TSAITONG-KAXTONG 7:7 - OTSAO BAIBEL (BSI)

⁷ “Jowanpae hünzom a mix to nüile pu-tsale tüikya khoma zünle kopkya münchang; chaxwannu ma sühixkya jat-li a hünzom changle.

TSAITONG-KAXTONG 7:7 ပူးပေါင်းရင်းမြစ်များ

TSAITONG-KAXTONG 10:22

Chemtue hünzom putong hwom Ijip nok to paokya hex, ipongma hwom khünak huak 70 wüi changkya. Ikoxle athax a Jowanpa hünzom Zang-e hünzom a ding angkya lyettsi büta le atsatdaoa.

ROM NOK HATO ZAKYA POL LAIZA 11:6

Chixe zünle kopkya a chix chingcha khoma, hwome mokdaokya mwot khomale münchang. Chemthüikoxle Zange chem zünle koppuix, ija a khünake mokkya mwot khoma jangchang thüiba, chix chingcha a otsingtsing chingcha chichangüi”.

1 JUHAN 4:10

Mongkün a ija changle: Keme Zang to mongkünle le münchang, ikoxle chixe tix kem to mongkünpu, ilaxle kem ochax khoma, kem khosün hanpak tö kox ang chixe Hosa ajo.

ROM NOK HATO ZAKYA POL LAIZA 9:21

Tikjaomix-e haxthom chix mongtextex ma twon ang tsuaküi; ilaxle tuita a ija-o lükya pongma twon ang ilaxle ata a jansu ma twon angle haxthom dwonta makhange wüi tik mali-mali anyi jaole chix mongtsutsu ma zing ang tsuaküi.

MÜNCHUAK-TSAI 115:1

Ojem chifünkya mongkün hia chialekya mongong nang ma tüingokoxle, nang tata ang, O Jowanpa, nang tata ang tix; fuazangkya kwom ang kox angkya jao münchang.

ROM NOK HATO ZAKYA POL LAIZA 9:18

Idaile chixe chingchase le texkya mix to Zange chingchale, ilaxle chixe mong akhüi ang koxse lükya mix ang chixe mong khüi ang koxle.

KAXHO MÜIKYA LUK 12:32

“Taxza, hixkya othom! Chemthüi-koxle hünzom ang Wangting kox angkya Hopa mong tsule.

MATHI 7:14

Ikoxle khüzün lom to le angkya lom a tangthole tamchu hitle tüile, idaile ija atak angkya mix a hidaole wüi.

ISAIA 51:2

Hünpu, Abraham ajangle koplax, tamchu Sarah, owa makhange hünzom pu-tsale hüipuix. Kue chemtue Abraham nyakkya hex, chix ma naosom matüikya, ikoxle kue chix to mohiman ilaxle su-sa hwom kox; kue chix su-sa hwom huanuma pu-tsale chang ang tom.

1 JUHAN 3:1

Hopae kem to otukux mongkün puix hulax! Kem ang Zangsu Zangsabu le nyakkya kople chix mongkün chongkya tüile; üntoxle otsing tomtata ma kem a chixsu chixsabu changle. Ikhoma chaxwannue kem owahex münawan; chemthüikoxle chaxwannue Zang owahex chitsing.

TSAITONG-KAXTONG 1:10

Jowanpa hünzom Zang-e hünzom ding angkya lyettsi büta tsa ang tompu.

TSAITONG-KAXTONG 4:37

Chixe hünzom putong hwom to mongkünkya khoma chixe hünzom zünle kop, ilaxle chix tsak-zong chongkya makhange chixe hünzom Ijip nok tokya alaile apüi.

1 PUKAX-PANGAO 16:19

Zang khünaknu a alüile chitüikya, Kanan haxtok ma wünpa tuita ang ngo.

MÜNCHUAK-TSAI 44:3

Nang khünakbue ija haxtok to hwom chang hwom paxbu füi lütkya chichangpu; hwome ija hwom tsak hwom zong füi lütkya chichangpu; nangtsak-nangzong füitix lütle tsuakpu, nang womle tüikya mongchen füitix tsuakpu, ijaetix hwom tokya nang mongkün ahopu.

MÜNCHUAK-TSAI 105:12

Khünak huak ma Zang khünakbu a hidaole wüi changkya, Kanan haxtok to hwom a mixnok wünpa ang süt.

ISAIA 63:9

sikngün chak tokya khosünle. Ija a kaxtai mix chichang, ikoxle Jowanpa chix jaojaoe hwom khosünle koppu. Chix mongkün hia chingcha makhange chixe hwom khosünle kop. Ledaokya ma chixe jento hwom to akox-akomle hüi,

EZEKEL 36:22

“Idaile athaxpi, hwom hanpakma ku, Jowanpa Khüthak Zang ma tüikya kaxho Israel nok hato laxkox. Kue chem mok angkya tüipuix ija a hünzom Israel nok hanpakmale münchang, ikoxle hünzom apaopao pangnu khato amale thomdaokya ku otsao mün hanpak ang changpu.

TSAITONG-KAXTONG 14:2

Hünzom a Jowanpa hünzom Zang kux changpu; hünzome chixe chaxwannu angkya khünak khama chix khünak ang kamle kopdaoa.

EZEKEL 20:5

Kue hwom füi akax ngokya kax hwom hama wünkox. Chemtue kue Israel zünle koppuix, kue hwom füi tsao tuita sax. Kue hwom hato Ijip nok to ku ngaile aho laxle akaxpu: Ku a Jowanpa, hünzom Zang changle.