TSAITONG-KAXTONG 8:2 - OTSAO BAIBEL (BSI)

² Jowanpa hünzom Zang-e hünzom zanglao punyi mong ma sak-hax faonu akaile chemle azuile apüipuix; hünzom mongjang awan ang tamtampong chixe sikngün apong ang tom, imakhange, hünzome chix kax ma laxle chitüi hia tüi ija awanle lax.

TSAITONG-KAXTONG 8:2 ပူးပေါင်းရင်းမြစ်များ

JAKOP 1:3

chemthüi-koxle iningkya thwontsing to otue hünzome mongong makhange lütüihex, izuma adu tsuak angkya zong alaile.

1 PITAR 1:7

Ibu a nang mongong ojing tomtata changle le aho angkya hanpakma changle. Ma ang tho angkya hun tangtang ngaxchu wün füi wanle anole; ilailaile nang mongong oja hun füi thanu achongkya hex, Ija a adukya alai angkya kuxma, wan angkya jaojao changle. Ile changkoxtix Jisu Khrista ngaikya nyix nange achuak achenkya, fuazangkya üntoxle chathua zakya kopüi.

TSAITONG-KAXTONG 8:16

Sak-hax to, hünpu-hünpa hwome ngaxchu saxle ma-anokya mana süt chixe hünzom ang asütpu. Chixe hünzom ang müikya mohiman koxle ashuk angle, hünzom to thwontsingle, hünzom hato sikngünbu chu apüile fapu.

LAIPAO 16:4

Jowanpae Mosa ang thüi: “Athax kue hünzom pangnu hanpak ang süt zangwat ningle ding to khange düt ang tomüi. Khünaknue paolaxle nyixfole ija nyix saxtangtangle tswonle athünüi. Ija ningle hwome ku kaxtombu kax ma laxle changcha ang wanle anoüi.

TSAITONG-KAXTONG 2:7

“Chemthüikoxle Jowanpa nang Zang-e hünzom mwot pangnu lom ma hünzom to mohimanle hüidaoa; ipong chongkya faonu mong akaile ahamkya chixe awan ngole; ibu zanglao punyi mong ma Jowan Zang hünzom füi womle tüikya, ipongma hünzom chemmachu tui-nole chichang.

2 PUKAX-PANGAO 32:31

Babilon nok alixachong tuita, ija haxtok ma khomtsikyabu apongle hüidaokyabu bama opaktikle lax ang nguipongma chu, chix chemningkya mix hex, ija awanle kop angkya hanpakma Zang-e Hezekiah-e a chix mongmong ma danle ano.

LAIPAO 15:25

Mosa-e chingcha jule Jowanpa to zangjop. Ifüima Jowanpae chix hato pün tuita aho. Ija pün chixe ti to awüt, ifüima ti a ling ang müile achang. Ikhato Jowanpae hwom ang hwom ngo angkya wanlombu kox. Ibu wanlombu makhange Jowanpae hwom to thwontsingle ano.

JAKOP 4:10

Jowanpa thüntho ma hünzom puinai le tüilax, ile jangchangba chixe hünzom asale nwonüi.

JUHAN 2:25

Chixe khünaknu nok thwonlop laxle ngokya daile owaechu chix hama hwom bama apuale fango angkya mwot chitüi.

JAKOP 4:6

Ikoxlechu chixe fakya chingcha ifüi sütsexkya changle. Chemthüikoxle Otsao Lai-e thüile: “Ngamkyabu to Zange abaxle, ikoxle puinaikybu ang chixe chingcha fale.”

TSAITONG-KAXTONG 29:5

Zanglao punyi atale Jowanpae hünzome sak hax akaile azüi. Ipongma hünzom nyi-za hia chisoxbu buile pao ang chitom.

KAXHO MÜIKYA LUK 18:14

Jisu-e thüi: ‘kue hünzom ang thüipu, Farisi mixsün füi süisai mix wüi Zang miksho ma sule hom to chat. Chemthüikoxle owa malualua to bong-chongüi hex, chix ahixkya ang achangüi; ikoxle owa malualua to hixkya ang achangüihex, chix chongkya ang achangüi.’”

AMOS 2:10

Kue hünzom Ijip nok tokya alaile apüipu, ilaxle zanglao punyi kue hünzom a sak-hax akaile lomzunle hüipu, ilaxle Amor nok ngokya haxtok hünzom haxtok ang koxpu.

ISAIA 2:17

Khünaknu mongngam ashuküi, ilaxle khünaknu mongngam amadaoüi. Chapabu a komkaile maxüi, ilaxle ija nyix a Jowanpa, chix tata tix achuak-achenüi.

WANWÜNKAX 17:3

Hun hia khopbu a wün füi wanle anopu, ilaxle khünaksa kün-mong a Jowanpae wanpu.

MÜNCHUAK-TSAI 136:16

Chixe chix khünaknu sak-hax makhange alyet; chix mongkün ma oshuk müntüi.

MÜNCHUAK-TSAI 106:7

Ijip nok to kwom pupa hwome Zang ohünotün mwotbu chitsingtsuak; chixe hwom hama obithomthom ma hexle ahokya hwom tokya chix mongkün hwome alakle asam, ilaxle Khikya Tinu Shinthuk ma hwome Khüthak Zang füi alünle chang.

MÜNCHUAK-TSAI 81:7

Chemtue hünzome sikngün apongle changpuix, hünzome ku sepu, ilaxle kue hünzom khosünle koxpu. Zangchei-zangfwom nukto ku azwonle ngokya khato khange kue hünzom to lanpu. Meribah shua ma kue hünzom to thwontsingpu. Selah

MÜNCHUAK-TSAI 77:11

Nang mwot tüpong-tüpongkyabu kue texle ataküi, O Jowanpa; Kaitanto nange mokkya ohünotün mwotbu kue texle ataküi.

JOB LAIPEX 33:17

Hwome ochax lyenkya hia ngamkya abax angle, Zang-e hwom füi zangwünle.

2 PUKAX-PANGAO 33:12

Chix sikngün khato ngopongma chix puinaile chang, Jowanpa, chix Zang hato mongchat, ilaxle chix ma chingcha ju.

TSAITONG-KAXTONG 13:3

chix zangwün to natha angkya oli münchang. Jowanpa hünzom Zang-e chix a hünzom to thwontsing ang, hünzome chix to mongpak-fünthole mongkünkya changchale awan ang twonwüi.

TSAITONG-KAXTONG 7:18

Hwom thua taxza; Jowanpa hünzom Zang-e Ijip nok wanghom hia chix khünaknu hanpakma chempangle mokdaopuix ibu texle ataklax.

TSAITONG-KAXTONG 1:33

hünzom thoma thongnui lomle bang ang ngaxchu Jowanpa, chix wüi thoma achale bangpu. Hünzom ang lom aho ang hünzom thothoma, zangnak ma thongnu lailaikya wün ma ilaxle anyixningkya zangngai ma thong lailaikya zangfwom ma chix ahampu.

TSAITONG-KAXTONG 1:3

Hwome Ijip nok dantox füima zanglao punyi to lyetbün-ata lükya owang nyixkha, Jowanpae chix ang akaxle koxkyakya kaxtom pangwüi Mosa-e khünaknu hama wün.

PONGWANG LAIPEX 22:1

Ifüima alüile chingo homtoxle Zang-e Abraham to thwontsing; chixe Abraham nyak: “Abraham a!” Ilaxle Abraham-e lan: “Ui, ku ikhama tüile!”

MIKNGÜN-OHÜN 2:23

She füito azuikyabuchu wüi kue langüi, ifüima tix ku a pangnusa küntex mongjang awankya mix changpu le müimüithombue awan ang kopüi. Owae chemle mokdaopuix ima thütle kue hünzom pangnu ang omün achatle faüi.

2 PUKAX-PANGAO 33:19

Wanghompa zangjop hia ija to lankya Zang kaxlan, ilaxle chix künlop-monglüile changüi thoto chixe ochax lyenle: chichang-chizang mokkya changkya pukax, songsari baozangbu to shwomkya onuibu, chixe zaile alaikya baozangchanu Asherah muabu ilaxle chixe shwomle ngokya chapabu: ibu pangwüi bama Ajebu Pukax laipex ma tüile.

LAIPAO 16:35

Israel khünaknue mama zangpua 40 sax. Ija a hwome tingkop-haxzingle ating-anok angkya haxtok ha ma-alop ma-alople, thüikoxle Kanan haxtok longzi alople machang tanto saxle ngo.

LAIPAO 20:20

Mosa-e lan: “Taxza; Zang a hünzom to wan ang tamchu chix thuazale ngo ang tom angkya hanpakma nguiwüi; ile changkoxle tix hünzome ochax chilyen angkya chang koxle.”

HUAKE LAIPEX 14:33

Hünzom su-sabu a faokha to zanglao punyi samle aham ngoüi, hünzom khama akiale tsünlo ngokya mix mazi-mazile hwom hanpak ang ija a hünzome ku to chiongkya khoma sikngün apongkya ang changüi.

KAXFÜNPA-HWOM 2:22

Israel noke pupa hwom lailaile kax ma laxle ku lomtang ma chile hia leüihex, ija awanle lax angkya hanpakma kue hwom twonüi.”

KAXFÜNPA-HWOM 3:4

Hwom putong Mosa makhange hwom ang koxkya Jowanpa kaxtombu kax ma laxle chitüi hia tüi angkya bama, ibu a Israel nok thwontsing angkya hanpak ang ngoüi.

NEHEMIA 9:19

Ikoxlechu nange ija sak-hax to hwom danle chitox, chemthüikoxle nang chingcha a huanu chang koxle. Nange ija zangfwom hia wün hwom füi atsai ang chitom ikoxle ijae zangnak zangngai hwom lom azüi ang tom.

EZEKEL 20:19

Ku Jowanpa a hünzom Zang changle. Ku wanlombu tamchu ku kaxtombu kax ma laxle tüilax.

TSAITONG-KAXTONG 32:7

“Kaidaokyabu ajangle anolax, kaitokyabu a; chemle changdaopuix ija nang hama apua angkya manu-mapa hwom ma atüilax, kaipongkyabu bama wün ang taiko hwom füi akaxlax.

MÜNCHUAK-TSAI 103:2

Ku chasa, Jowanpa achuak kox! chix ma chemtukux mongkün-chingcha tüipuix ija taxalak.

JEREMIA 2:6

Hwome ku tüi jaojao chitex. Ijip nok tokya hwom kue sünle apüihupu ilaxle sak-hax faokha akaile kue hwom azuipu: Sak hia sak haxbange awangle tüikya haxtok, zuazoxkya hia thomzün tüikya haxtok ojong khato owachu chingo ilaxle owa ngaxchu ahamle chichangkya haxtok.