu changa, hwom tingnubu chu tüle chongle tüile ilaxle shingmongle pan zailaxle ziakople tüile. Tamtai lechu kwome tomchong-hualole tüikya likanbu ikhato ngünle toxle.

LAIPAO 9:11

Hing twonmixbu Mosa pomtho to ngui ang chithole chang chemthüikoxle mama Ijip nokbu ningle hwom tochu mak-chake awangle chang.

TSAITONG-KAXTONG 1:28

Kem ikhato chemto pao angkya? Kem zapu. Keme zyet ang apaokya khünakbue, ikha tokya khünakbu a kem füi huanuma tsak-zongle tüile tamchu hwom a zangkho alople long katuk swonlaxle ziakople tüikya tingnubu ma ngole le thüile. Hwome ikhato mixtsak-naomüibu ngün ang kopkya mo wünle!’

JIHUSUA 11:21

Ipongkhae Jihusua paolaxle tomchong hualo li Anakim nok amüt. Hwom a Hebron, Debir, Anab, ilaxle Judah hia Israel nok haxhua pangnu khato ngokya haxhua nok changkya. Jihusua-e hwom üntoxle ibu tingnu komkaile amüt.

JIHUSUA 11:22

Israel haxtok ma Anakim nok mixhuak tuita chitox; ikoxlechu Gaza, Gath hia Ashdod, ibu to hidaopong danle tox.

JIHUSUA 15:14

Kaleb-e tingnu angkya Anak sixli jwonle apao: ibu a Sheshai, Ahiman ilaxle Talmai homjenbu changkya.

AMOS 2:9

“Ikoxlechu, ku khünaknu, kue Amor nok komkaile amütkya a hünzom hanpak ang changkya. Ibu a pünjang büta tsua ilaxle zak pünnu lailaile thongmong le tüikya.