11 “Hünzome Jowanpa hünzom Zang chemtuechu taxalak; ilaxle anyix kue hünzom ang koxkya chix wanlombu kax ma chilaxle otuechu taxtüi.
Ijip nok to chix ohünotün mwot makhange hwom khosünle kopkya Zang alakle asam.
Jali lople hüidaokya khünakbue ku je-hwon chilaxle changkya khoma hwom mik max angkya ataküi. Ongat khünakbu a ija to mongkoxle chitüikya khoma thama apongle maxüi.
Ku ma alüile jangtüi thüiningchu, owatsing, kue nang chem ma lax angle thüiüi. Ikoxle ku mütmix ang jangchangchu, kue ahuxüi ilaxle nang mün amaüi.
Ija sutuae hünzom ang texle atak ang tomüi, ilaxle chemtue hünzome ibu ngünpuix, ku kaxtombu texle ataküi ilaxle ibu kax ma laxle tüiüi; ifüima hünzome ku hato tok ahole tamchu hünzom mongtex hia mongtsukyabu füito azuile münchangüi.
Hünzom khünzaile hunga ngolax! Hünzome ma mik füi ngünle laxdaokya oli, mazi tanto alakle münawüt-ole amonglax. Hünzome su-sabu hama,
hünzom taxngam tamchu hünzom a da ang thomkya Ijip nok chak tokya hünzom khosünle dale apüikya Jowanpa hünzom Zang otuechu taxalak.
Ku chasa, Jowanpa achuak kox! chix ma chemtukux mongkün-chingcha tüipuix ija taxalak.
Hüzome hünzom zingpupa Jowanpa, owae zangding shale pünpuix ilaxle chaxwannu chifün zingle changlaxpuix, chix alakdaocha? Hünzom amüt ang achwonle ngokyabu opange hünzom to athak ang mongsile ngopuix, ibu hanpakma jento zadongle chemto ngopu? Hwom mongtsike hünzom to ojao münpo.
“Ku dapa Mosa hwon-nwot texle ataklax. Kue chix makhange, Sinai haxnukho to, Israel khünaknu pangnusa hanpakma koxkya wanlombu hia kaxtombu texle ataklax.
ija muzi makhange chichangba pai zi makhange takkya wüi changlax, chichangba swotle zingkya nyi wüi changlax, müikhwon chichangba müikhwon makhange zingkya nyi wüi changlax,
Ifüima Mosa-e khünaknu ang thüi: “Kue hünzom ang anwot-anole ngokya wanlombu pangwüi kax ma laxle tüilax, ilaxle hünzome, Jowanpa, hünzom putong hwom Zang-e hünzom ang koxle ngokya haxtok kop ang thoüi.
“Kue wanlombu pangwüi hünzom hama anwot-anole fadaoa, ija a Jowanpa, ku Zang-e ku füi akaxkya lailaile mokpu. Hünzome tingtakle koplaxle tingtan-nokzingle ngo angkya haxtok ma hünzom ibu kax ma laxle tüilax.
Hom-haxbu a hünzome chidankya tuina müikyabu füi awangle tüiüi, ilaxle hünzome chithokya tüküibu ikhama tüiüi, ilaxle hünzome küi-thwomle chichangkya grep hia olip manzai haxtokbu tüiüi. Chemtue Jowanpae hünzom ija haxtok to apüiüihex tamchu hünzome saxsele atsutsu komle tüile ngoüihex,
Idaile athaxpi, hünzom hama anwot-anole changdaokya pangwüi kax ma laxle tüilax, ilaxle anyix kue hünzom ang koxkya wanlom pangwüi kax ma laxle tüilax.
anyix kue hünzom ang koxle ngokya wanlombu pangwüi kax ma laxle tüi angkya taxalak.
Israel noke Jowanpa, hwom Zang alakle awüt; hwome chix zongto ochax lyen ilaxle Bal hia Asherah chapabu to shwom.
Chemle hwom pupa hwome ku alak laxle Bal hato paopuix, ijaja lailaile hwome wünmang zangwünbu füi ku khünakbue ku alakle changüile hwome thütle.