TSAITONG-KAXTONG 8:16 - OTSAO BAIBEL (BSI)

¹⁶ Sak-hax to, hünpu-hünpa hwome ngaxchu saxle ma-anokya mana süt chixe hünzom ang asütpu. Chixe hünzom ang müikya mohiman koxle ashuk angle, hünzom to thwontsingle, hünzom hato sikngünbu chu apüile fapu.

TSAITONG-KAXTONG 8:16 ပူးပေါင်းရင်းမြစ်များ

TSAITONG-KAXTONG 8:3

Chixe hünzom a woknuak ma aham ang tom; ilaxle hünzom pupa hwome chemtuechu saxle mawankya mana süt hünzom ang kox. Khünake ma ozün ma ngo angkya bama süt zaza to onglaxle ngo angkya oli münchang ilaxle Jowanpae chempangle akaxpuix, ibu füitix khüzün müile ngo ang kop angkya changle le tsingang tom angkya hanpakmale Jowanpae ile mok.

JAKOP 1:12

Thwontsing pongma adu ang thokyabu mohiman, chemthüikoxle otue hwome iningkya thwontsing kaile le ang thopuix, chix to mongkünkyabu ang koxüi hexo le Zange tsaole thomkya khüzün khohom hwome kopüi.

LAIPAO 16:15

Chemtue Israel khünakbue ija ngünpuix, hwome chem hex chiawan laxle “Ija chemli hex?”, le tata ma atüi. Mosa-e hwom ang thüi: “Ija aJowanpae hünzom ang koxkya süt changle.

1 PITAR 1:7

Ibu a nang mongong ojing tomtata changle le aho angkya hanpakma changle. Ma ang tho angkya hun tangtang ngaxchu wün füi wanle anole; ilailaile nang mongong oja hun füi thanu achongkya hex, Ija a adukya alai angkya kuxma, wan angkya jaojao changle. Ile changkoxtix Jisu Khrista ngaikya nyix nange achuak achenkya, fuazangkya üntoxle chathua zakya kopüi.

2 KORIN 4:17

Üntoxle ija onox ma kwome apongkya sikngüne, ija sikngün to nüile, kwom hato apyen ang jao chitsuakkya, chibak toxkya fuazang apüi angkya changle.

ROM NOK HATO ZAKYA POL LAIZA 8:28

Chix to mongkünkyabu, kem opang Zange chix mwot mok ang ahyenpuix, hwom füi Zange omüi hanpak paktikle mwot mokkya keme awanle.

PONGWANG LAIPEX 22:1

Ifüima alüile chingo homtoxle Zang-e Abraham to thwontsing; chixe Abraham nyak: “Abraham a!” Ilaxle Abraham-e lan: “Ui, ku ikhama tüile!”

LAIPAO 15:25

Mosa-e chingcha jule Jowanpa to zangjop. Ifüima Jowanpae chix hato pün tuita aho. Ija pün chixe ti to awüt, ifüima ti a ling ang müile achang. Ikhato Jowanpae hwom ang hwom ngo angkya wanlombu kox. Ibu wanlombu makhange Jowanpae hwom to thwontsingle ano.

LAIPAO 16:4

Jowanpae Mosa ang thüi: “Athax kue hünzom pangnu hanpak ang süt zangwat ningle ding to khange düt ang tomüi. Khünaknue paolaxle nyixfole ija nyix saxtangtangle tswonle athünüi. Ija ningle hwome ku kaxtombu kax ma laxle changcha ang wanle anoüi.

LAIPAO 16:31

Israel noke ija ang Mana le nyak; ija a thothole otsangsa lailaile, saxkya zongma nax-ti awutle zingkya an lailaile tijongle tüikya.

TSAITONG-KAXTONG 8:2

Jowanpa hünzom Zang-e hünzom zanglao punyi mong ma sak-hax faonu akaile chemle azuile apüipuix; hünzom mongjang awan ang tamtampong chixe sikngün apong ang tom, imakhange, hünzome chix kax ma laxle chitüi hia tüi ija awanle lax.

TSAITONG-KAXTONG 13:3

chix zangwün to natha angkya oli münchang. Jowanpa hünzom Zang-e chix a hünzom to thwontsing ang, hünzome chix to mongpak-fünthole mongkünkya changchale awan ang twonwüi.

2 PUKAX-PANGAO 32:31

Babilon nok alixachong tuita, ija haxtok ma khomtsikyabu apongle hüidaokyabu bama opaktikle lax ang nguipongma chu, chix chemningkya mix hex, ija awanle kop angkya hanpakma Zang-e Hezekiah-e a chix mongmong ma danle ano.

MÜNCHUAK-TSAI 119:68

Nang a chemtukux müipuix tamchu chingchale tüipuix! Ku ang nang hwon-nwotbu anole fahüi.

DANEL 11:35

Hwom kha angkya jetüi-hwonzaile tüikya lompabu züizüi a langle awütüi, ikoxlechu ija a khünaknu atsaokya ang changüi. Ija a, Zang-e tyale thomkya hanpak ashukle machang tanto chizakle ile wüi ngoüi.

LAIPAO 20:20

Mosa-e lan: “Taxza; Zang a hünzom to wan ang tamchu chix thuazale ngo ang tom angkya hanpakma nguiwüi; ile changkoxle tix hünzome ochax chilyen angkya chang koxle.”

JOB LAIPEX 42:12

Chix tsün owangpongkya to nüile Jowanpa Job to mohiman. Athaxpi Job ang chun jatbün ali, hajat azok ut, hajat anyi maihu, ilaxle hajat tuita mantsak tüikya.

WANWÜNKAX 17:3

Hun hia khopbu a wün füi wanle anopu, ilaxle khünaksa kün-mong a Jowanpae wanpu.