TSAITONG-KAXTONG 9:12 - OTSAO BAIBEL (BSI)

¹² “Ifüima Jowanpae ku ang akax, ‘Haxnukho tokya momle julax, chemthüikoxle nang khünaknu, opang nange Ijip chaxwan tokya apüipuix, ibu khünaknu a chisumüikyabu ang achangdaoa. Kue hwom ang moklax-ole koxkya kaxtom füi hwom atsaidaoa, ilaxle hwome ma hanpakma alüile chapabu zingdaoa.’

TSAITONG-KAXTONG 9:12 ပူးပေါင်းရင်းမြစ်များ

KAXFÜNPA-HWOM 2:17

Ikoxle Israel noke hwom lompabu kax machu chilax. Israel nok kax machu chilax, Israel nok ma mongong chitüile chang ilaxle mixnok baozangbu to hwome shwom. Hwom hopa hwome Jowanpa kaxtom kax ma laxle tüihukya, ikoxle ija tsünzün thome ile changkya ochwonpai ma zakle max.

TSAITONG-KAXTONG 31:29

Ku zile paokya füima khünaknu a tüle chichang-chizangle tüi angkya tamchu kue anwot-anole koxkyabu hwome chilaxle awütüi. Athax füichima hwome thama füi apongle laxüi, chemthüikoxle chixe taxmokle abaxkya mwot mokle changkya tokhange ipongma hwome Jowanpa ang mong atsikle changdaoüi.”

GALATIA 1:6

Hünzom ma ku abüt maxle! Khrista chingcha makhange hünzom ahyenle kopkya mix hünzome ochwon ma awüt, üntoxle mama kaxho mix pongle kop!

HOSIA 6:4

Ikoxlechu Jowanpae thüi: “Israel hia Judah, kue hünzom füi chem moküi? Hünzome ku to mongkünkya swomsa fwomtyen lebama paole samkya ningle; ija a swomsae wüi zuale paokya nyenti ningle.

JUD LAIZA 1:10

Ikoxle ibu khünake hwome ngaxchu chitsingkyabu ang kaxma thüi üntoxle hwontüi jezai le chichangkya müibu ningle, pangnu li hwome jaopo makhange awanle laxle ilaxle ibue hwom amütle.

MÜNCHUAK-TSAI 78:57

ikoxle hwom pupa hwom lailaile hwom chuwüi alün-aloxle kax ma chilaxle tüi, kwomkexkya san kia to ong ang chimüikya ningle.

TSAITONG-KAXTONG 32:5

Ikoxlechu hünzom a mongong chitüikyabu, chix khünaknu ang chang koxle chiasukyabu, ochax tamchu tsetselopkya jat-li.

TSAITONG-KAXTONG 9:16

Jowanpa hünzom Zang-e fakya kaxtom kax ma chilaxle, hünzome ma hanpakma jan makhange maihupong lailaile chapa zingle alailaxle ochax lyenle changdaoale kue ngün ang kop.

TSAITONG-KAXTONG 4:16

ija a hünzome chapa tüta ningle chu: lüka ningle wüi changlax sheko ningle wüi changlax,

LAIPAO 32:1

Haxnukho tokya Mosa lwomle chichatle okuilole ngokya zuma khünaknue Arun hama asox ilaxle chix ang thüi: “Ijip nok tokya kwom zunle alaikya mixsün Mosa to chempang wüi changle ngoüntüi kwome müntsingtsuak; idaile kwom lomzun angkya baozang tüzinghüi.”

LAIPAO 13:3

Mosa-e khünaknu ang thüi: “Anyixkya hanpak texle ataklax. Ija nyix kha, Ijip nok to da angkya danle toxlaxle hünzom laile paopu. Ija a Jowanpae chongkya chixtsak-chixzong makhange hünzom alaile paokya din changle. Ija nyix twonkhax awonkya an owaechu chisax angkya changle.

TSAITONG-KAXTONG 5:15

Hünzom a Ijip nok to da ang ngole tüikya, ikoxle Jowanpa hünzom Zang kue kutsak-kuzong füi hünzom khosünpu, ija taxalak. Ija khoma kue hünzom ang Sabath nyix atsaole nui angkya kaxtom koxpu.

TSAITONG-KAXTONG 9:26

Ilaxle kue zangjop, ‘Jowanpa Khüthak Zang, nang tsak-zong chongkya füi azün laxle Ijip nok tokya danle apüikya nang khünaknu max ang taxtom.

TSAITONG-KAXTONG 9:29

Wünhax thüikoxle, nange nang tsak-zong chongkya füi, ma khünak ang lax ang Ijip nok tokya alaile zünle kopkya khünakbu a ibu changle.’