TSAITONG-KAXTONG 9:1 - OTSAO BAIBEL (BSI)

¹ “Israel khünaknu, apalax! Anyix hünzome Jordan shuanu tale lelaxle hünzom füi ngaxchu süchongkya tamchu sütsak-süzongle tüikya jat-libu chaxwan le ngole hüikya haxtok hünzome laxüikhakha. Hwom tingnubu a tüle chongle ilaxle hwom panbu a zangkho to thule long füi tuklaxle tüile.

TSAITONG-KAXTONG 9:1 ပူးပေါင်းရင်းမြစ်များ

TSAITONG-KAXTONG 11:31

Jowanpa hünzom Zang-e fale ngokya haxtok kop ang hünzom a Jordan shuanu taüi khakha. Chemtue hünzom ija kha aloplaxle ikhato ngoüihex,

TSAITONG-KAXTONG 4:38

Hünzom süsox-süsoxle soxle hüikya zuma, chixe hünzom füi süchong tamchu tsak-zongle tüikya jat-libu jwonle apao, ikoxtix chixe hünzom ang ibu haxtok kox ang tsuak angkya daile, ija haxtok a athaxchu hünzom haxtok hex-olejao ngo angkya changpu.

TSAITONG-KAXTONG 1:28

Kem ikhato chemto pao angkya? Kem zapu. Keme zyet ang apaokya khünakbue, ikha tokya khünakbu a kem füi huanuma tsak-zongle tüile tamchu hwom a zangkho alople long katuk swonlaxle ziakople tüikya tingnubu ma ngole le thüile. Hwome ikhato mixtsak-naomüibu ngün ang kopkya mo wünle!’

JIHUSUA 1:11

pom pangwüi to aham angkya ilaxle khünaknu füi akax angkya kax koxle thüi: “Osüt-oling muapong achwonlax, chemthüikoxle nyix azom ma wüi hünzome Jordan shuanu talaxle Jowanpa hünzom Zang-e hünzom ang koxle ngokya haxtok lax angkya changle.”

TSAITONG-KAXTONG 11:23

Ile jangchangba hünzom nguikya füi tomle chixe mixjat-mixlibu pangwüi jwonle apaoüi; ilaxle hünzome hünzom füi süluile tamchu tsak-zongle tüikya haxtokbu kople lax ang thoüi.

TSAITONG-KAXTONG 7:1

“Jowanpae hünzom a, hünzome kop angkya haxtok to apüiüi, ilaxle chixe ikha tokya jat-libu jwonle apaoüi. Chemtue hünzom soxle nguiüihex, chixe hünzom füi süchongkya tamchu tsak-zongle tüikya jat-libu anüt jwonle apaoüi; ibu a: Hit nok, Girga nok, Amor nok, Hip nok ilaxle Jebu nok le changüi.

TSAITONG-KAXTONG 3:18

“Ipongpong ma wüi, kue hwom ang ibibi zangwün adangle fa: ‘Jowanpa kem Zang-e hünzom ang Jordan zongma handünchi haxtok kop ang koxdaoa. Athax a hünzom mixtsak naomüibu akhyep-adi lax ilaxle ma füikya Israel nok homjenbu thoma achale Jordan shuanu talaxle, ibue chaxwan kopkya to fong ang achale le e nui angkya kaxtom laxkox.

JIHUSUA 4:19

Khünaknue Jordan shuanu pongwang angkya lyetnu nyix bün lükya to tale le ilaxle Jeriko zongma handün chikao, Gilgal ma pom zaile athong.

JIHUSUA 4:5

ilaxle chixe hwom ang thüi: “Jowanpa Tsaotsüt Suak thoma achale Jordan shuanu tole-kox. Hünzom pangnue ma suakto ma longtom tuipong, Israel nok homjen foto tuipong ang tswonle apüikox.

JIHUSUA 3:16

jenle ngokya ti thumle jongta khama afox ilaxle Zerethan zui angkya Adam tingnu alople anongle jenle dong. Omang Tinu jenle jukya tijen owüiole zop, ilaxle Jeriko zui makhange khünaknu tale le ang tho.

JIHUSUA 3:14

Ipongma tsaxzüt tukha, shuanu a tichene lyemle tüikya. Chemtue khünaknue Jordan shuanu ta angle hwom pombu danle toxpuix, Tsaotsüt Suak pailaxle nguapabu thoma le. Nguapabue ti to tingkya füi tomle,

JIHUSUA 3:6

Ifüima chixe nguapabu a ija Tsaotsüt Suak koplaxle khünaknu thoto achale le angkya akax. Hwome chix kax ma laxle mok.

TSAITONG-KAXTONG 27:2

Jordan shuanu talaxle, Jowanpa hünzom Zang-e hünzom ang koxle ngokya haxtok to nguikya zuma, hünzome züizüi longnu chongkyabu athünlaxle ija to chwople anünlax,

HUAKE LAIPEX 13:22

Pongwang ma hwom a shuathongchi haxsüt to ngui, ifüima Hebron to ngui, ilaxle ikhato Anakim sasün Ahiman, Shehai hia Talman hwom tüikya. (Hebron a Ijip nok tokya Zoün füi zanglao anüt thoto zingle tüikya.)

PONGWANG LAIPEX 11:4

Ifüima hwome thüi: “Kem mün naxngo ang tamchu kem fong chifan angkya hanpakma, oman, kemepi tingnu tuita zingle alaihax ilaxle ikhama ding to thukya longhom tuita zaile alaihax.”

TSAITONG-KAXTONG 6:10

“Jowanpa hünzom Zang-e chemle hünzom putong Abraham, Isak hia Jakop hwom füi, chongkya hia ahak-aluale tüikya tingnubu oja hünzome zingle alaikya münchanghex, ibu füi tüikya haxtok koxüile tsaosaxkya ningle changpuix,

DANEL 4:11

Ija süchong süchongle chongle zangdingkho to thu ilaxle zangfang pangnu khato khange ija ngün ang tho.

LAIPAO 32:1

Haxnukho tokya Mosa lwomle chichatle okuilole ngokya zuma khünaknue Arun hama asox ilaxle chix ang thüi: “Ijip nok tokya kwom zunle alaikya mixsün Mosa to chempang wüi changle ngoüntüi kwome müntsingtsuak; idaile kwom lomzun angkya baozang tüzinghüi.”

HUAKE LAIPEX 33:51

Israel khünaknu hanpakma ibibile adangle fa: “Chemtue hünzome Jordan shuanu tale Kanan haxtok to nguiüihex,

TSAITONG-KAXTONG 4:1

Ifüima Mosa-e khünaknu ang thüi: “Kue hünzom ang anwot-anole ngokya wanlombu pangwüi kax ma laxle tüilax, ilaxle hünzome, Jowanpa, hünzom putong hwom Zang-e hünzom ang koxle ngokya haxtok kop ang thoüi.

JIHUSUA 1:15

Jordan shuanu zongma hannopchi haxtok koplaxle tingtan nokzingle changkya kople hwom to asunle azanüi. Chemtue chixe Israel homjen pangwüi ang khosün fale tsuaküihex, ifüima hünzom chatlaxle, Jowan dapa Mosa-e hünzom ang koxle toxkya haxtok, Jordan shuanu zongma tsaxchi ma hünzome tingtan nokzingle ngo ang tsuaküi.”

JIHUSUA 14:12

Jangchangba athaxpi, ku füikya khünakbu hia kue ija kaxwün wangpongma Jowanpae koxüihex-ole tsaosaxdaokya haxhua chikao haxtok ku ang laxhüi. Ipongma kwome nang hama Anakim le tomchong-hualo li, tüpong-tüpong tütle tingnu pan zailaxle tüile le apuapu. Jowanpa wüi ku füi ngohüi, ilaxle Jowanpa kax lailaile kue ibu jwonle apaoüi.”

AMOS 2:9

“Ikoxlechu, ku khünaknu, kue Amor nok komkaile amütkya a hünzom hanpak ang changkya. Ibu a pünjang büta tsua ilaxle zak pünnu lailaile thongmong le tüikya.