TSAITONG-KAXTONG 7:8 - OTSAO BAIBEL (BSI)

⁸ Ikoxlechu Jowanpae hünzom to mongkünle ilaxle chixe hünzom putong hwom füi tsaosax daokya otya ma thom angkya hanpakmale changle. Ikhoma chixe hünzom a chixtsak chix ong füi khosün laxle Ijip nok wanghompa chak tokya da ang ngokya dale paopu.

TSAITONG-KAXTONG 7:8 ပူးပေါင်းရင်းမြစ်များ

LAIPAO 20:2

“Ku a Jowanpa hünzom Zang changpu. Ijip nok to da ang ngokya hünzom kue apüipu.

JEREMIA 31:3

tsailo tokya ku hwom hato ngaipu. Israel khünaknu, kue jento hünzom to mongkünpu, ikhoma chizakle kue hünzom hato ku mongkün aho ngopu.

LAIPAO 32:13

Nang dapa Abraham, Isak hia Jakop hwom texle ataklax. Zangkho tokya lyettsibu ningle hwom sixlibu lai ang tomüi ilaxle nange hwom ang koxüihex-ole tsaokya haxtok jento hwom sixlibu kux ang achangüi lükya nang kaxtsao texle ataklax.”

ISAIA 43:4

Kue chaxwannu nok pangwüi hünzom khosün ang dantoxüi, chemthüikoxle hünzom a ku zongto thalix changle tamchu ikhoma kue hünzom to kue mongkünle tamchu e-sele.

TSAITONG-KAXTONG 10:15

Ikoxle hünzom putong hwom tokya Jowanpa mongkün tüle chongkya tüikya khoma mama owawa chichang homtoxle chixe hünzom zünle koppu, ilaxle hünzom athax kople chixe zünle kopdaokya chix khünaknu changle.

LAIPAO 13:14

Athax füichi ma hünzom naosombue ija olom twonkya a chem hanpakhex le atüikya zuma, hünzome hwom kax to lan angkya changle, ‘Jowanpae chongkya chix tsak-zong makhange Ijip chaxwan tokya kem laile pao ang tomkya changpu. Ikhato kem a dan ang ngole tüikya.

LAIPAO 13:3

Mosa-e khünaknu ang thüi: “Anyixkya hanpak texle ataklax. Ija nyix kha, Ijip nok to da angkya danle toxlaxle hünzom laile paopu. Ija a Jowanpae chongkya chixtsak-chixzong makhange hünzom alaile paokya din changle. Ija nyix twonkhax awonkya an owaechu chisax angkya changle.

KAXHO MÜIKYA LUK 1:55

Abraham to chingcha aho angkya, chixe texle atak tamchu, jento chix susa hwom angchu wüi!”

MATHI 11:26

Changpu, Apa! Chemthüikoxle ile chang angkya a nang mongtex!

ZEFANIA 3:17

Jowanpa nang Zang nang füi tüile; chixtsak chix ong makhange nange lüt ang tomüi. Jowanpae nang füi mongzom müikya tüiüi, ilaxle chix mongkün makhange chixe nang ang tsün hozün koxüi. Chix ang nang füi mongmüile tsaingaoüi,

MÜNCHUAK-TSAI 105:42

Chixe chix dapa Abraham füikya otsao kaxtsao texle atak.

MÜNCHUAK-TSAI 44:3

Nang khünakbue ija haxtok to hwom chang hwom paxbu füi lütkya chichangpu; hwome ija hwom tsak hwom zong füi lütkya chichangpu; nangtsak-nangzong füitix lütle tsuakpu, nang womle tüikya mongchen füitix tsuakpu, ijaetix hwom tokya nang mongkün ahopu.

2 SAMUEL 22:20

Thomzün chak tokya chixe ku azün; chix ku füi mongmüile tüikya khoma chixe ku khosünle kop.

1 SAMUEL 12:22

Jowanpae hünzom a chix khünaknu ang achang angkya tsaosaxdaoa, üntoxle mongzangwünle tsuakdaoa.

TSAITONG-KAXTONG 4:37

Chixe hünzom putong hwom to mongkünkya khoma chixe hünzom zünle kop, ilaxle chix tsak-zong chongkya makhange chixe hünzom Ijip nok tokya alaile apüi.

TSAITONG-KAXTONG 4:34

Jowanpa hünzom Zang-e hünzom hanpakma Ijip nok to mokkya lailaile baozang owawae mama jat-li chak tokya alailaxle khünakbu chix khünak ang zingle dan ang mongchongkya baozang tütüichahex? Hünzom mikngün ma chixe chix tsak-zong chongkya twon; chixe kaknu-laknu hia zanhok alai, ohünotün mwotbu mok, ilaxle khompua-atsikle abütkyabu ngai ang tom.

TSAITONG-KAXTONG 4:20

Ikoxle hünzom a Ijip nok to lekya okham-wün chak tokya chix azünkya changle. Anyixkya lailaile chix khünaknu ang lax ang chixe ikhatokya alaipu.

1 JUHAN 4:19

Pongwang ma Zange mongkün ikhoma keme mongkünpu.

ROM NOK HATO ZAKYA POL LAIZA 11:28

Hwome Kaxho Müikya chilaxkya khoma, mixnokbu, hünzom khoma Jehudi khünakbu a Zang füi zan ang achangle. Ikoxlechu chixe zünle kopdaokya daile, putong hwom kuxmale hwom a chix zuikhui.

PONGWANG LAIPEX 19:16

Lot a paose chitsu. Tütale wüi changkoxchu Jowanpae chix to chingcha; ikhoma ija mixsün nyie chak ma syetle, Lot, chix kakonu üntoxle sacha nyi, hwom bibi tingnu akaile apao.

PONGWANG LAIPEX 19:29

Ikoxlechu haxsha ma tüikya, Lot ngokya tingnubu amüt pongma, chixe Abraham texle atak ilaxle Lot a zingmüi ma paole azang ang tom.

LAIPAO 6:6

Ija daile Israel khünaknu ang, kue hwom ang thüile le thüikox, ‘Ku a Jowanpa changpu. Hünzom Ijip nok da ang achangle ngokya chak tokya kue danüi. Kue tüle tsak-zong füikya ku chak makhange hwom hato khomtsikya sikngün apüiüi ilaxle kue hünzom khosünüi.

2 PUKAX-PANGAO 9:8

Jowanpa nang Zang achuak kox. Nang Israel nok wanghom ang achang laxle nang füi chix mongzom ibukux müipule ahodaoa, chemthüikoxle Israel hanpakma tüikya chix mongkün a oshuk chitüikya changle, ikhoma nange chix wanlom to laxle sukya kaxfün thom angkya hanpakma chixe nang wanghom ang zingpu.”

ISAIA 63:9

sikngün chak tokya khosünle. Ija a kaxtai mix chichang, ikoxle Jowanpa chix jaojaoe hwom khosünle koppu. Chix mongkün hia chingcha makhange chixe hwom khosünle kop. Ledaokya ma chixe jento hwom to akox-akomle hüi,

EZEKEL 36:22

“Idaile athaxpi, hwom hanpakma ku, Jowanpa Khüthak Zang ma tüikya kaxho Israel nok hato laxkox. Kue chem mok angkya tüipuix ija a hünzom Israel nok hanpakmale münchang, ikoxle hünzom apaopao pangnu khato amale thomdaokya ku otsao mün hanpak ang changpu.

MIKA 6:4

Kue hünzom Ijip nok tokya alaile apüipu; kue hünzom da ang ngokya azünpu; hünzom lomzun ang kue Mosa, Arun hia Mariam hwom akatpu.

MIKA 7:20

Nange nang khünaknu, Abraham hia Jakop sixlibu, kwom putong hwom füi nange tsaole thomdaokya ningle, kwom hato chialekya mongong hia chizakkya nang mongkün aho angkya changle.

MALAKI 1:2

Jowanpae chix khünaknu füi akax: “Kue hünzom to othuithuima mongkün daoa.” Ikoxle hwome lan: “Nange kwom tokya nang mongkün chemle aho daopu?” Jowanpae lan: “Esau hia Jakop nyi a tüi-hi-nao nyi changkya, ikoxlechu kue Jakop hia chix sixli hwom to mongkünpu,

TSAITONG-KAXTONG 1:8

Haxtok ibu pangwüi kue hünzom putong Abraham, Isak hia Jakop hwom ang owüiole koxkya chaxwan changpu. Paolax ilaxle ija haxtok amle koplax.’”

TSAITONG-KAXTONG 5:6

‘Hünzom Ijip nok to da ang ngokya dale alaikya Jowanpa ku a hünzom Zang changpu.

TSAITONG-KAXTONG 23:6

Hünzom jat-li tuita ang ngokya kople mixjat-mixli ibu to fong ang chichangba hwom ahak-aluale chang angkya oli tuita chu mokle taxkox.

TSAITONG-KAXTONG 33:3

Jowanpae chix khünaknu to mongkün ilaxle chix kux ang ngokyabu kho-awa. Ikhoma kwom chix chitong ma akhux ilaxle chix kaxtombu kax ma lax.

1 WANGHOMBU 10:9

Jowanpa nang Zang achuak kox Nang Israel nok wanghom ang achang laxle nang füi chix mongzom ibukux müipule ahodaoa, chemthüikoxle Israel hanpakma tüikya chix mongkün a oshuk chitüikya changle, ikhoma nange chix wanlom to laxle sukya kaxfün thom angkya hanpakma chixe nang wanghom ang zingpu.”

1 PUKAX-PANGAO 16:16

Abraham füi atsaokya chix kaxtsao, Isak füi chixe saxkya tsaosüt.

MÜNCHUAK-TSAI 44:4

Nang a ku chongwangpa tamchu Zang changle; nange nang khünaknu ang tholünkya koxle,