TSAITONG-KAXTONG 8:12 - OTSAO BAIBEL (BSI)

¹² Chemtue hünzome alomlom pangwüi atak tamchu hom-hax müile zinglaxle ngo ang kople changüihex,

TSAITONG-KAXTONG 8:12 ပူးပေါင်းရင်းမြစ်များ

WANWÜNKAX 30:9

Ku ma alüile jangtüi thüiningchu, owatsing, kue nang chem ma lax angle thüiüi. Ikoxle ku mütmix ang jangchangchu, kue ahuxüi ilaxle nang mün amaüi.

TSAITONG-KAXTONG 32:15

“Jowanpa khünakbu huanuma ahak-aluale chang, ikoxlechu chix zan to kale tüi; hwom a tüle nutle ilaxle osüt füi wokbu afwot. Hwome hwom zingpupa Zang chilaxle awüt üntoxle tsak-zong füikya hwom khosünpa chilaxle awüt.

TSAITONG-KAXTONG 28:47

Jowanpae hünzom to pangnu lom ma mohimanle changdaoa, ikoxle hünzome mongmüi-pwonlale künkox-mongkoxle chix tho chitha.

KAXHO MÜIKYA LUK 17:28

Ija a Lut din tokya ningle changüi. Pangnusae wüi saxlingle, hang-jole üntoxle shak-sün le, küi-thwomle hia homzing pungzing le wüi ngokya.

HAGAI 1:4

“Ku khünaknu, ku zangshwom Hom a pünle awüt laxle otam tata ngotüi, jangchangthüiba hünzome a büthüikoxle haxtak-zangmongle zaikya hombu ma ngo angkya?

AMOS 5:11

Hünzome zasabu to afangle thom ilaxle hwom saxziak zongzukle lax. Ikhoma ipong müile hünzome zaile alaikya longhombu ma hünzom münngoüi chichangba ipong müile hünzome küile alaikya grep haxtok angkya grepti-ju hünzome münlingüi.

HWON-NWOT-JAONO 2:4

Kue chongkya mwot mokle tsuak. Kue ku hanpak ang hom-haxbu zingle alai ilaxle grep haxtokbu zaile alai.

TSAITONG-KAXTONG 31:20

Kue hwom putong hwom füi tsaotsüt daokya ningle kue hwom ang ija ahak-aluale tamchu haxzaoe awangle tüikya haxtok to apüiüi. Ikhato hwom ang hwome alomlom sütli tüiüi ilaxle hwom mongtex ma shale ngo ang kopüi. Ikoxle hwom a mixnok baozangbu to sho ang anongle paoüi. Hwome ku awütüi ilaxle ku füikya Tsaotsüt amaüi.

EZEKEL 11:3

Hwome thüile, ‘Keme homhaxbu tamchatle chwonle wüi zingüi. Tingnu a tuita suisong tik ningle, ilaxle kem a ija ma songkya müi ningle tüile, ikoxchutix ijae muale thüingaxchu wün chak tokya abaxle.’

TSAITONG-KAXTONG 8:13

ilaxle chemtue hünzom ang osu-maihu hia chunbu, hun hia khopbu tamchu hünzom tuinabu huanuma tüile changüihex,

TSAITONG-KAXTONG 6:10

“Jowanpa hünzom Zang-e chemle hünzom putong Abraham, Isak hia Jakop hwom füi, chongkya hia ahak-aluale tüikya tingnubu oja hünzome zingle alaikya münchanghex, ibu füi tüikya haxtok koxüile tsaosaxkya ningle changpuix,