TSAITONG-KAXTONG 9:19 - OTSAO BAIBEL (BSI)

¹⁹ Ku a tüle shixkya Jowanpa mongtsik thua zale ngo, chemthüikoxle chix a hünzom owüiole amüt tangle mongtsikle chang; ikoxlechu Jowanpae ku kax to tamchatle na tha.

TSAITONG-KAXTONG 9:19 ပူးပေါင်းရင်းမြစ်များ

TSAITONG-KAXTONG 10:10

Ami owangpongkya lailaile ku haxnukho to nyix-punyi wün-punyi nui. Jowanpae tamchatle ku zangwün to natha ilaxle hünzom münamütpu le zangwün tsuak.

MÜNCHUAK-TSAI 99:6

Mosa hia Arun nyi a chix zompu-zangpa changkya, ilaxle Samuel a tuita chix to jopkya mix changkya; hwome Jowanpa to nyak ilaxle chixe hwom kax to lan.

LAIPAO 33:17

Jowanpa Mosa ang thüi: “Nange chemle akaxpuix iningle kue moküi, chemthüikoxle kue nang komkai tsinglax ngopu tamchu nang füi ku mongzom müihupu.”

LAIPAO 32:14

Ikhoma Jowanpae chix mong alüix ilaxle chixe hwom ang koxüihex-ole azakya thama hwom hato hüi ang chitom.

MÜNCHUAK-TSAI 106:23

Chemtue Zang-e chix khünaknu amütüile thüipuix, ipongma chixe zünle kopkya Mosa Zang füi apüile ajong ilaxle hwom olithule amase chix mongtsik abaxle achat.

TSAITONG-KAXTONG 9:8

Sinai Haxnu ma chuwüi hünzome ma mik maxtangle Jowanpa ang mong atsikpu.

IBRI 12:21

Ija osün ngünkya tüle-tüle za-adünkya changkoxle Mosa-e thüi: “Ku abünle üntoxle zale.”

LAIPAO 34:10

Jowanpae Mosa ang thüi: “Athax kue Israel khünaknu füi Tsaotsüt laxpu. Chaxwan tokma owa chaxwan tochu ile otuechu machangkya ohünotün mwot kue hwom miksho ma mokle ahoüi. Jowanpa kue mok ang thokya chem tukux khomtsikya mwot hex, ija khünaknu pangnusae ngün ang kopüi; chemthüikoxle hünzom hanpakma kue ohünotün mwotbu mok angkya changle.

TSAITONG-KAXTONG 9:20

Jowanpa ang Arun füi chuwüi chix mik max ang tomüile jao mongma, idaile ipongma kue Arun hanpakma chuwüi zangjoppu.

TSAITONG-KAXTONG 11:17

Hünzome ile jangmok, Jowanpa ang hünzom füi mongtsikkya tüiüi. Chixe zangwat tsyenle tüiüi, ikoxle hünzom haxtok a manzai ang ojao chimüile tüle tsakle maüi. Ile, chixe hünzom ang fale ngokya haxtok tüle müikya haxtok chang koxlechu, lebama wüi hünzom ikhato samüi.

MÜNCHUAK-TSAI 78:59

Chemtue ija ngünpuix, Zang ang mongtsik dong, ikhoma chixe chix khünaknu komkaile awüt.

HUAKE LAIPEX 11:2

Khünaknue Mosa nyakle chingchahüile akhong; hwome Jowanpa to zangjop ikoxle wün maxle pao.

MÜNCHUAK-TSAI 106:19

Hwome Sinai haxnu ma hun füi maihupong tuita zing ilaxle ija chapa to shwom;