TSAITONG-KAXTONG 8:17 - OTSAO BAIBEL (BSI)

¹⁷ Idaile, hünzome chemtuechu ma azong-afa laxle matsak-mazong füi saxpu-luawang ang achangpule chemtuechu taxthüt.

TSAITONG-KAXTONG 8:17 ပူးပေါင်းရင်းမြစ်များ

TSAITONG-KAXTONG 9:4

“Jowanpa hünzom Zang-e hünzom hanpak ang ibu jwonle apao füima, hünzome ija haxtok kopkoxle asule tüikya khoma chixe hünzom ikhato ngui ang tompule hünzom taxakax. Ile münchang, ikoxle hwom a chichang-chizangle tüikya khoma, Jowanpae hünzom hanpak ang hwom jwonle apao ang thüipu.

1 KORIN 4:7

Hünzom owae süichappu? Nang ma atüitüi pangwüi Zange fakya münchang hichem? Jangchangba nangma tüikya hingho pangnu hingho chichangkya tukux nang ma tsaichong-kaxbong angkya chemtüi?

DANEL 4:30

chixe thüi: “Hulax Babilon a chemkuxma chongpuix! Ku tsak-zong hia ku janzüi, ku fuazang hia kuzax-kuzangkya aho ang kue ija tingnu a ku pongwün tingnu ang zingpu.”

HOSIA 12:8

Hwome thüile: ‘Kwom a tüinangle tüile. Kwome ma osho-jowan zingdaoa. Chichangkya lom tokhange ahak-aluakya changpule kwom to owae tsaitox-kaxfele chang ang müntsuak.’

TSAITONG-KAXTONG 7:17

“Hünzom füi hwom wüi süluile idaile hünzome hwom jwonle apao ang münthoüile ma mongto mongzang wünlaxle monghixkya taxtüi.

HABAKUK 1:16

Sha ibue hwom ang amüimüi apüile koxkoxle, hwome hwom shabu shwomle ibu hato töbu apüile koxtüi.

KAXFÜNPA-HWOM 7:2

Jowanpae Gideon ang thüi: “Nang füi tüikya khünaknu a Medi nok to lüt angkya hanpakma müimamale tüile. Hwom khünak lüikya khoma hwome ofüima matsak-mazong füi lüt ang thopule texüi tüile, ile chang koxle ku ang münchong chemchu chitüile changüi.

1 SAMUEL 2:7

Chixe züizüi zasa ang zing ilaxle mamabu a hakpa ang achang; chixe züizüi puinaile chang ang tom ilaxle mamabu a zaxzang ang tom.

MÜNCHUAK-TSAI 44:3

Nang khünakbue ija haxtok to hwom chang hwom paxbu füi lütkya chichangpu; hwome ija hwom tsak hwom zong füi lütkya chichangpu; nangtsak-nangzong füitix lütle tsuakpu, nang womle tüikya mongchen füitix tsuakpu, ijaetix hwom tokya nang mongkün ahopu.

HWON-NWOT-JAONO 9:11

Kue mama olichu ajangle lax, ija a, ija chaxwannu ma jento momle-momle zikkyabu tix longzi alop tsuakpu le münchang, ilaxle mongchongkya mixe tix zanhok ma anaopu le münchang. Jepabue kop-lole saxpu lechu münchang, tsing füikya mix ahak-aluapu le münchang, ilaxle tsuakkya khünak pangwüi alixachong ang achangpu lechu münchang. Shoma a pangnusa hato azutle hüipu.

1 SAMUEL 30:23

Ikoxlechu Dawid-e lan: “Kutüi kunao hwom, Jowanpae kem ang koxpu, ikha angkya to hünzome ile mok angkya oli münchang! Chixe kem khosünpu ilaxle zanpabu to lüt ang tompu.

JOB LAIPEX 31:25

chichangba kutüi-kunao hwom zongto ngamle münchang.

HWON-NWOT-JAONO 3:6

Chixe atak angkya hia amüt angkya hanpak tyale thompu, sünle kop angkya hia chilaxle awüt angkya hanpak tyale thompu,

JEREMIA 9:22

Mangbu a pangnukha to chiakle tüile, haxtok ma haxzao thokle athünpupule a, saxzüt mixbue zütle athop füima tokfüi to toxpu saxziak ningle, owaechu chitswonle saxtsang chiakle toxpupule a. Jowanpae ku ang akax ang tomkya zangwün changle.

EZEKEL 28:5

Nang jetax-hwonnüi füi tamchu manle thalexkya füi nange huanuma olüi koppule nang tüi-nang le changkya tok to ngamle changtüi.

DANEL 4:27

Idaile, wanghompa, ku kax ma laxlax. Ochax lyenkya zaklax, chem supuix ija moklax, ilaxle chitüi-chinang mix to chingchale changlax. Ile jangchang thüiningle nang tamchatle ahak-aluale chang ang tomüi.”